Hoziya 11:6 - Livulu lya Shukulu Kalunga

⁶ Co nzita ikanyongesa vinganda vyavo nakusiwula vikolo vya nganda. Nzita ikanyongesa vanu vange, omwo valinakulinga vije vivayongola vakevo vavenya ngwavo vinapu vyavivwa.

Hoziya 11:6 Iomraidhean Croise

Myaso 106:39

Valiviisile na vilinga vyavo evi, co kuvapwile va kulongwa kuli Njambi.

Myaso 106:43

Visimbu vyavingi Shukulu Kalunga wavapatwile, oloni vakevo vamutengulukilile Shukulu Kalunga, nakulinga manene vuvi.

Isaya 18:5

Omo kanda vacikungulule vushuka, omo vishani vyoshe vinatotomoka, co vushuka omwo vuhya, Shukulu Kalunga akanyongesa vaSundane ngwe moko ivatozola minango ya mikolovozi ya vushuka vwa vinyu.

Isaya 27:10

Nganda ya cimpaka ikasala mu ngundu. Ikasala ayo lika ngwe mu mambo mwakujeneka vyuma. Ikapwa vulilo vwa vingombe, muje muvakavutama nakulilamo.

Isaya 30:1

Shukulu Kalunga nendeka ngwendi, “Ngongo yavo vaje valinakushwana mu Yunda, omwo vananjitengulukila nakunjilwisa. Valinakukava matumbe aje kunjalingile, valinga lizivasano kesi lya ku cizango cange, co valinakutwalao kulinga vuvi.

Isaya 9:14

A litangwa limolika, Shukulu Kalunga akahisa vantwama va Isalele na vanu vayo. Ikeye akavavatozola mutwe wavo na mukila wavo.

Njelemiya 5:17

Vakalya vimbuto vyeni na vyakulya vyeni, co vakatsiya vana veni va vanalume na ava va vanakazi. Vakatsiya matanga a vimanga veni nakunyongesa mikolovozi ya vushuka vwa vinyu, na miti ya mikuyu. Vinganda vyeni vya mu vimpaka vije mwakulaela vakavisiwula kuli mashwalale vavo.

Njelemiya 50:35

Shukulu Kalunga alinakwendeka ngwendi, “Moko ya mukwale ikatapa vaMbambilone na woshe uje alimo. Mukwale ukatapa vamyata vendi, na vanu vavo vaka-mana.

Mbimbi 2:9

Vikolo vinanyongo mu livu, mikambo yavyo yoshe inatsenozoka. Mwene na vanu va vulemu ololo vali mu vunzinda. Ololo naumo wai lalo alongesa mashiko, co vaka-kwimanena kuvesi na vimona lalo vyakutunda kuli Shukulu Kalunga.

Ezekiyele 20:47

Leka shwata ya mu mbwela kuziva vije vyalinakwendeka Shukulu Kalunga wa Akamwa ya Vyoshe ngwendi, ‘Kengeni! Njilinakushwameka tuhya, co tukenyeka miti yoshe ije ili muli yove, nameme yakutonola nambe yakuma. Nacimo cai cikasa kutuzima. Tukashalava kutunda mu mbwela nakweta ku kunto, co munu na munu akaziva ntwima ya milangi.

Hoziya 10:14

nzita ikaija ali vanu veni, co vimpaka vyeni vyoshe vakavinyongesa. Cikafwa ngwe a litangwa lije omo Mwene Shalamane wanyongesele nganda ya Mbetelavele mu nzita, co vainavo na vana vavo vavatsiilile mu nzita.

Hoziya 10:6

Co kaje kamponya vakakatwala ku Asilya kupwa kalambu kuli mwene wakama wakuje. Co Isalele vakamushaula nakumuzivisa shwamwa omwo kunangula kuje wakavele.

Hoziya 13:16

Samaliya vanapande kuyinyanyamesa akunjitengulukila. Vanu vendi vakatsila mu nzita, co vimbututu vakavamwashwila asi, co tufumba-kazi vakavatavula memo.”

Hoziya 4:16

Vanu va mu Isalele vanakaluwisa manene vimbunge vyavo ngwe ngombe wa lwavo. Vatijo njasa kuvalisa ngwe vimanga mu mwila wauvwa?

Hoziya 4:17

Vanu va mu Isalele vanaangula kulemesa tumponya. Veceleni vaye mu ngila yavo.

VaLevi 26:25

Njikanena nzita ali yeni ya kumihisa omwo munapokola cikumiiyo cange, nga mukalikungulwila mu vinganda vyeni nakuvandamo, co njikatuma mushongo wa lulanga akati keni, njikamikundika kuli vitozi veni ngeci vakamishwane.

VaLevi 26:31

Njikapwisa membo eni vingundu, co njikanyongesa myela yeni yakulemesela, co kunjikavwaelela na vwisi vwa lwengo lwaluvwa lwa vin̄ombelo vyeni.

VaLevi 26:33

Co nzita ikaija akati keni yakumishandwela ku mafuti eka. Mu lifuti lyeni mukapwa mwangoco, na membo akapwa vingundu.

Amose 6:8

Shukulu Kalunga wa Akamwa ya Vyoshe Muka-nzili yoshe alinakunangula ngwendi, “Yange njazinda kulyalesa kwa vanu va Isalele, njiyengula vinjuvo vyavo vyakama. Co njikana nganda yavo yakama na vyuma vyoshe vilimo kuli vitozi vavo.”

Mika 5:11

Njikanyongesa vinganda vya mu lifuti lyeni nakusiwula vimpaka vyeni vyoshe.

Malakiya 4:1

Shukulu Kalunga Muka-nzili yoshe alinakwendeka ngwendi, “Litangwa lilinakwija omo voshe vaka-kulyalesa na vaka-vuvi vakavenyeka ngwe vishati. A litangwa lije voshe vakenya njwa, co nacimo cai cuma cavo cikasalao.

Kwituluka mu Mashiko 28:52

Vakalwisa nganda na nganda ije ili mu lifuti lije lyakamyana Shukulu Kalunga Njambi yeni, na vivumbe vyakukola vyavilaja, vije mwakulaela vikasiwuka.

Kwituluka mu Mashiko 32:25

Vanu vakatsa mu vitapalo ku moko ya mukwale, na munjunju ukakala mu membo. Vakwenje na vambanda vakatsa, co vimbututu na tukulukazi vakatsa.