Hoziya 10:11 - Livulu lya Shukulu Kalunga

¹¹ “Isalele wapwile ngwe ngombe wa lwavo wakulongesa mwamuvwa, uje wazema kujungula vimbuto. Oloni njayongwele kumwaka mandauluwa a mukoshi wendi wauvwa manene, ngeci apange vipangi vyakukaluwa nakumulemuwisa. Njalingisile Yunda kukoka litemo, co Isalele wakavele munima nakuvujula masinde.

Hoziya 10:11 Iomraidhean Croise

Isaya 28:24

Kukwesi ndimi alima ngoco mahya endi kujeneka kukunamo.

Njelemiya 28:14

Shukulu Kalunga Muka-nzili yoshe, Njambi ya Isalele, nendeka ngwendi akaka mandauluwa ya cikuvo a mikoshi ya vanu voshe ngeci vapangele Mwene Nevukaneza wa Mbambilone. Shukulu Kalunga nendeka ngwendi nameme tusitu akavononwesa ngeci vapangele Nevukaneza.”

Njelemiya 46:20

Ingito napu ngwe ngombe wa lwavo wamuvwa, oloni limu wa ku kunto namushumu.

Njelemiya 50:11

Shukulu Kalunga alinakwendeka ngwendi, “Vanu va Mbambilone, yeni mwapukwile vanu vange. Yeni munavwaelela nakujolela, mulinakwendangana ngwe ngombe wa lwavo alinakujungula vimbuto, nambe ngwe kavalu alinakwoya,

Hoziya 11:4

Njavashwenyesele kuli yange na cizemo cange. Njavajundwile nakuvaka a nulo yange, njakulamene nakuvalisa.

Hoziya 2:5

Omwo Ngomele wendekele ngwendi, “Njikakava vaka-cizemo cange vakanjana vyakulya na mema, na vyakuzala vya maka a vimanga na nanga ya linyu, na mazi a olive, na vinyu.”

Hoziya 3:1

Shukulu Kalunga wendekele kuli yange ngwendi, “Ya lalo ukamwese cizemo cove kuli munakazi uje alinakulinga vupangala na muka-cizemo cendi. Unapande kumuzema ngwe muje munjicili nakuzema vanu va mu Isalele, nameme vacili nakuya ku vinjambi veka nakushaka kukombelela vin̄ombelo vya vushuka vwakuma ku tumponya.”

Hoziya 4:16

Vanu va mu Isalele vanakaluwisa manene vimbunge vyavo ngwe ngombe wa lwavo. Vatijo njasa kuvalisa ngwe vimanga mu mwila wauvwa?

Hoziya 9:1

Vanu va mu Isalele, likeleni kulinga viwano vyeni vyakulisamba ngwe vaka-kujeneka kukulaela. Munatengulukila kweka nakutunda kuli Njambi yeni, co kumwapwile va kulongwa kuli ikeye. Co mu lifuti mwoshe munalilandesa yeni vavenya ngwe vikwizi kuli Mbale nakuzema vimbuto vije mwayongwele ngweni ikeye wamifwetelevyo!

Mika 4:13

Shukulu Kalunga alinakwendeka ngwendi, “Vanu va mu Yelusalema, yeni nakunyanyamesa vitozi veni! Njikamitakamesa ngwe ngombe wa nkomba wa vimbinga vya vutale na vimbemba vya vunengu. Mukatsena miyati yaingi ya vanu na vufuko vwavo na nzita, co mukavwana kuli yange Kalunga wa kaye koshe.”

Loma 16:18

Omwo voshe vaje valinga vyuma evi kuvesi nakupangela Kilistu Mwene yetu embwe, oloni sholovya yavo lika. Co na majwi avo akukokweya na endekesi yavo yakuseveleka vakwisa vanu vakujeneka mulonga.

Kwituluka mu Mashiko 25:4

“Kesi mukute ngombe ku kanwa omo alinakujungula vimbuto.