Hoziya 10:8 - Livulu lya Shukulu Kalunga

⁸ Mitula ya akamwa ya malundu a Avene kuje vakele nakulemesela vaIsalele tumponya vakainyongesa. Co mambimbo na shaku vikamena akamwa ya mitula yavo. Co vanu vakatambeka ku minkinda ngwavo, “Tushwekeni!” Na ku malundu lalo ngwavo, “Tuwileni!”

Hoziya 10:8 Iomraidhean Croise

Kushangumuka 3:8

Ku cingwezi vazivile Shukulu Kalunga Njambi alinakwenda mu lihya, co vavandele mukati ka miti.

1 Vimyene 13:2

Co uje muka-kwimanena watambekele ngwendi Shukulu Kalunga nanjitumu kwendeka ku mutula ou ngwendi, “Ove mutula, Shukulu Kalunga nendeka ngwendi, ‘Kenga, mwana akasemuka ku naanga ya Ndaviti lizina lyendi Yosiya. Ikeye akatsiilao vaka-kukombelela vaje vakapanga ku mitula ya vaka-kujeneka kukulaela vaje vakakombelela vin̄ombelo a mutula ou, co akenyekelao vitsiya vya vanu.’ ”

1 Vimyene 13:34

Co vuvi ovu vwanenele luvinda lwakama ali Yelovowame nakunyongesa muyati wendi.

1 Vimyene 14:16

Shukulu Kalunga akaseza Isalele omwo Yelovowame nalingi vuvi nakutwamenena vanu va Isalele mu vuvi.”

2 Vimyene 23:15

Yosiya wasiwile lalo mutambela mu Mbetele uje uvalemeselele, uje watungile Mwene Yelovowame muna Nembate, uje watwamenenene Isalele mu vuvi. Co Yosiya washimbwile mutula, watavozwele mamanya awo vimbazuvwila, wavitwile vyapwile likungu, co wenyekele lalo cifwa ca Ashela.

2 Mizimbu 31:1

Omo vamanesele ciwano, vanu voshe va Isalele vaile ku nganda na nganda ya mu Yunda nakushimbula vimanda vya mamanya, vavatozwele vifwa vya Ashela njambi wa munakazi, co vasiwile mitula na mitambela ije vakele nakulemesela vaka-kujeneka kukulaela. Co valingile cuma eci mu mitambela yoshe ya mu Yunda, na mu mafuti a Mbenjemani na Efalime na Manase, asinoni voshe velukile ku membo avo.

Isaya 2:19

Omo Shukulu Kalunga akaija nakuningangesa kaye, vanu vakavanda mu manzenzengoma mu malundu a mamanya, nambe kwinda viteke kutewa vukalu vwa Shukulu Kalunga nakuvanda ku nzili ya vumpau vwendi.

Isaya 2:21

Omo Shukulu Kalunga akaija nakuningangesa kaye, vanu vakavanda mu viteke na mu manzenzengoma mu malundu a mamanya, kutewa vukalu vwa Shukulu Kalunga nakuvanda ku nzili ya vumpau vwendi.

Isaya 32:13

co mambimbo na mishwena vili mu lifuti lya vanu vange. Lilileni vinjuvo vyoshe muje muvanakele vanu vakuvwaelela, na nganda ije mwakele nakuyoya mwamuvwa.

Isaya 34:13

Mambimbo na mishwena vikamena mu mapela mwoshe na mu vinganda, co mukakala vimbanje na makun̄ulu.

Hoziya 10:2

Vanu vaje vimbunge vyavo vinapu vya makuli ololo vanapande kuyanda a vivi vyavo. Njambi akasiwula mitula yavo nakupokozola vimanda vyavo vyakujela.

Hoziya 10:5

Vanu vaje vali mu nganda ya Samaliya vakaziva lyova, co vakalila a uje ngombe wa ngolinde wa ku Mbetele. Co vakevo na vaka-kukombelela vaje vapangela uje kamponya vakakalilila. Vakalila omo vakamona valinakukatundisa vuvwa vwako vwa ngolinde.

Hoziya 10:9

Shukulu Kalunga alinakwendeka ngwendi, “Vanu va Isalele kuvalikelele kulinga vuvi ku mesho ange tunde a simbu ije valingile vuvi ku Ngimbeya. Ngecivene, nzita ikavawana ku Ngimbeya.

Hoziya 2:6

Ngecivene, njikamusitila mu cipatanga ca mishwena, nakutunga civumbe cakushoka ngila yendi.

