Hangai 2:22 - Livulu lya Shukulu Kalunga

²² nakutundisa vumwene nakushika kwavwo. Njikafulumika matemba na vaka-kuwendesa, tuvalu vakatsa, co vaka-kulondao vakalitsiya umo na mukwavo.

Hangai 2:22 Iomraidhean Croise

2 Mizimbu 15:6

Muyati umo wakele nakuyandesa muyati ukwavo, co nganda imo yakele nakuyandesa nganda ikwavo, omwo Njambi wakele nakunena tuyando na lyova ali vakevo.

2 Mizimbu 20:22

Omo vashangumukile kwimba, co Shukulu Kalunga wauya-wuyisile mashwalale vaje vezile nakuvalwisa.

2 Mizimbu 20:23

VaAmoni na vaMowavi valwisile vaEndome nakuvanyongesa njwa, co valitengulukilile vakevo vavenya nakulilwisa.

Myaso 46:9

Ikeye amanesa vinzita ano asi oshe, akapokozola mata a lusipa na makunga, enyeka vintelo na tuhya!

Myaso 76:6

Omo yove Njambi ya Yakomba waluvalele, co tuvalu na vaka-kulondao vawile na kutsa.

Kutuuka 14:17

Njikakaluwisa vimbunge vya vaka-Ingito ngeci vakavakave munima, co njikawana kasingimiko akuhyana kwange ali mwene, na mashwalale vendi, na makalu endi, na vaka-kuwendesa vendi.

Kutuuka 14:28

Mema elukile afwikile makalu, na vaka-kuwendesa, co mbunga yoshe ya vaka-Ingito vaje vakavele vaIsalele vanyongele mu mema a kalunga, naumo wai wasaleleo.

Kutuuka 15:19

VaIsalele vendele mu mema a kalunga a livu lyakuma cau. Oloni omo makalu a vaka-Ingito na tuvalu twavo na vaka-kulondao vakovelele mu mema a kalunga, co Shukulu Kalunga welwisile mema, ngeci avakupwile.

Kutuuka 15:4

“Ikeye wombilile mbunga ya vaka-Ingito na makalu avo mu mema a kalunga, vamyata vavo vavavwa vakupukile mu Mema a kalunga Akuvenga.

Isaya 19:2

Shukulu Kalunga endeka ngwendi, “Njikashangumuna nzita mu Ingito, co vakalitengulukile nakulilwisa ndolome na ndolome, mundambo na mundambo. Nganda na nganda ikalilwisa imo na ikwavo, co vumwene vukalilwisa na vukwavo.

Isaya 60:12

Miyati ya vanu vaje vakavyana kukupangela vakainyongesa njwa.

Isaya 9:19

Omwo Shukulu Kalunga Muka-nzili yoshe naluvala, cihiso cendi cilinakushukuma ngwe tuhya mu lifuti mwoshe nakunyongesa vanu, co naumo wai akamena ndolome yendi.

Ezekiyele 21:27

Kunyongesa, kunyongesa! Eyo, njikanyongesa eyi nganda. Oloni kucikalingiwa kuvanga naija uje injinaangula kuhisa nganda. Asinoni njikamwanayo.

Ezekiyele 26:16

Vimyene voshe va ku vikuma vya mema a kalunga vakashuluka a matanda avo. Vakashulula vikoveyo vyavo vyavilaja mavoko, na vuzalo vwavo vwakushelasana, co vakatumbama asi nakujaja. Vakakala na lyova a kayando kove ngeci kuvakasa kulikela kujaja.

Ezekiyele 38:21

Njikazivisa lyova Ngonge na tuyando twatukalu. Munjinendeka yange Kalunga wa Akamwa ya Vyoshe. Vanu vendi vakalitengulukila umo na mukwavo nakulilwisa vakevo vavenya na mikwale yavo.

Ezekiyele 39:20

Vakalya ku mesa yange ngwe muvanasela, vakalya tuvalu na vaka-kulondao na mashwalale, na vanalume vaka-kulwa. Munjinendeka yange Kalunga wa Akamwa ya Vyoshe.”

Ndanyele 8:25

Omo akunyanyama kwendi, akavezika mu vilinga vyendi vya makuli. Ikeye akalyalesa nakunyongesa vanu vavangi omo vayongola ngwavo valimwamuvwa. Akavyana nameme Mwene ya vimyene voshe, oloni vakamunyongesa kujeneka kupangesa nzili ya munu.

