Hangai 2:4 - Livulu lya Shukulu Kalunga

⁴ Oloni ololo kesi muzeye yeni voshe, pangeni vipangi, yange njili amo neni.

Hangai 2:4 Iomraidhean Croise

2 Samwele 5:10

Co Ndaviti wakele na lutsimo simbu yoshe, omwo Shukulu Kalunga Njambi Muka-nzili yoshe wakele amo nendi.

1 Mizimbu 22:13

Nga wononoka mashiko oshe aje aanene Shukulu Kalunga kuli Mosesa ali Isalele, co ukavezika. Pwa muka-kukolesa nakusimpa, co kesi utave cuma cimo cikuzivise lyova.

1 Mizimbu 28:20

Mwene Ndaviti wendekele kuli munendi Solomoni ngwendi, “Pwa muka-kukolesa nakulisingimika. Shangumuka vipangi, co kesi utave cuma cimo cikuvindike embwe. Shukulu Kalunga Njambi, uje injipangela, akakala amo nove. Ikeye kakakuseze embwe, oloni akakala amo nove noo ukamanesa kupanga vipangi vya a Njuvo yendi.

Ezela 10:18

Ou ukewo mukana wa mazina a vaje vanalume vambatele vanakazi kesi vaYunda. Mukana wa vikota vya vaka-kukombelela. Ku cikota ca Yoshwa na vandolome vendi, vana va Yehozandake vapwile, Maseya, Elyazale, Njalive, na Ngendaliya.

Ezela 5:2

Omo Zelumbambele muna Sheyaletiyele, na Yoshwa muna Yehozandake vazivile majwi avo, co vashangumukile kutungulula Njuvo ya Shukulu Kalunga mu Yelusalema, co vaje vaka-kwimanena vavali vavakwasele.

Kutuuka 3:12

Njambi wamukumbulwile ngwendi, “Yange njikakala amo nove, co eci cikapwa cizivukiso kuli yove ngeci yange njakutumu. Omo ukatundisa vanu vaIsalele mu Ingito, co mukanjilemesa a munkinda uno vene.”

Hangai 1:13

Asinoni Hangai walekele vanu majwi a Shukulu Kalunga ngwendi, “Njikakala amo neni, eci cikeco cikulaeso cange.”

Zakaliya 4:6

Co kangelo wanjilekele kwambulula majwi awa kuli Zelumbambele akutunda kuli Shukulu Kalunga ngwange Shukulu Kalunga nendeka ngwendi, “Yove ukahyana, kesi na nzili ya vushwalale nambe na nzili yove vavenya embwe, oloni na Munzinzime wange.

Zakaliya 8:9

“Simpeni! Ololo mulinakuziva majwi a cifwa cimo ngwe aje vendekele vaka-kwimanena a simbu ije vajalele luvula lwakutungulula Njuvo yange.

Mako 16:20

Vandongisi vaile nakwambulula kwoshe, co Mwene wapangele amo navo nakushulisa ngeci kwambulula kwavo kwapwile kwa vushunga a vizivukiso vije vyalingiwile.] [ 9 Vanakazi vaile kuli Petulu na vasamba vendi, co vavalekele vukaleo vwa vyuma vyoshe vije vavalekele. 10 Munima yevi, Yesu ikeye vavenya watumine vandongisi vendi kutunda mu ngangela kutwala mu kangombe ka yambi ngeci vatwale lijwi lyakujela lyakwovoka kwa myaka yoshe.]

Vilinga vya Miluwa 7:9

“Co vana va Yakomba vazivilile cipululu shongo yavo Yosefa, vamulandesele ku vundungo ku Ingito. Oloni Njambi wakele amo nendi,

1 Kolinte 16:13

Kengeleleni, imaneni mbe mukukulaela, pweni vaka-kusimpa, pweni vaka-nzili.

Efeso 6:10

Akukotoka, koleseniko muli Mwene na mu nzili ya vukama vwendi.

Kwituluka mu Mashiko 31:23

Asinoni Shukulu Kalunga wendekele kuli Yoshwa muna Nune ngwendi, “Kolesa nakusimpa. Yove ukatwamenena vanu va Isalele mu lifuti lije njalisingile kuvanalyo, njikakala amo neni.”

2 Timateo 2:1

Ngeci mwove munange, kolesa mu kutetela kuje kuli muli Kilistu Yesu.

2 Timateo 4:17

Oloni Mwene wakele amo nange nakunjitakamesa ngeci njasele kwambulula lijwi lyamutunu kuli vaje kesi vaYunda voshe ngeci vazive, co nange lalo vanjiputumwisile ku kutsa.

Yoshwa 1:6

Kolesa nakusimpa omwo yove ukapwa ntwama ya vanu ava, ngeci vakashwane lifuti lije njalisingile na vakukulwila vavo kuvanalyo.

Yoshwa 1:9

Anuka vinjinakushiki ngeci ukolese nakusimpa! Kesi uzive lyova nambe kujujuka, omwo yange Kalunga Njambi yove, njili amo nove kwoshe kuukaya.”

Maako 2:18

Oshe aje Shukulu Kalunga aana vaIsalele lyaako, co Shukulu Kalunga wakele amo na lyaako, nakuvamena ku mavoko a vitozi vavo kutwala ku matangwa oshe akuyoya kwa uje lyaako. Shukulu Kalunga wavazivilile mema ku mbunge omo vakele nakukemanga ku mesho a vaje vavapakesele nakuvayandesa.

1 Samwele 16:18

Co umo wavo wendekele ngwendi, “Njesi wa mu limbo lya Mbetelehema, ali na mwana wa munalume azivuka kwimba mwamuvwa. Ikeye wapwa lalo wakusimpa, munalume wamuvwa manene, lishwalale wamuvwa, muka-lwashu lwa kwendeka. Co lalo Shukulu Kalunga ali amo nendi.”