Hangai 2:17 - Livulu lya Shukulu Kalunga

¹⁷ Njatumine litanya na nyonzi ya mamanya mukuviisa vyuma vyoshe vije mwakunine, oloni nameme ngoco kumwatengulukile.

Hangai 2:17 Iomraidhean Croise

Kushangumuka 42:23

Yosefa wazivile vije vakele nakwendeka, oloni vakevo kuvacizivukile omwo vakele nakwendeka kuli ikeye mukuvanungulwila.

Kushangumuka 42:27

Omo vetele ku mwela uje uvakalalelele, umo wavo wazitwile ku njeke yendi ngeci aane cimulu cendi vyakulya, co wawaneneko vimbongo ku kanwa ka njeke yendi.

Kushangumuka 42:6

Yosefa wapwile mwata wakama mu lifuti lya Ingito, ikeye wakele nakulandesa tiliku kuli vanu voshe va mu kaye. Co vandolome va Yosefa vezile nakutsikama a mavuli nakulemesa ku mesho endi.

1 Vimyene 8:37

“Omo mu lifuti muli njala ya lyangengela nambe mushongo wakulitambwisa, vimbuto viziluka omo lilanga nambe vinjame vya vimbimba, nambe omo vanu vove vavalwisa ku vitozi vavo, nambe mushongo nambe kuvinja akati kavo,

2 Mizimbu 28:22

Omo tuyando twendi twaamene manene, uje munalume Ahaze wavulumwine manene ku mesho a Shukulu Kalunga.

2 Mizimbu 6:28

“Omo mu lifuti muli njala ya lyangengela nambe mushongo wakulitambwisa na vimbuto viziluka omo lilanga nambe vinjame vya vimbimba, nambe omo vanu vove vavalwisa ku vitozi vavo, nambe mushongo nambe kuvinja akati kavo,

Yombi 36:13

“Co vaje vaka-vuvi vakatwalao kuviilila, nameme omo vavahisa kuvashaka kulomba ngeci vavakwase.

Myaso 128:2

Mahya ove akakunenela vimbuto vyavingi, co ukavwaelela nakukala mwamuvwa.

Myaso 78:46

Watumine vimbimba-mikumbi vaje valile vushuka vwavo nakuviisa vimbuto vyavo mu mahya avo.

Isaya 28:2

Shukulu Kalunga ali na munu uje muka-nzili manene nakutakama nalivwaesela cimweja kuvalwisa, uje akaija ngwe nyonzi ya mamanya, ngwe nyonzi ya lihunzi lyakama, ngwe mema a livazi lya muta wakama, aje ashulisa lifuti lyoshe.

Isaya 37:27

Vanu vakelemo kuvakele na nzili, oloni vazeyele nakuziva lyova. Vafwile ngwe mwila wa mu lihya nambe ngwe shaku yakukolela a ciluli ca njuvo, co ipekumuka na lihunzi lyakutundilila mu ngangela.

Isaya 42:25

Ngecivene, twazivile nzili ya vukalu vwendi, nakumona tuyando twa nzita, vukalu vwendi vwashukumine mu Isalele ngwe tuhya, oloni kutwazivukile vije vyalingiwile, nacimo cai twalilongeseleo.

Isaya 62:8

Shukulu Kalunga nalingi cikulaeso, na nzili yendi ngwendi, “Vimbuto vyeni kuvikapu lalo vyakulya vya vitozi vyeni. Na vaka-kwija kuvakanu lalo vinyu veni embwe.

Isaya 9:13

Vanu va Isalele kuvatengulukile embwe, nameme Shukulu Kalunga Muka-nzili yoshe navahisa, oloni kuvatengulukilile kuli ikeye.

Njelemiya 3:24

Kulemesa Mbale njambi wakujeneka seo cinatujenekesa kukala na matanga a vimuna, na matanga a vimanga, na vana va vanalume na ava va vanakazi, na vyuma vyoshe vije vivapangelele vakukulwila vetu tunde ku san̄ulu.

Njelemiya 5:3

Mwa vushunga Shukulu Kalunga akakenge a kulongwa. Waminyanyamesele, oloni kumwamutolililile, wamisindakanene, oloni kumwalilongesele. Mwakaluwisile vimbunge vyeni, co kumwatengulukile ku vuvi vweni.

Amose 4:6

“Yange njanenele njala ya lyangengela mu vinganda vyeni vyoshe, oloni kumwelukile kuli yange.

Hangai 1:11

Njinanene lilanga mu lifuti na a malundu, na mu mahya a vimbuto, na mu vitungu vya mikolovozi ya vushuka vwa vinyu, na mu mahya a miti ya olive, na a vimbuto vyoshe vije vikamene asi, na a vanu na a tusitu, na a vyuma vyoshe vimukuna.”

Hangai 1:6

Yeni mwalimine vimbuto vyavingi manene, oloni mwatejele vyavindondo lika. Muli na vyakulya ngeci mulye, oloni kumwapwisilemo ngeci mukute. Muli na vinyu ngeci munwe, oloni kumwapwisilemo ngeci mupende! Mulinakuzala, oloni kumwesi nakuziva ntwima embwe. Co lalo muka-kupanga kesi nakuwana cuma cakumuyoyesa.

Hangai 1:9

“Mwashakele kuteja vimbuto vyavingi manene, oloni vyapwile vyavindondo. Omo mwanenele vije vimwatejele kwimbo, co njavipekumwine. Omwo vikajo njalingile ngacije? Omwo Njuvo yange yasiwukile, munu na munu naungama na vipangi vyakutunga njuvo yendi.

Hangai 2:16

mwaile ku mutumbo wa vimbuto ngeci mukashakeko makilo 200, oloni mwakawaneneko lika makilo 100. Mwaile mukutekula malita 100 a vinyu vyakutunda mu shuwa yakama, oloni mwawanene lika malita makumi awana.

Malakiya 3:11

Njikavindika vimbimba kulya vimbuto vyeni, co mikolovozi yeni ya vushuka vwa vinyu ikaima vushuka vwavungi.

Kwituluka mu Mashiko 28:22

Shukulu Kalunga akaminyanyamesa na mishongo ya lulanga, na mishongo ya lisika-sika na mazimbo, nakwenya kwa ngungu, na malanga na lihunzi, na mbundu-mbundu mukunyongesa vimbuto vyeni. Co vyuma evi vikatwalao noo munanyongo.

Kujombolola 2:21

Njinamwana simbu ngeci atenguluke ku vivi vyendi, oloni ikeye kashaka kutenguluka ku vupangala vwendi.