Amose 2:15

Co vanu vaka-kwasha mata a lusipa kuvakasa kwimana embwe, vaje vaka-kushatuka manene kuvakasa kutewa, na vanu vaka-kwendela a tuvalu kuvakasa kwamena myonyo yavo embwe.

Mika 5:10

Shukulu Kalunga alinakwendeka ngwendi, “A litangwa lije njikambata tuvalu tweni nakunyongesa matemba eni.

Mika 5:15

Co mu vukalu vwange vwakama njikalinga shambandinga miyati yoshe ya vanu vaje kuvanjononokele.”

Mika 5:8

Co vaje vasaleleo vakapwa akati ka miyati ya vanu ngwe ndumba ashakezeka tusitu mu shwata nambe ngwe ndumba ali akati ka vimanga, avakwata, co avasanyozola vimbazuvwila-vimbazuvwila, co kukwesi umo akavamena.

Mika 5:9

Isalele akafungulula vitozi vendi nakuvanyongesa voshe njwa.

Mika 7:16

Akumona cuma eci, co miyati ya vanu vakonwa kulingao cuma cimo, nameme vaje vali na nzili manene kuvakendeka cuma cimo nameme kutolilila embwe.

Zefaniya 3:8

Shukulu Kalunga alinakwendeka ngwendi, “Vandameneni litangwa lije omo njikakatuka mukusompa miyati ya vanu. Njinayongola kukungulula miyati ya vanu na vumwene amolika ngeci vamone nzili ya vukalu vwange. Co ano asi oshe akanyonga na tuhya twa vukalu vwange vwakama-kama.

Zakaliya 10:11

Omo vakaita mu mema a kalunga a tuyando, yange Kalunga njikolwesa mankimba, co Ndonga ya Nailo ikauma cau. VaAsilya vaka-kulyalesa vakalikeesa, co nzili ya Ingito ikahwa.

Zakaliya 10:5

Vanu va mu Yunda vakahyana ngwe mashwalale valyatangela vitozi vavo ngwe lindova lya mu vitapalo. Vakalwa omwo Shukulu Kalunga akakala amo navo, co vakafungulula nameme vitozi vavo vaka-kwendela a tuvalu.

Zakaliya 12:9

Co a simbu ije njikanyongesa muyati woshe wa vanu vaje vakeseka kulwisa Yelusalema.

Zakaliya 14:3

Asinoni Shukulu Kalunga akaya nakulwa na miyati ya vanu vaje, ngwe mwalwile mu visimbu vya kunima.

Zakaliya 4:6

Co kangelo wanjilekele kwambulula majwi awa kuli Zelumbambele akutunda kuli Shukulu Kalunga ngwange Shukulu Kalunga nendeka ngwendi, “Yove ukahyana, kesi na nzili ya vushwalale nambe na nzili yove vavenya embwe, oloni na Munzinzime wange.

Zakaliya 9:10

Shukulu Kalunga alinakwendeka ngwendi, “Njikatundisa matemba a nzita mu Isalele, nakutundisa tuvalu mu Yelusalema, mata a lusipa aje vapangesele mu nzita njikaanyongesa. Mwene yeni akanena kwoloka akati ka miyati ya vanu, ikeye akashwana kutunda ku mema a kalunga amo nakweta ku mema a kalunga akwavo, kutunda ku Ndonga ya Yufuleti nakweta ku shongo ya ano asi oshe.”

Mateo 24:7

Omwo lifuti limo likalwa nzita na lifuti likwavo, co vumwene vukalwisa vumwene vukwavo. Kukakala njala ya lyangengela, na mandunduma ku mitambela yakuliseza-seza.

Kujombolola 11:15

Asinoni kangelo wamucitanu na vavali wembile lupembo lwendi, co kwakele majwi akama mwilu endekele ngwawo, “Nzili yakushwana kaye ololo inakundama kuli Mwene yetu na Wakuvwavesa wendi, co akashwana myaka yoshe!”

Maako 7:22

Omo vanu va Ngilyone vakele nakwimba malupembo avo, co Shukulu Kalunga walingisile vitozi va nzita kulilwisa vakevo vavenya na mikwale yavo. Co vatewelele ku Zaletane kweta na ku Mbete Shita, na ku nginga ya Avele Mehola kuyehi na Tavate.

1 Samwele 14:16

Vanu va Saulu vaje vavandamenene ku Ngimbeya mu lifuti lya Mbenjemani vamwene vaFilisitiya vali na kuuya-uya nakushatozoka.