Hoziya 12:13 - Livulu lya Shukulu Kalunga

¹³ Co Shukulu Kalunga watumine muka-kwimanena mukupatula vanu va mu Isalele ku vundungo mu Ingito, nakuvanyunga mwamuvwa.

Hoziya 12:13 Iomraidhean Croise

Kushangumuka 28:2

Livwaese uye ku Mesopotamya, kwimbo lya kuku yove Mbetwele, ukambate munakazi, muna nyokono Lambani.

Kushangumuka 29:20

Yakomba wapangelele Lambani myaka itanu na ivali ngeci ambate Lakele, oloni simbu ije yasholokele ngwe matangwa amandondo lika kuli ikeye, omwo Yakomba wazemene Lakele manene.

Myaso 77:20

Watwamenenene vanu vove ngwe kanyungi, waangwile Mosesa na Alone kupwa vantwama vavo.

Kutuuka 13:3

Asinoni Mosesa wendekele kuli vanu ngwendi, “Anukeni litangwa eli, omwo a litangwa eli likelyo mwatundile mu Ingito kuje mwakele mu vunzinda. Eli likelyo litangwa lije Shukulu Kalunga wamituwisile na livoko lyendi lya nzili. Co kesi mulye makende akwaka musima.

Kutuuka 14:19

Cooni kangelo ka Njambi, uje wakele kulutwe lwa mbunga ya vaIsalele, welukile munima yavo, co ije manda ya lishelwa lalo yelukile kunima yavo noo yakele

Hoziya 11:1

Shukulu Kalunga alinakwendeka ngwendi, “Omo Isalele wapwile mwanike, njamuzemene, tunde a simbu ije watundile mu Ingito, co njamutumbwile ngwange munange.

Hoziya 2:15

Co njikamwana lalo vitungu vyendi vya mikolovozi ya vushuka vwa vinyu vije vyakele navyo laja, nakutengulula Cana ca Tuyando kupwa cikolo ca cinyangavili. Co akanjitava ngwe muje mwalingile omo wapwile wamundondo, omo watundile ku Ingito.

Mika 6:4

Njamitundisile mu Ingito, nakumipatula mu vundungo. Njatumine Mosesa, na Alone, na Milyamu mukumitwamenena.

Kulava 12:8

Co njikendeka nendi citona-mesho kesi mu tusau embwe, na ikeye namono laja cifwa cange! Omwo vikajo kumwesi na lyova akufweya ngamba yange Mosesa?”

Kwituluka mu Mashiko 26:5

Co mukendeka ku mesho Shukulu Kalunga Njambi yeni ngweni, ‘Kukulwila yetu wapwile kaAlama muka-kwendangana, watwalele naanga yendi ku Ingito nakukakalako. Vakevo vapwile vavandondo lika omo vaile, oloni vakelukile kupwa muyati wakama wa nzili manene.

1 Samwele 12:8

Omo Yakomba na naanga yendi vaile ku Ingito, co vaka-Ingito omo vavayandesele, vakukulwila veni valililile kuli Shukulu Kalunga ngeci avakwase, co ikeye wavatuminine Mosesa, na Alone, vakevo vavatundisile mu Ingito nakuvanena mu lifuti lino nakutungamo.