Hangai 2:23 - Livulu lya Shukulu Kalunga

²³ A litangwa lije vene njikakwambata yove Zelumbambele ngamba yange, co ukashwana mu lizina lyange. Yove vene injinaangula.” Mukemwo mwanendeka Shukulu Kalunga, Muka-nzili yoshe.

Hangai 2:23 Iomraidhean Croise

Myaso 65:5

Yove ukatukumbulula nakutuhyanesa, unalingi vyuma vyakukomokesa mukutwamena. Vanu voshe vali ano asi, nameme vali kulyala ku mema a kalunga vanakulaela kuli yove.

Myaso ya Solomoni 8:6

Njake mu mbunge yove ngwe cimweso, ngwe cimweso ca ku livoko lyove. Omwo cizemo cakala na nzili ngwe kutsa, lifuwa lyakala na muuka ngwe vukalo vwa vatsi. Vukalu vwaco vwapwa ngwe milangi ya tuhya twakama.

Isaya 42:1

Shukulu Kalunga alinakwendeka ngwendi, “Kengeni ngamba yange uje injinatakamesa, uje injinaangula, muli ikeye njinavwaelela. Njikaka munzinzime wange ali ikeye, co akanena vushunga ku mafuti oshe.

Isaya 43:10

“Vanu va Isalele, yeni munapu mu vakaleo vange, njakwangwile kupwa ngamba yange, njishaka ngeci unjizivuke nakunjikulaela, nakuzivisisa ngeci yange lika njapwa nji Njambi. Kukwesi weka lalo njambi, kukwakele njambi weka lalo wai, co kakakalako lalo.

Isaya 49:16

Yelusalema, kunjasa kukwivala embwe! Njinasoneka lizina lyove mu mbanda ya livoko lyange.

Njelemiya 22:24

Shukulu Kalunga wendekele kuli Mwene Yehoyakine, muna Mwene Yehoyakime wa mu Yunda ngwendi, “Mwa vushunga yange njapwa Njambi wakuyoya, nameme nga wapwile kanzeya ka ku livoko lyange lya cilyo nga njakushomonako,

Mateo 12:18

“Kengeni, ngamba yange injinaangula ou ikeye injazema, ikeye muka-kunjivwaelelesa. Njikaka Munzinzime wange ali ikeye, co akambulula vushunga ku vaje kesi vaYunda.

Yowano 6:27

Kesi mupangele vyakulya vije vikavola, oloni pangeleni vyakulya vya mwonyo wa myaka yoshe. Evi vikevyo vyakulya vije vyakamyana Muna Munu, omwo Njambi, Ishe, namwaka cimweso cakumutava.”

2 Timateo 2:19

Oloni luvula lwakukola luje lwanajala laja Njambi kuvasa kuluningangesa, co alukelwo vanasonekao majwi awa ngwavo, “Mwene azivuka vaje vanapu vendi” co “Voshe vaje valitumbula ngwavo vanakundama kuli Mwene vanapande kutenguluka kutunda kukulinga vyavivi.”

1 Petulu 2:4

Ijeni kuli Mwene, limanya lyakuyoya lije vavyanene vanu ngwe lyangoco oloni Njambi walyangwile kupwa lya seo.