Hoziya 12:1 - Livulu lya Shukulu Kalunga

¹ “Vyuma vyoshe vije vivakalingi vanu va mu Isalele kutunda ku mutondo nakweta ku vutsiki kuvyesi na seo, co vinapu vyakunyongesa. Makuli na vilinga vya muuka vinatumu akati kavo. Co valinakulikumiiya cikumiiyo na vaAsilya, nakulinga nganyo na vaka-Ingito.”

Hoziya 12:1 Iomraidhean Croise

Kushangumuka 41:6

Mitwe ikwavo itanu na ivali yamenene lalo, yakwekwiya nakwenya na lihunzi lya ntwima lya mu mambo.

2 Vimyene 15:19

Tingelate Pilesele, mwene wa Asilya walwisile Isalele, co Menaheme wamwanene makilo akupwa 34,000 a mavundungulu a siliva ngeci amukwase kukolesa vumwene vwendi mu lifuti.

2 Mizimbu 21:11

Co mu Yunda na mu mafuti a malundu watungililemo myela yakulemesela vinjambi va vaka-kujeneka kukulaela, co watwamenenene vanu va mu Yunda na vanu va mu Yelusalema kulinga vuvi ku mesho a Shukulu Kalunga.

Yombi 15:2

“Yombi, munu wa mana kapandele kwendeka majwi akujeneka seo,

Myaso 78:36

Oloni vamushangazalele ngoco na tunwa twavo, nakwendeka makuli

Njelemiya 2:36

Omwo vikajo mulinakutengulwila vingila vyeni akukavangeya vinjambi va miyati yeka? Vaka-Ingito vakamizivisa shwamwa, ngwe muvamizivisile shwamwa vaka-Asilya.

Njelemiya 22:22

Vantwama veni vakavapekumuna na lihunzi, vasamba veni vaka-kumikwasa kulwa vakavatwala ku vunzinda, nganda yeni vanaiyeluwisa nakuyizivisa shwamwa, omwo vuvi vwoshe vuje vumunalingi.

Njelemiya 7:15

Yeni vanu va mu Yunda, njikamisheka mu lifuti lyange ngwe munjashekele vavushoko vweni vanu va Isalele. Yange Kalunga, njinendekamo.”

Mbimbi 5:6

Akuwana vyakulya vyakupwisamo ngeci tuyoye, twile nakuvilomba ku Ingito na ku Asilya.

Ezekiyele 17:10

Eyo, vaukunine, oloni ukayoya nakukola ndi? Kuma kuukajujwama omo lihunzi lya mu ngangela likahuwila kuukewo ndi? Kuma kuukajujwama kuje kuulinakukulila ndi?’ ”

Hoziya 11:12

Shukulu Kalunga alinakwendeka ngwendi, “Vanu va mu Isalele vananjizengeleka na makuli nakukwisa, co vanu va mu Yunda valinakunjitengulukila yange Njambi wa kulongwa nakujela.

Hoziya 11:9

Kunjikaminyanyamesa akuluvala kwange embwe, kunjikasa kunyongesa Isalele lalo embwe. Omwo yange Njapwa nji Njambi, kesi ngwe nji munu embwe. Yange, Njapwa Wakujela njili amo neni. Co kunjikaija lalo kuli yeni mukuluvala embwe.

Hoziya 4:15

“Nameme yeni vanu va mu Isalele munapu vakujeneka kulongwa kuli yange, ngeci vene Yunda kesi alizive ngwe ali na mulonga wa cuma eci embwe. Kesi muye ku Ngilingale nakulemeselako nambe ku Mbetele, nambe kulinga cikulaeso mu lizina lya Shukulu Kalunga wakuyoya.

Hoziya 4:19

Vakavapekumwina kulyala ngwe lihunzi mulikapekumuna vishoni, co vakaziva shwamwa a vin̄ombelo vyavo vyakukombelela ku tumponya.

Hoziya 5:13

“Omo Isalele wamwene alinakuvinja, co omo Yunda wamwene vimbandu vyendi vavenya, asinoni Isalele waile ku Asilya nakukalomba mwene wakama mukumukwasa, oloni kasele kuvasaka nameme kukangwisa vimbandu vyavo.

Hoziya 7:1

“Oshe aje anjishakela kukangwisa vanu vange va Isalele ngeci vakale lalo mwamuvwa, vyoshe njilinakumona vinapu kupenga-penga kwavo na vuvi vuje valinakulinga. Valinakulikwisa umo na mukwavo, vatuva vinjuvo nakwiva, co vevila vanu mu vitapalo.

Hoziya 7:11

Isalele alinakupulula ngoco ngwe liyembe wakujeneka mana, vanu vendi akulivanga valinakusana Ingito mukuvakwasa, co lalo vatewela ku Asilya!

Hoziya 8:7

Omo vakuna lihunzi, vateja kankumba! Nga vimbuto vyakulinga makende kuvihi kuvasa kulinga makende embwe. Oloni nameme vihya, vaka-kwija vakavilya vyoshe njwa!