Hoziya 10:5 - Livulu lya Shukulu Kalunga

⁵ Vanu vaje vali mu nganda ya Samaliya vakaziva lyova, co vakalila a uje ngombe wa ngolinde wa ku Mbetele. Co vakevo na vaka-kukombelela vaje vapangela uje kamponya vakakalilila. Vakalila omo vakamona valinakukatundisa vuvwa vwako vwa ngolinde.

Hoziya 10:5 Iomraidhean Croise

2 Vimyene 10:29

Oloni watembunwinine vuvi vwa Mwene Yelovowame, uje watwamenenene Isalele nakuvakovelesa mu vuvi vwakulemesa tumponya twa ngolinde twa vana va vingombe tuje vashimbikile mu Mbetele na mu Ndani.

2 Vimyene 17:16

Vapokwele mashiko oshe a Shukulu Kalunga Njambi yavo, vafulile vana va vingombe va nkomba vavali va vutale nakuvalemesa, co lalo vafulile cifwa ca Ashela njambi wa munakazi, co valemesele vingongonosi, co valemesele Mbale kupwa njambi yavo.

2 Vimyene 23:5

Co watundisile vaka-kukombelela vaje vavemikile vimyene va mu Yunda kukombelela vin̄ombelo a mitula ya vaka-kujeneka kukulaela mu vinganda vya Yunda na mitambela kuyehi na Yelusalema, na vaka-kukombelela voshe vaje vakombelelele vin̄ombelo kuli Mbale na ku litangwa na ku ngonde na ku vimbunga vya mwilu, na ku vingongonosi.

2 Mizimbu 11:15

Co Yelovowame wemikile vaka-kukombelela vendi, vapange ku myela ije yakulemesela vinjambi va vaka-kujeneka kukulaela nakulemesa minzinzime yakujwala na tumponya vaje vaashongele mu cifwa ca vana va vingombe.

2 Mizimbu 13:8

Ololo mwayongola kulwisa vumwene vuje vwaanene Shukulu Kalunga kuli vatekulwila va Ndaviti. Muli na mashwalale vavangi, co lalo muli na vingombe va ngolinde vaje vapangele Yelovowame ngeci vapwe vinjambi veni.

Isaya 46:2

Tumponya kutwasa kulyamena tuketwo vavenya, vanatufungulula nakututwala kweka. Awa akewo mamaneselelo a vinjambi va Mbambilone!

Hoziya 13:2

Oloni vacili nakutwalao kulinga vuvi, akulinga vifwa vya vutale nakuvilemesa, tumponya otu twa siliva vanatulingi na mana a vanu, na mavoko a vanu. Asinoni vendeka ngwavo, “Tukombeleleni n̄ombelo kuli vakevo!” Vatijo vanu vasa kukandelela kamponya, kamponya uje wa cifwa ca ngombe!

Hoziya 4:15

“Nameme yeni vanu va mu Isalele munapu vakujeneka kulongwa kuli yange, ngeci vene Yunda kesi alizive ngwe ali na mulonga wa cuma eci embwe. Kesi muye ku Ngilingale nakulemeselako nambe ku Mbetele, nambe kulinga cikulaeso mu lizina lya Shukulu Kalunga wakuyoya.

Hoziya 5:8

Imbeni malupembo a nzita mu Ngimbeya! Imbeni mwondo wa nzita mu Lama! Tambekeni mutambi wa nzita mu Mbetele! Koveleni mu nzita yeni vanalume va Mbenjemani!

Hoziya 9:1

Vanu va mu Isalele, likeleni kulinga viwano vyeni vyakulisamba ngwe vaka-kujeneka kukulaela. Munatengulukila kweka nakutunda kuli Njambi yeni, co kumwapwile va kulongwa kuli ikeye. Co mu lifuti mwoshe munalilandesa yeni vavenya ngwe vikwizi kuli Mbale nakuzema vimbuto vije mwayongwele ngweni ikeye wamifwetelevyo!

Hoziya 9:11

Vukama vwa Isalele vukapulwila kulyala ngwe kazila, co kukukasemuka lalo vana kuli vakevo, kukukakala lalo vanakazi va tufumba-kazi, naumo mwana ivakemita wai.

Amose 3:14

“A litangwa lije omo njikanyanyamesa vanu va Isalele omwo vuvi vwavo, co njikanyongesa mitula ya Mbetele. Vimbango vya mutula na mutula woshe vikapokozoka nakuwila asi.

Zefaniya 1:4

“Njikanyanyamesa vanu voshe va mu Yelusalema na mu Yunda. Njikanyongesa munu woshe muka-kulemesa Mbale, co naumo wai lalo akanuka vaka-kukombelela va vaka-kujeneka kukulaela vaje vamupangelele.

Vilinga vya Miluwa 19:27

Co kuli vushonde vwakama manene, ngeci vipangi vyetu evi vikashauka. Kesi evi lika, oloni kuli lalo vushonde ngeci njuvo ya Atemise njambi wakama wa munakazi ikapwa yangoco, co lalo vukama vwendi vukahwa, vukama vwa njambi wa munakazi uje ivakalemesa kuli munu woshe muno mu Asiya na mu kaye koshe!”

Yoshwa 7:2

Co Yoshwa watumine vanalume kutunda ku Yeliko nakuya ku Ayi, nganda yakele mu ngangela ya Mbetele, kuyehi na Mbetevane, wavalekele ngeci valamate ku malundu vakanenge lifuti. Ngecivene, vaje vanalume valamatele vakanengele lifuti lya Ayi.

Maako 18:24

Mika wavakumbulwile ngwendi, “Ngweni, ‘Mulonga ukajo?’ Munambata muka-kukombelela wange, na vinjambi vaje njapangele munaija navo! Co yange vika njinasala navyo?”