Hoziya 11:8 - Livulu lya Shukulu Kalunga

⁸ “Vatijo njasa kukwecelela, Isalele? Vatijo njasa kukumbila kuti? Kuma njasa kuminyongesa ngwe munjanyongesele Andema ndi? Nambe kumipangesa ngwe munjapangesele Zemboime ndi? Mbunge yange kuyikanjitavesa kucilinga! Cizemo cange kuli yeni cinapu cakama manene.

Hoziya 11:8 Iomraidhean Croise

Kushangumuka 14:8

Vaje vimyene vatanu, Mwene Mbela wa ku Sondoma, na Mwene Mbilesha wa ku Ngomola, na Mwene Shinambe wa ku Andema, na Mwene Shemembele wa ku Zemboime, na mwene wa ku Mbela, Mbela ikeyo nganda ya Zowale, vezile na mbunga ya mashwalale vavo nakulwila mu Cimbongo ca Sindime.

2 Samwele 24:16

Omo kangelo ka Shukulu Kalunga washakele ngeci anyongese Yelusalema, Shukulu Kalunga watengulwile viyongola vyendi vyakuhisa vanu, co wendekele kuli kangelo uje wakele nakuvatsiya ngwendi, “Likele! Wapwisamo!” Kangelo wakele ku mutambela wa lijungwilo lya Alauna, kaNjevushi.

1 Vimyene 3:26

Co vaina ya uje mwana, vazivile manene mema ku mbunge ali munendi, co wendekele kuli mwene ngwendi, “Shukulu, shukulu, kesi mutsiye mwanike! Mwaneni vene kuli ikeye!” Oloni uje munakazi mukwavo wendekele ngwendi, “Kesi mumwane kuli umo wetu embwe, mutavuleni vene vimbazuvwila vivali.”

2 Vimyene 13:23

oloni Shukulu Kalunga wakele na ngozi na mema ku mbunge ali vakevo. Ikeye kavecelele ngeci vavanyongese embwe, oloni wavakwasele omwo ya cikumiiyo cendi kuli Avilahama na Isake na Yakomba. Ikeye kevalele vanu vendi embwe.

2 Mizimbu 36:15

Co Shukulu Kalunga, Njambi ya vakukulwila vavo, wakele nakutuma vaka-kwimanena vanangule vanu vendi, omwo wakele na ngozi navo, na Njuvo yendi.

Myaso 106:45

Shukulu Kalunga wanukile cikumiiyo cendi omo vakevo, co watengulwile viyongola vyendi omo cizemo cendi cije kucesi kutenguluka.

Isaya 16:11

Ngecivene, mbunge yange ilinakulinyenga a Mowavi, nakulinyenga a Kile Helese.

Isaya 63:15

Shukulu Kalunga, kenga ali yetu oku uli mwilu, mwimbo lyove lya vumpau. Kuma lajoko unatwivala ndi? Nzili yove ilikulijo? Cizemo cove nakutetela vilikulijo? Kesi utuyengule.

Njelemiya 18:8

oloni nga uje muyati wa vanu vatenguluka ku vuvi vwavo, co njikatengulula viyongola vyange, kunjikalingi vije vinjayongwele kulinga.

Njelemiya 3:12

Shukulu Kalunga wanjilekele ngeci njikendeke kuli Isalele ngwange Shukulu Kalunga nendeka ngwendi, “Isalele wakujeneka kulongwa iluka kuli yange. Yange muka-mema ku mbunge, co kunjikakuluvalela ku myaka yoshe.

Njelemiya 31:20

“Isalele, yove wapwa munange injazema manene, wapwa mwana injazema manene kutuvakana. Nameme njishaka kukunyanyamesa, anga vene njikuyongola. Mbunge yange ikushaka manene, co njikakuzivila mema ku mbunge.

Njelemiya 42:10

‘Nga muli na cizango cakukala muno mu lifuti, co yange njikamivezikisa, co wai akamipesa, njikamikongweya kunjikamishandola embwe. Co cihiso cije cinjinanena ali yeni canjinenesa vusiwa vwakama.

Njelemiya 9:6

Shukulu Kalunga nendeka ngwendi, “Mulinakukala akati ka vaka-makuli, ngeci a makuli avo vananjivyana.”

Njelemiya 9:7

Omwo vyuma evi, Shukulu Kalunga Muka-nzili yoshe alinakwendeka ngwendi, “Njikajelesa vanu vange ngwe vutale, co njikaveseka. Vanu vange vanalingi vuvi, vikajo lalo vinjilinga navo?

Mbimbi 1:20

“Shukulu Kalunga, kenga tuyando twange, kenga kukemanga kwa mwonyo wange! Mbunge yange ilinakulwa mu nulo, omwo vusiwa vwa vuvi vwange. Kuli kulitsiya mu vitapalo, nameme mu vinjuvo muli kutsa.

Mbimbi 3:32

Nameme atunenela vusiwa, oloni cizemo cendi ali yetu mwa vushunga anga cili na nzili.

Mbimbi 3:33

Nalumo lwai avwaelela mukutuyandesa nambe kutuzivisa kuvavala.

Ezekiyele 33:11

Valeke ngwove mwa vushunga ngwe yange Kalunga wa Akamwa ya Vyoshe, njapwa Njambi wakuyoya, kunjesi kuvwaelela a kutsa kwa muka-vuvi. Njishaka kumumona naseza kulinga vuvi, co ayoya. Isalele, likele vuvi vuje vuulinakulinga. Omwo vikajo ushakela kutsa?

