Hoziya 12:10 - Livulu lya Shukulu Kalunga

¹⁰ “Njendekele kuli vaka-kwimanena, co njavasholwelele vimona vyavingi. Co njanangwile vanu vange ali vaka-kwimanena.

Hoziya 12:10 Iomraidhean Croise

1 Vimyene 13:1

Akushika kwa Shukulu Kalunga, muka-kwimanena wa ku Yunda waile ku Mbetele, omo wetele kuje wawanene Yelovowame nemana ku mutula mukukombelela n̄ombelo.

1 Vimyene 17:1

Muka-kwimanena umo lizina lyendi Elinja, wa ku Tisheve mu Ngilyande, wendekele kuli Mwene Ahave ngwendi, “Mu lizina lya Shukulu Kalunga, Njambi wakuyoya wa Isalele, ou injipangela, njikuleka ngwange kukukakala lime nambe nyonzi mu myaka ivali nambe itatu kuvanga noo yange njinendekamo.”

1 Vimyene 19:10

Elinja wakumbulwile ngwendi, “Shukulu Kalunga Njambi Muka-nzili yoshe, yange simbu yoshe njakupangela, yove lika. Oloni vanu va Isalele vanapokola cikumiiyo cavo nove, vanasiwula mitula yove, co vanatsii vaka-kwimanena vove voshe. Ange lika njasalako, co lalo vashaka kunjitsiya!”

2 Vimyene 17:13

Shukulu Kalunga watumine miluwa vendi na vaka-kwimanena kunangula Isalele na Yunda ngwendi, “Sezeni vingila vyeni vyavivi, ononokeni vizilika vyange vije vili mu Mashiko aje njanene kuli vakukulwila veni aje njaanene kuli yeni ali vangamba vange vaka-kwimanena.”

Nehemiya 9:30

A mwaka na mwaka wavanangwile nakusimpa, nakuvambulwila vukaleo ali Munzinzime wove, muli vaka-kwimanena vove, oloni vanu vove vapwile tusinda-matwi, ngecivene, wavakundikile mu mavoko a miyati yeka ngeci vavafungulule.

Kutuuka 20:2

“Yange njapwa Kalunga Njambi yeni, uje wamitundisile mu Ingito, kuje kumwakele mu vinzinda.

Njelemiya 19:1

Shukulu Kalunga wanjilekele ngwendi, “Njelemiya, ya ukalande njava ya vuma kuli muka-kushonga. Co lalo ya amolika na vakulunu vamo, na vakulunu vamo vakama va vaka-kukombelela,

Njelemiya 19:10

Asinoni Shukulu Kalunga wanjilekele kutsiila njava kulutwe lwa vanalume vaje vezile amo nange,

Njelemiya 25:4

Kumwasele kutolilila nambe kumbako mbunge, nameme Shukulu Kalunga watwaleleo kutuma vangamba vendi vaka-kwimanena, kuli yeni.

Njelemiya 7:25

Kutunda a litangwa lije vakukulwila veni vatundile mu Ingito noo ku litangwa lya lelo, njinakala nakumitumina vangamba vange vaka-kwimanena.

Ezekiyele 17:2

“Muna munu, leka vaIsalele cisimo eci,

Ezekiyele 20:49

Oloni njendekele ngwange, “Shukulu Kalunga wa Akamwa ya Vyoshe, kesi utave ngeci njicilinge! Munu na munu nalinyenge laja ngwendi simbu yoshe yange njikendeka mu tusau.”

Hoziya 13:4

Shukulu Kalunga alinakwendeka ngwendi, “Yange Kalunga Njambi yeni, uje wamitundisile mu Ingito. Kesi mukakale lalo na Njambi weka kuvanga ange lika. Yange lika njapwa muyoyesi weni.

Hoziya 3:1

Shukulu Kalunga wendekele kuli yange ngwendi, “Ya lalo ukamwese cizemo cove kuli munakazi uje alinakulinga vupangala na muka-cizemo cendi. Unapande kumuzema ngwe muje munjicili nakuzema vanu va mu Isalele, nameme vacili nakuya ku vinjambi veka nakushaka kukombelela vin̄ombelo vya vushuka vwakuma ku tumponya.”

Njwele 2:28

“Munima yevi njiketila munzinzime wange ali munu na munu. Vana veni va vanalume na ava va vanakazi vakambulula vuka-kwimanena, co tukulukazi veni vakalota vinjozi, vakwenje veni vakamona vimona.

VaLevi 23:42

Vanu va Isalele voshe vakakale mu mapapela matangwa atanu na avali.

Amose 7:14

Co Amose wakumbulwile ngwendi, “Yange kesi nji muka-kwimanena wakwambulwila fweto embwe. Yange nji kanyungi, nji muka-kunyunga miti ya mikuyu.

Kulava 12:6

Co Shukulu Kalunga wendekele ngwendi, “Njitolilileni evi njendeka! Nga kwali muka-kwimanena akati keni, yange Kalunga njilisholola kuli ikeye mu cimona nakwendeka nendi mu njozi,

Vilinga vya Miluwa 2:17

‘Njambi alinakwendeka ngwendi, Evi vikevyo njikalinga ku matangwa akukotoka, njiketila Munzinzime wange ali munu na munu. Vana veni va vanalume na ava va vanakazi vakambulula vuka-kwimanena, co vakwenje veni vakamona vimona, co tukulukazi veni vakalota vinjozi.

2 Kolinte 12:1

Njilyalesa, nameme ngwe kucasa kulinga cimo cacivwa. Oloni ololo njendeka a vimona na a vyakunjijombolokela vije vyanjanene Mwene.

2 Kolinte 12:7

Oloni mukunjinyunga kutewa njilyalesa omwo vyuma vije vyakukomokesa vinjamwene, co vanjanene mushongo wa lulanga mu muvila, uje wakele nakupanga ngwe muluwa wa Satana mukunjisindakana nakunjinyunga kutewa njilyalesa.