Hangai 2:7 - Livulu lya Shukulu Kalunga

⁷ Co njikatundisa miyati yoshe ya vanu, na vyuma vyavo vyoshe vya seo vikaija kuno, co Njuvo yange ikashula na vufuko.

Hangai 2:7 Iomraidhean Croise

Kushangumuka 22:18

Muli vatekulwila vove miyati yoshe ya asi ikavezika, omwo yove unononoka kushika kwange.”

Kushangumuka 3:15

Njikaka vutozi akati kove na munakazi, na akati ka mbuto yendi na mbuto yove. Co mbuto yendi ikasanyozola mutwe wove, co yove lalo ukamushuma ku linsinsinye lyendi.”

Kushangumuka 49:10

Mulamu wa vumwene kuukatundu kuli Yunda, nambe mulamu wa muka-kushwana kuukatundu ku vatekulwila vendi, noo vavenyawo naija, miyati ya vanu vakamwononoka.

1 Vimyene 8:10

Omo vaka-kukombelela vatundile mu Njuvo ya Shukulu Kalunga, co lishelwa lyakuvyakuma lyashulisile mu Njuvo ya Shukulu Kalunga,

1 Vimyene 8:11

ngeci vaka-kukombelela kuvasele kwilukilamo nakupanga vipangi vyavo, omwo vumpau vwa Shukulu Kalunga vwashulisile mu Njuvo ya Shukulu Kalunga.

2 Mizimbu 5:14

omwo vumpau vwa Shukulu Kalunga vwashulisile Njuvo ya Shukulu Kalunga.

Myaso 80:1

Yove Kanyungi ka Isalele, tolilila kuli yetu, tutolilile, yove ntwama ya vutanga. Yove unatumbama akamwa ya vakelumbi,

Myaso 85:9

Mwa vushunga kwamena kwendi kuli muyehi na vaje vamukomoka, ngeci vumpau vwendi vukale mu lifuti lyetu.

Isaya 2:19

Omo Shukulu Kalunga akaija nakuningangesa kaye, vanu vakavanda mu manzenzengoma mu malundu a mamanya, nambe kwinda viteke kutewa vukalu vwa Shukulu Kalunga nakuvanda ku nzili ya vumpau vwendi.

Isaya 60:4

Kenga mesho ove noku-noku, umone vije vilinakulingiwa, vanu vove valinakukunguluka vaije kwimbo! Vana vove va vanalume vakatunda kulyala, vana vove va vanakazi vakavambata ngwe vana vavandondo.

Isaya 60:7

Vimanga voshe va ku Kendale na ku Nembayote Vakavanena kuli yove mukuvakombelela. Vakavakombelela a mutula mukuvwaelelesa Shukulu Kalunga. Co njikashangazala Njuvo yange ya vumpau.

Ezekiyele 21:27

Kunyongesa, kunyongesa! Eyo, njikanyongesa eyi nganda. Oloni kucikalingiwa kuvanga naija uje injinaangula kuhisa nganda. Asinoni njikamwanayo.

Ezekiyele 31:16

Omo njikautuma kushelumuka ku vukalo vwa vatsi, co muyoyo wakuwa kwawo ukajajesa miyati. Co miti yoshe ya mu Endeni na miti yoshe ije yakwitangela mwamuvwa yakwangula ya Lembanone, ije yashelumukile laja mwisi ya livu, vakavwaelela akuwa kwawo.

Ezekiyele 38:19

Yange njendeka mu vukalu vwange ngwange a litangwa lije kukakala mandunduma akama manene mu lifuti lya Isalele.

Ezekiyele 44:4

Asinoni uje munalume wanjitwalele kwita mukati ka cikolo ca ku kunto kulutwe lwa Njuvo ya Shukulu Kalunga. Njakengele, co njamwene vumpau vwa Shukulu Kalunga vwashulisile Njuvo yendi. Njawililile asi na cihanga cange cakwatele a livu,

Hangai 1:8

Ololo lamateni ku malundu mukashakeko mavaya, ngeci mwakutungulule Njuvo yange, asinoni cikanjivwasa, co mukanjilemesa ngwe mucanjipande.

Malakiya 3:1

Shukulu Kalunga Muka-nzili yoshe nendeka ngwendi, “Kengeni njikatuma muluwa wange uje akavwaesa ngila kulutwe lwange. Asinoni Shukulu Kalunga uje imulinakukengelela akaija vwasi-vwasi ku Njuvo yendi. Muluwa uje imukakengelela akaija nakwambulula cikumiiyo cange.”

Luka 19:47

Yesu wakele nakulongesa mu Njuvo ya Shukulu Kalunga a litangwa na litangwa. Co vakulunu va vaka-kukombelela na valongisi va majwi a Lishiko na vantwama va vanu vashakele kumutsiya,

Luka 2:27

Akumutwamenena Munzinzime Wakujela, Simyoni wakovelele mu Njuvo ya Shukulu Kalunga. Omo visemi vanenele mwanike Yesu mu Njuvo ya Shukulu Kalunga vamulinge ngwe ku Lishiko vemikile,

Luka 2:46

Co a litangwa lyamucitatu vamuwanene mu Njuvo ya Shukulu Kalunga, natumbama akati ka valongisi va vaYunda, nakuvatolilila nakuvehozola vihula.

Luka 20:1

A litangwa limo omo Yesu wakele nakulongesa mu Njuvo ya Shukulu Kalunga nakwambulula Vin̄anda Vyavivwa kuli vanu, co vakulunu va vaka-kukombelela na valongisi va majwi a Lishiko amo na vakulunu vezile

Luka 21:38

Co mutondo-tondo vanu voshe vakele nakuya ku Njuvo ya Shukulu Kalunga nakumutolilila.

Yowano 1:14

Co Lijwi lyemukile munu, lyashulile na kutetela navushunga, co lyakele akati ketu. Twamwene vumpau vwendi, vumpau vuje vwaatambwile akupwa mwana umolika wa Ishe.

Ngalatiya 3:8

Co visoneka vyenikile ngeci Njambi akaka vaje kesi vaYunda kupwa vaka-vushunga ku mesho endi akukulaela. Ngecivene, visoneka vyambulwile Vin̄anda Vyavivwa kuli Avilahama ngwavyo, “Muli yove Njambi akavezikisa miyati yoshe ya vanu.”

Kolose 2:9

Omwo kushula kwa vu Njambi vwoshe vwakala muli Yesu, mu vunu vwendi,