Hoziya 4:13

Co aje a mitambela yakujela akamwa ya minkinda akeo valinakukombelela vin̄ombelo, co a malundu venyekelao insense mwisi ya miti yailaja, yakujanjavala, omwo munzinze unapu wauvwa! “Omwo vyuma evi, vana veni va vanakazi vanapu vikwizi, na vanyokomweno valinakulinga vupangala.

Hoziya 4:15

“Nameme yeni vanu va mu Isalele munapu vakujeneka kulongwa kuli yange, ngeci vene Yunda kesi alizive ngwe ali na mulonga wa cuma eci embwe. Kesi muye ku Ngilingale nakulemeselako nambe ku Mbetele, nambe kulinga cikulaeso mu lizina lya Shukulu Kalunga wakuyoya.

Hoziya 5:8

Imbeni malupembo a nzita mu Ngimbeya! Imbeni mwondo wa nzita mu Lama! Tambekeni mutambi wa nzita mu Mbetele! Koveleni mu nzita yeni vanalume va Mbenjemani!

Hoziya 8:5

Njazinda ngombe wa nkomba wa ngolinde uje ivakalemesa vanu va mu nganda ya Samaliya. Njinaluvala navo manene. Simbu mukajo vakecela kulemesa tumponya twavo?

Hoziya 9:6

Omo tuyando twakama tukaija, co vanu voshe vakalishandoka, co vaka-Ingito vakavakungulula, vakavakungulula nakuvatsinda ku Mefise! Vufuko vwavo vwa ngolinde na mitambela aje vatungilile membo avo vikakupuka mu shaku na mu mambimbo.

Amose 1:5

Njikavatozola vikolo vya nganda ya Ndamasiku nakutundisa vanu vakala mu cimbongo ca Avene na muka-kushwana wa ku Mbetendene. Co vanu va ku Silya vakavatwala mu vunzinda ku lifuti lya Kile.” Filisitiya

Amose 3:14

“A litangwa lije omo njikanyanyamesa vanu va Isalele omwo vuvi vwavo, co njikanyongesa mitula ya Mbetele. Vimbango vya mutula na mutula woshe vikapokozoka nakuwila asi.

Amose 7:9

Ku mitambela kuje kuvakalemesela vatekulwila va Isake vakainyongesa. Co myela yakujela ya Isalele ikasiwuka. Njikatsiya naanga ya Yelovowame na mukwale.’ ”

Amose 8:14

Co vaje vakalisingi na tumponya twa ku Samaliya, vaje vakendeka ngwavo, ‘Ali njambi wa ku Ndani,’ nambe ngwavo, ‘Ali njambi wa ku Mbeleshemba,’ co vanu va cifwa eci vakawa, kuvakenduka lalo.”

Mika 1:13

Yeni mwakala mu Lakishe, kutileni vimulu vyeni ku matemba. Mwatembunwinine vuvi vwa Isalele, co ngeci mwakokelele Yelusalema mu vuvi.

Mika 1:5

Evi vyoshe vikalingiwa omwo vanu va mu Isalele vanalingi vuvi na kutengulukila Njambi. Iyajo ivavayesa akutengulukila kwa Isalele? Kuma kesi Samaliya ndi? Iyajo uje ali na mulonga wa vukwizi mu Yunda? Kuma kesi Yelusalema ndi?

Nahumi 3:11

Nenevayi, nove lalo ukapwa mukupenda! Nove lalo ukavomboloka ku vitozi vove.

Luka 23:30

Ije ikeyo ikapwa simbu omo vanu vakendeka ku minkinda ngwavo, ‘Tuwileni!’ Na ku malundu ngwavo, ‘Tufwikeni!’

Kwituluka mu Mashiko 9:21

Ngecivene, njanonele cuma cije cacivi cije cimwalingile, muna ngombe wa vutale uje mwafulile, co njamumbilile mu tuhya, ngeci njamutsenene na kumutwa vunga, mukemwo njombilile vuje vunga mu muna ndonga ije yakele nakutunda ku munkinda.

Kujombolola 6:16

Co vasanene minkinda na mamanya ngwavo, “Ijeni mutuwile nakutufwika kutunda ku mesho a uje natumbama a litanda na ku vukalu vwa Muna Manga!

Kujombolola 9:6

Co mu vingonde vije vitanu vanu ava vakashaka kutsa oloni kuvakaciwana, vakashaka ngeci vatse, oloni kutsa cikavatewa.