Hangai 2:5 - Livulu lya Shukulu Kalunga

⁵ Omo mwatundile mu Ingito, njamikulaesele ngwange njikakala amo neni simbu yoshe. Co anga vene njili amo neni, ngecivene, kesi muzive lyova embwe.

Hangai 2:5 Iomraidhean Croise

2 Mizimbu 20:17

Yeni kumukalu nzita eyi embwe. Oloni mukakale lika mu myela yeni nakuvandamena, mukamona Shukulu Kalunga mwakamihyanesa ku vitozi veni. Yeni vanu va mu Yunda na vanu va mu Yelusalema, kesi muzeye nambe kesi muzive lyova. Yeni ku nzita, Shukulu Kalunga akakala amo neni!”

Nehemiya 9:20

Mu vuvwa vwove wavalongesele vije vapande kulinga, wavalisile maana, co wavanene mema akunwa.

Nehemiya 9:30

A mwaka na mwaka wavanangwile nakusimpa, nakuvambulwila vukaleo ali Munzinzime wove, muli vaka-kwimanena vove, oloni vanu vove vapwile tusinda-matwi, ngecivene, wavakundikile mu mavoko a miyati yeka ngeci vavafungulule.

Kutuuka 19:4

“Yeni mwamwene vije vinjalingile yange Kalunga kuli vaka-Ingito, na muje njamyambatele ngwe mwakambata ngonga vana vendi vavandondo a mambava endi, nakuminena kuli yange vavenya.

Kutuuka 19:6

vanu vaje vakundama kuli yange vavenya, co yeni mukapwa vaka-kukombelela, muyati wakujela wakwanguka. Awa akewo majwi ukendeka kuli vanu va Isalele.”

Kutuuka 24:3

Co Mosesa waile walekele vanu vyoshe vyashikile Shukulu Kalunga na vilongesa vyendi vyoshe, co vanu voshe vakumbulwile ngwavo, “Tukalinga vyuma vyoshe vije vyanendeka Shukulu Kalunga.”

Kutuuka 24:8

Asinoni Mosesa wanonele maninga aje akele a malonga nakuwashamwina a vanu. Co wendekele ngwendi, “Awa akewo maninga a cikumiiyo cije canalingi Shukulu Kalunga neni omo wamyanene mashiko oshe aje ashikile.”

Kutuuka 34:10

Co Shukulu Kalunga wendekele kuli Mosesa ngwendi, “Kenga, ololo njilinakulikumiiya cikumiiyo na vanu va Isalele. Njikalinga vikomokeso vije kanda njivilinge akati ka miyati yoshe ano asi. Vanu voshe vakamona vyuma vyakujujwisa, vije vinjikalinga yange Kalunga, omwo njikalinga cuma cakumikomokesa manene.

Kutuuka 34:8

Vwasi-vwasi Mosesa watsikamene a mavuli nakulemesa.

Isaya 41:10

Kesi muzive lyova, yange njili neni amo! Kesi mujaje, yange Njambi yeni! Njikamitakamesa nakumikwasa, njikaminyunga nakumyamena.

Isaya 41:13

Yange Kalunga Njambi yeni, njikamikolesa nakumileka ngwange, ‘Kesi muzive lyova, njikamikwasa.’ ”

Zakaliya 4:6

Co kangelo wanjilekele kwambulula majwi awa kuli Zelumbambele akutunda kuli Shukulu Kalunga ngwange Shukulu Kalunga nendeka ngwendi, “Yove ukahyana, kesi na nzili ya vushwalale nambe na nzili yove vavenya embwe, oloni na Munzinzime wange.

Zakaliya 8:13

Vanu va mu Yunda na vanu va mu Isalele! Ku san̄ulu vaka-kwija valisingile umo na mukwavo nakwendeka ngwavo, ‘N̄avava ije vene yawililile a Yunda na a Isalele iwile ali yeni.’ Oloni njikamyamena, co vaka-kwija vaje vakendeka kuli umo na mukwavo ngwavo, ‘Tambuleni vivezikiso vya cifwa cimo vije vyakele a Yunda na a Isalele!’ Ngecivene, simpeni kesi muzive lyova.”

Zakaliya 8:15

Oloni ololo njayongola kuvezikisa vanu va mu Yelusalema na mu Yunda. Ngecivene, kesi muzive lyova.

Mateo 28:5

Oloni uje kangelo wendekele kuli vaje vanakazi ngwendi, “Kesi muzive lyova. Omwo njinazivuka ngwange mushakezeka Yesu, uje ivashukikile a cilindakano.

Vilinga vya Miluwa 27:24

nakwendeka ngwendi, ‘Kesi uzive lyova, Paulu! Unapande kwimana ku mesho a Nguvulu. Co Njambi nakunyungila voshe ava ulinakujavuka navo mu vwato.’

Yoshwa 1:9

Anuka vinjinakushiki ngeci ukolese nakusimpa! Kesi uzive lyova nambe kujujuka, omwo yange Kalunga Njambi yove, njili amo nove kwoshe kuukaya.”

Yoshwa 8:1

Shukulu Kalunga wendekele kuli Yoshwa ngwendi, “Kesi uzive lyova nambe kujujuka. Ya na mashwalale voshe ku Ayi. Omwo njinakundika mwene wa Ayi, na vanu vendi, na nganda yendi, na lifuti lyendi lyoshe mu mavoko ove.

Kujombolola 1:17

Omo njamumwene, njawililile ku myanja yendi ngwe munu wa kutsa. Co wakambekele livoko lyendi lya cilyo ali yange, co wendekele ngwendi, “Kesi uzive lyova! Yange wakulivanga na wakukotokela.

1 Samwele 12:20

Samwele wakumbulwile ngwendi, “Kesi muzive lyova embwe. Nameme munalingi vuvi vwa cifwa cangacije, kesi mutenguluke mutunde kuli Shukulu Kalunga, oloni mupangeleni na mbunge yeni yoshe.