Hoziya 1:7 - Livulu lya Shukulu Kalunga

⁷ Oloni njikamwesa cizemo ku vanu va mu Yunda. Yange Kalunga Njambi yavo, njikavamena, oloni kunjikavamena nakulwa embwe, nambe na mikwale, nambe na mata a lusipa na mikili, nambe na tuvalu na vaka-kulonda a tuvalu.”

Hoziya 1:7 Iomraidhean Croise

2 Vimyene 19:29

“Eci cikeco cimweso ca vije vikasholoka. Mwaka uno na mungolosika, mukalya lika vimbuto vyakulimenena mu shwata, oloni mungolosikulula mukalima tiliku nakuyiteja, co mukakuna mikolovozi ya vushuka vwa vinyu, nakulya vushuka vwakwo.

2 Vimyene 19:34

Njikamena nganda eyi nakuyinyunga, omwo lizina lyange, na omwo cikulaeso njalingile kuli ngamba yange Ndaviti.’ ”

2 Vimyene 19:35

Co vutsiki vuje vene kangelo ka Shukulu Kalunga waile ku cilombo ca vaAsilya, watsiile mashwalale vakupwa 185,000. Co alikaki mutondo, vavawanene voshe vanatsi!

2 Vimyene 6:18

Omo vaSilya valwile, co Elisha walombelele ngwendi, “Shukulu Kalunga, zivalesa mesho a vanu ava ngeci vapwe tupuputwa!” Co Shukulu Kalunga wakumbulwile lilombelo lyendi, wazivalesele mesho avo.

Myaso 33:16

Mwene kesi kuhyana omwo nzili ya mashwalale vendi, co lishwalale kesi kuhyana omo nzili yendi embwe.

Myaso 44:7

oloni unatwamena ku vitozi vetu, co yove unazivisa shwamwa vaka-kutuzinda.

Kutuuka 14:13

Mosesa wavakumbulwile ngwendi, “Kesi muzive lyova! Simpeni lika, mukamona evi vyakalinga Shukulu Kalunga mukumyamena ku litangwa lya lelo, ava vaka-Ingito kumukasa kuvamona lalo.

Kutuuka 14:30

Likelyo litangwa lije Shukulu Kalunga wamenene vanu vaIsalele kuli vaka-Ingito, co vaIsalele vamwene mitunu ya vaka-Ingito vanalala vanatsi ku ngenge ya mema a kalunga.

Isaya 12:2

Njambi ikeye muyoyesi wange, njikamukulaela kunjikazivi lyova. Omwo Shukulu Kalunga ikeye nzili yange, na mwaso wange. Co napu muyoyesi wange.

Isaya 30:18

Ngecivene, Shukulu Kalunga namivandamena ngeci amizivileko mema ku mbunge. Ikeye alinakumizivila ngozi omwo simbu yoshe akalingi vya vushunga. Vanavezika vaje vakulaela muli Shukulu Kalunga.”

Isaya 49:6

Shukulu Kalunga wendekele kuli yange ngwendi, “Njili na vipangi vyakama ali yove, ngamba yange. Kesi lika vipangi vyakwilwisa vanu va Isalele vaje vanasalao embwe, oloni njinakwaka ano ngeci upwe ceke ku vaka-mafuti, ngeci vaka-kaye voshe vovoke.”

Isaya 7:14

Ngecivene, Shukulu Kalunga ikeye vavenya akamyana cimweso, kengeni mumbanda uje kanda alimone na munalume akakala na limo, co akakita mwana wa munalume, vakamuluka lizina lyendi ‘Manuwele.’

Njelemiya 25:5

Vamilekele ngeci mutunde ku vingila vyeni vyavivi na ku vilinga vyavivi na ku vyuma vyavivi vije vimulinakulinga, ngeci mwase kukala mu lifuti lije Shukulu Kalunga waanene kuli yeni na kuli vakukulwila veni ngeci lipwe vufuko vweni ku myaka yoshe.

Njelemiya 25:6

Vamilekele ngeci kesi mulemese nakupangela vinjambi vangoco, co kesi muluvalese Shukulu Kalunga akulemesa tumponya tuje tumunashongo. Nga mwononokele Shukulu Kalunga, nga kaminyanyamesele embwe.

Njelemiya 33:26

Mwa vushunga omo njinalingi evi, yange njikakolesa cikumiiyo cange na vatekulwila va Yakomba, na ngamba yange Ndaviti. Njikaangula umo wa vatekulwila va Ndaviti kushwana a vatekulwila va Avilahama, na Isake, na Yakomba. Njikazivila vanu vange mema ku mbunge, co vakavezika lalo.”

Hoziya 1:8

Omo Ngomele washumwine munendi wa munakazi, co wakele na limo lalo lya mwana weka wa munalume.

Hoziya 11:12

Shukulu Kalunga alinakwendeka ngwendi, “Vanu va mu Isalele vananjizengeleka na makuli nakukwisa, co vanu va mu Yunda valinakunjitengulukila yange Njambi wa kulongwa nakujela.

Zakaliya 4:6

Co kangelo wanjilekele kwambulula majwi awa kuli Zelumbambele akutunda kuli Shukulu Kalunga ngwange Shukulu Kalunga nendeka ngwendi, “Yove ukahyana, kesi na nzili ya vushwalale nambe na nzili yove vavenya embwe, oloni na Munzinzime wange.

1 Samwele 17:47

co munu na munu uje ali kuno akazivuka ngwendi Shukulu Kalunga kesi kulwa na mikwale nambe na makunga mukwamena vanu vendi. Omwo Shukulu Kalunga muka-kuhyana vinzita, co ikeye akamikundika mu mavoko etu.”