Ezekiyele 6:9

kuje vakakala mu vunzinda. Co kuje vakanjanuka, nakuzivuka ngeci yange njinavahisa nakuvazivisa shwamwa, omwo vimbunge vyavo vyakujeneka kukulaela vyanjisezele, co vazemene tumponya kutuvakana yange. Co vakaziva vunyengwe, omwo vuvi na vyuma vya shwamwa vije vivalingile.

Hoziya 6:4

Oloni Shukulu Kalunga alinakwendeka ngwendi, “Isalele na Yunda, cuma mukajo njikalinga kuli yeni? Cizemo ceni kuli yange cilinakuhwa vwasi-vwasi ngwe mbundu ku mutondo, cinapu ngwe lime lije likatotomoka ku mutondo-tondo.

Hoziya 7:1

“Oshe aje anjishakela kukangwisa vanu vange va Isalele ngeci vakale lalo mwamuvwa, vyoshe njilinakumona vinapu kupenga-penga kwavo na vuvi vuje valinakulinga. Valinakulikwisa umo na mukwavo, vatuva vinjuvo nakwiva, co vevila vanu mu vitapalo.

Amose 4:11

“Njanyongesele vamo veni ngwe munjanyongesele Sondoma na Ngomola. Co vamo veni vaje vaputumukileo vapwile ngwe cimbundi cakwenya cije civanatundisa mu liko. Nameme ngoco kumwelukile kuli yange.” Mwanendeka Shukulu Kalunga.

Amose 7:3

Co Shukulu Kalunga watengulwile viyongola vyendi, co wendekele ngwendi, “Evi viwunamono kuvikalingiwa.”

Amose 7:6

Co Shukulu Kalunga watengulwile viyongola vyendi, co wendekele ngwendi, “Evi kuvikalingiwa lalo embwe.”

Mika 5:3

Ngecivene, Shukulu Kalunga akana vanu vendi mu mavoko a vitozi vavo noo munakazi uje nakiti munendi wa munalume. Asinoni vavushoko vwendi vaje vasalele mu vunzinda vakeluka nakulipandakana na vaIsalele.

Zefaniya 2:9

Mwa vushunga vene yange Kalunga Njambi wa Isalele uje wayoya, njilinakulisinga ngeci Mowavi na Amoni vakanyonga ngwe Sondoma na Ngomola. Mafuti avo akemuka mitambela ya vimbulu vya mwongwa muje kuvakasa kulima vimbuto, co mukamena shaku lika. Co vanu vange vaje vakasalao vakapukula nakwambata lifuti lya Mowavi na Amoni.”

Mateo 23:37

“Yelusalema, Yelusalema! Yove ukatsii vaka-kwimanena nakwasha mamanya miluwa va Njambi vaje vatumine kuli yove! Visimbu vyavingi njashakele kukungulula vanu vove nakuvavumbatela mu mavoko ange, ngwe kasumbi avutikiya vana vendi mu mambava, oloni yove kuwanjitavele!

Kwituluka mu Mashiko 29:22

“Co visemwa vyeni vya kulutwe, na vatekulwila veni, na vaka-kwija vakutunda ku mafuti a kulyala, vakamona vukalu vwa tuyando tweni tuje twakasholola Shukulu Kalunga a lifuti lyeni.

Kwituluka mu Mashiko 29:23

Mahya akominina, akakakama na lilungu, na mwongwa, cuma nacimo cai cikamenamo, nameme mwila. Co lifuti lyeni likafwa ngwe vinganda vya Sondoma, na Ngomola, na Andema, na Zemboime, vinganda vije vyanyongesele Shukulu Kalunga omo waluvalele manene.

Kwituluka mu Mashiko 32:36

Shukulu Kalunga akapatula vanu vendi, omo akamona ngeci nzili yavo inahu. Ikeye akakala na mema ku mbunge ali vaje vamupangela, omo akavamona ngeci vanazeye.

2 Petulu 2:6

Njambi wahisile vinganda vya Sondoma na Ngomola, wavinyongesele na tuhya, co wavipwisile cimweso ali vije vikalingiwa kuli vaka-vuvi.

Yunda 1:7

Anukeni Sondoma na Ngomola, na vinganda vije vyateleko, vije vanu vamwo valingile ngwe muje muvalingile vaje tungelo mukulikundika ku vilinga vya vupangala na mu mashungu amavi, vayanda na n̄avava ya cihiso ca tuhya ca myaka yoshe kupwa kunangula kwa mutanya mwelu kuli voshe.

Kujombolola 11:8

co mivila yavo vakailangeka mu tapalo ya nganda yakama, kuje kuvashukikilile Mwene yavo. Cizivukiso ca lizina lya nganda ije lyapwa Sondoma nambe Ingito.

Kujombolola 18:18

co valilile omo vamwene vwisi vwa milangi ije yamwenyekele, co vendekele ngwavo, “Kukwesi lalo nganda yakama yakutuvakana eyi!”

Maako 10:16

Ngecivene, vatundisile vinjambi vavo veka, co valemesele Shukulu Kalunga, co ikeye wazivile ku mbunge kuvavala a tuyando twa vaIsalele.