Hoziya 10:14 - Livulu lya Shukulu Kalunga

¹⁴ nzita ikaija ali vanu veni, co vimpaka vyeni vyoshe vakavinyongesa. Cikafwa ngwe a litangwa lije omo Mwene Shalamane wanyongesele nganda ya Mbetelavele mu nzita, co vainavo na vana vavo vavatsiilile mu nzita.

Hoziya 10:14 Iomraidhean Croise

Kushangumuka 32:11

Njakulombo, njamene kuli ndolome yange Isau. Njili na lyova ali ndolome yange kutewa omo aija akutunyongesa yetu voshe na vanakazi, na vanike.

2 Vimyene 17:16

Vapokwele mashiko oshe a Shukulu Kalunga Njambi yavo, vafulile vana va vingombe va nkomba vavali va vutale nakuvalemesa, co lalo vafulile cifwa ca Ashela njambi wa munakazi, co valemesele vingongonosi, co valemesele Mbale kupwa njambi yavo.

2 Vimyene 17:3

Mwene Shalamanesele wa Asilya wamulwisile, co Hosheya waliitile kuli Shalamanesele, wakele nakufweta mulambu kuli ikeye a mwaka na mwaka.

2 Vimyene 18:33

Kuma kuli vinjambi va ku miyati yeka vamenene mafuti avo ku mavoko a mwene wa Asilya ndi?

Isaya 17:3

Isalele kuyikakala na cimpaka cakuyinyunga, co Ndamasiku vakainyongesa. Va Asilya vaje vakasalao vakaziva shwamwa ngwe vanu va Isalele. Yange Kalunga Muka-nzili yoshe, njinendekamo.”

Isaya 33:14

Vanu vaka-vuvi vaka-Siyone valinakulijajela na lyova. Vendeka ngwavo, “Kusompa kwa Njambi kunapu ngwe tuhya tuje kutwesi kuzima. Kuma ali yetu kuli umo akasalao a tuhya twakufwa ngacije ndi?”

Njelemiya 13:14

Asinoni njikavalingisa ngeci valitsene umo na mukwavo ngwe vinjava, kunjikakala na mema ku mbunge kuli mukulunu nambe mukwenje, co voshe vakanyonga.’ ”

Njelemiya 48:41

co vinganda na vimpaka vakavifungulula. A litangwa lije mashwalale va Mowavi vakalijajela ngwe munakazi ashaka kukita.

Hoziya 10:15

Omu mukemwo mucikapwa kuli yeni vanu va ku Mbetele, omwo vuvi vuje vwakama vumunalingi. Omo nzita ikashangumuka, co mwene wa Isalele akatsa.”

Hoziya 13:16

Samaliya vanapande kuyinyanyamesa akunjitengulukila. Vanu vendi vakatsila mu nzita, co vimbututu vakavamwashwila asi, co tufumba-kazi vakavatavula memo.”

Amose 3:14

“A litangwa lije omo njikanyanyamesa vanu va Isalele omwo vuvi vwavo, co njikanyongesa mitula ya Mbetele. Vimbango vya mutula na mutula woshe vikapokozoka nakuwila asi.

Amose 3:8

Omo ndumba aana, iyajo kazivi lyova? Omo Shukulu Kalunga wa Akamwa ya Vyoshe endeka, iyajo alikela kwambulula majwi endi?

Amose 9:5

Shukulu Kalunga wa Akamwa ya Vyoshe ikeye akwata asi oshe, co asi ajaja, co voshe valiho valinyenga na vusiwa. Kaye koshe kakajalela nakunyekumuka ngwe Ndonga ya Nailo.

Mika 5:11

Njikanyongesa vinganda vya mu lifuti lyeni nakusiwula vimpaka vyeni vyoshe.

Nahumi 3:10

Oloni vanu va ku Tevese vavatwalele mu vunzinda. Vana vavo vavapupile nakuvatsiila a masambwa-ngila. Vanalume vavo va kasingimiko vavakutile malyenge nakuvatwala nakulipangezelavo akati ka vaje vavakwatele.

Nahumi 3:12

Co vimpaka vyove vyoshe vikapwa ngwe miti ya mikuyu ili na vushuka vwakulivanga kuhya, nga uningangesa muti, co vushuka vuwila mu kanwa kove!

Hambakuke 1:10

Vakevo vayengula vimyene, nakujola vamyata vakama. Nganda ya cimpaka naimo yahi kuvasa kukovela. Valundika livu ku vivumbe vya cimpaka, co vafungulula nganda.