Hoziya 1:4 - Livulu lya Shukulu Kalunga

⁴ Shukulu Kalunga wendekele kuli Hoziya ngwendi, “Muluke lizina ngwove ‘Njezelele,’ omwo kumuketi simbu yakama omo njikanyanyamesa mwene wa Isalele akutsiya kuje kwalingile kukulwila yendi Yehu ku Njezelele. Co njikamanesa vumwene vwa Yehu.

Hoziya 1:4 Iomraidhean Croise

2 Vimyene 10:1

Ahave wakele na vatekulwila makumi atanu na avali vakele mu nganda ya Samaliya. Yehu wasonekele mikanda, waitumine ku Samaliya kuli vaka-kushwana va mu Njezelele, na kuli vakulunu na kuli vaje valelele vatekulwila va Ahave. Co ije mikanda waisonekele ngwendi,

2 Vimyene 10:17

Omo vaketele kuje, co Yehu watsiile vavushoko voshe va Ahave, naumo wai wasaleleo. Evi vikevyo Shukulu Kalunga walekele Elinja ngeci vikalingiwa.

2 Vimyene 15:29

Omo Peka wapwile mwene wa mu Isalele, Tingelate Pilesele, mwene wa Asilya wafungulwile vinganda vya Injone na Avele Mbete Maka na Njanowa na Kendeshe na Hazole na mafuti a Ngilyande na Ngalileya na Nafetali, co watwalele vinzinda ku Asilya.

2 Vimyene 15:8

Mu mwaka wamumakumi atatu na itanu na itatu omo Uziya wapwile mwene wa mu Yunda, co Zekaliya muna Yelovowame Wamucivali wapwile mwene wa mu Isalele, washwanene mu Samaliya vingonde vitanu na imo.

Isaya 7:14

Ngecivene, Shukulu Kalunga ikeye vavenya akamyana cimweso, kengeni mumbanda uje kanda alimone na munalume akakala na limo, co akakita mwana wa munalume, vakamuluka lizina lyendi ‘Manuwele.’

Isaya 8:3

Mwetile simbu yaindondo, munakazi wange wakele na limo. Omo munetu wasemukile, co Shukulu Kalunga wendekele kuli yange ngwendi, “Muluke lizina ngwove, ‘Mahele Shalale Hashe Mbaze.’

Isaya 9:6

Omwo kuli yetu kunasemuka mbututu! Vanatwana mwana wa munalume! Co akapwa muka-kutushwana. Vakamutumbula ngwavo, “Muka-kunangula Wakukomokesa.” “Njambi Muka-nzili yoshe” “Tate wa ku Myaka Yoshe.” “Mwene wa Kwoloka.”

Njelemiya 20:3

Alikaki mutondo Pashehule wanjitundisile mu malyenge, co njendekele kuli ikeye ngwange, “Shukulu Kalunga kakakutumbula lalo Pashehule, oloni akakutumbula ‘Kutewa cuma coshe-icoshe.’

Njelemiya 23:2

Evi vikevyo vyalinakwendeka Shukulu Kalunga, Njambi ya Isalele, ali vaka-kushwana vaje vapandele kunyunga vanu vendi ngwendi, “Yeni kumwanyungile vanu vange, munavashandola nakuvashekela kulyala. Mwa vushunga njikaminyanyamesa omwo vuvi vuje vumunalingi.

Njelemiya 3:8

Yunda lalo wamwene ngeci yange njashekele Isalele omwo watundile kuli yange nakupwa cikwizi. Oloni Yunda, ndokazi ya Isalele wakujeneka kulongwa, kakele na lyova. Nendi lalo wapwile cikwizi,

Ezekiyele 23:10

Vamushulwile vuzalo vwendi, co vakwatele vana vendi va vanalume na ava va vanakazi, co vamutsiile na mukwale. Ngecivene, vanakazi kwoshe-ikwoshe vendekele a cifwa ca kutsa kwendi.

Ezekiyele 23:31

Yove wakavele vilinga vya ndokazi yove, co nange lalo njikakwana nganja ya cihiso ya cifwa cimo ngeci uyinwe.”

Hoziya 1:6

Ngecivene, Ngomele wakele na mwana wamucivali lalo, a simbu eyi wapwile mwana wa munakazi. Co Shukulu Kalunga wendekele kuli Hoziya ngwendi, “Muluke lizina ngwove ‘Wakujeneka Kuzema,’ omwo kunjikamwesa lalo cizemo ku vanu va Isalele nambe kuvasambesa embwe.

Hoziya 1:9

Co Shukulu Kalunga wendekele kuli Hoziya ngwendi, “Muluke lizina ngwove ‘Kesi Vanu Vange,’ omwo vanu va mu Isalele kesi vanu vange, co nange lalo kesi nji Njambi yavo.”

Hoziya 2:13

Njikamunyanyamesa a visimbu vije vyananjivalele, omo wenyekelele insense kuli Mbale nakuzala vuzalo vwendi vwa senga mukukavangeya munima ya vaka-cizemo cendi. Mwanendeka Shukulu Kalunga.

Hoziya 2:22

Njikanyokesa nyonzi mu lifuti, co asi akamenesa vimbuto na mikolovozi ya vushuka vwa vinyu na mazi a olive.

Hoziya 9:17

Njambi uje njilinakupangela akavyana vanu vendi, omwo vanavyana kumutolilila. Vakapwa vaka-kwendangana akati ka miyati ya vanu.

Amose 9:8

Yange Kalunga wa Akamwa ya Vyoshe, njilinakukenga a vumwene vwa Isalele ovu vwavuvi, co njikavunyongesa kuvutundisa ano asi. Oloni kunjikanyongesa vatekulwila voshe va Yakomba.

Mateo 1:21

Ikeye akakita mwana wa munalume, co ukamuluka lizina lyendi Yesu, omwo ikeye akaamena vanu vendi ku vuvi vwavo.”

Luka 1:13

Oloni kangelo wendekele kuli ikeye ngwendi, “Kesi uzive lyova Zakaliya! Njambi nazivi lilombelo lyove, munakazi wove Elizaveta akakita mwana wa munalume, co ukamuluka lizina lyendi Yowano.

Luka 1:31

Kenga, ukakala na kafumba, co ukakita mwana wa munalume, ukamuluka lizina lyendi Yesu.

Luka 1:63

Co Zakaliya walombele citale asonekeo, wasonekeleo ngwendi, “Lizina lyendi Yowano.” Co voshe vakasamene manene!

Yowano 1:42

Asinoni Anduleo watwalele Simoni kuli Yesu. Yesu wamukengele, co wendekele nendi ngwendi, “Lizina lyove yove Simoni muna Yowano, oloni vakakutumbula Kefase.” (Eli linalifu mumolika na Petulu, co lilumbunuka ngwalyo “Limanya.”)

Yoshwa 19:18

Co mutambela wavo wakumbasaneneko Njezelele, na Kesulote, na Shuneme,