Hangai 1:6 - Livulu lya Shukulu Kalunga

⁶ Yeni mwalimine vimbuto vyavingi manene, oloni mwatejele vyavindondo lika. Muli na vyakulya ngeci mulye, oloni kumwapwisilemo ngeci mukute. Muli na vinyu ngeci munwe, oloni kumwapwisilemo ngeci mupende! Mulinakuzala, oloni kumwesi nakuziva ntwima embwe. Co lalo muka-kupanga kesi nakuwana cuma cakumuyoyesa.

Hangai 1:6 Iomraidhean Croise

2 Samwele 21:1

Omo Ndaviti washwanene, kwakele njala ya lyangengela myaka itatu yoshe yamutunu. Ngecivene, Ndaviti wehwile Shukulu Kalunga a vyuma evi, co Shukulu Kalunga wendekele ngwendi, “Saulu na naanga yendi vali na mulonga wakutsiya omwo vatsiile vanu va ku Ngimbiyone.”

1 Vimyene 17:12

Co uje fwile wamukumbulwile ngwendi, “Njilisinga mu lizina lya Shukulu Kalunga Njambi yove wakuyoya kunjesi na likende lyai, njili lika na kavunga ka tiliku kakandondo kali mu lilonga, na tumazi twatundondo twa olive tuli mu njava. Njinaija kuno mukucava vitale ngeci njiye navyo ku njuvo tukateleke tuje twatundondo njilinatwo nange na munange. Vikevyo vyakulya vyetu vya mamaneselelo, asinoni tukakala na njala, co tukalanduke.”

Nehemiya 5:2

Vamo vendekele ngwavo, “Tuli na naanga yakama, tushaka vyakulya vituyoyese.”

Yombi 20:22

Nambe wakele na vufuko vwavungi oloni akavujeneka, co tuyando tukaija ali ikeye.

Yombi 20:28

Vufuko vwa mu njuvo yendi vukashandoka, co vukahwa a litangwa lya vukalu vwa Njambi.

Myaso 107:34

Watengulwile livu lya vwilo kupwa mambo ya mwongwa, omwo vuvi vwa vaje vakele muje.

Visimo 11:24

Vanu vamo vakapangesa vimbongo vyavo mwoshe muvashakela, oloni anga vacili na vufuko. Co veka vali na vun̄ondi, oloni anga vanapu lika vaka-kuutwa.

Isaya 5:10

Ku makasha-kasha a vinyu aje alinakumena mu lihya lya mahekita likumi, kukatunda lika malita atanu na atatu a vinyu. Co ku malita makumi atanu na atatu a vimbuto kukatunda lika malita likumi na atanu na atatu a vimbuto.”

Njelemiya 12:13

Vanu vange vakuvile tiliku, oloni vatejele shaku, vaundanganene manene oloni nacimo cai vawaneneo. Omwo vukalu vwange vwakama, ngeci vanonwa kuteja vimbuto vyavo.”

Njelemiya 14:4

Livu lyatavozoka myanzi, omwo kuli lilanga lyakama mu lifuti, vandimi vali na vusiwa mu vimbunge vyavo, co vafwika ku mesho avo.

Njelemiya 44:18

Oloni omo twalikelele kukombelela kuli Lishano lya Mwilu nakulikela kwitila vin̄ombelo vya vinyu kuli ikeye, co twajeneka vyuma vyoshe, co vanu vetu vanatsila mu nzita, nakulanduka ku njala ya lyangengela.”

Hoziya 4:10

Mukalya litambelo lyeni lya vin̄ombelo, oloni kumukakuta, mukalemesa njambi wa lusemo, oloni anga kumukakala na vana, omwo munanjikengesa nima nakukava vinjambi veka.”

Hoziya 8:7

Omo vakuna lihunzi, vateja kankumba! Nga vimbuto vyakulinga makende kuvihi kuvasa kulinga makende embwe. Oloni nameme vihya, vaka-kwija vakavilya vyoshe njwa!

VaLevi 26:20

Co vipangi vyeni vyoshe vya nzili kuvikamikwasa, omwo livu lyeni kulikamenesa vimbuto, co na miti lalo kuyikemi vushuka vwai.

VaLevi 26:26

Njikatepulula ku vyakulya vyeni. Ngeci vanakazi likumi voshe vakocela makende avo a liko limolika, co vakamipangezelawo, oloni omo munamanesa kuwalya oshe, anga mucikaziva njala.

Hangai 1:10

Omu mukemwo mwamono kukwesi nyonzi, co nacimo cai casa kumena.

Hangai 1:5

Kumwesi nakumona vije vilinakulingiwa ali yeni?

Hangai 1:7

Kuma yeni kumwesi nakumona ngeci omwo vikajo vyuma evi vilinakulingiwa?

Hangai 1:9

“Mwashakele kuteja vimbuto vyavingi manene, oloni vyapwile vyavindondo. Omo mwanenele vije vimwatejele kwimbo, co njavipekumwine. Omwo vikajo njalingile ngacije? Omwo Njuvo yange yasiwukile, munu na munu naungama na vipangi vyakutunga njuvo yendi.

Hangai 2:16

mwaile ku mutumbo wa vimbuto ngeci mukashakeko makilo 200, oloni mwakawaneneko lika makilo 100. Mwaile mukutekula malita 100 a vinyu vyakutunda mu shuwa yakama, oloni mwawanene lika malita makumi awana.

Hangai 2:17

Njatumine litanya na nyonzi ya mamanya mukuviisa vyuma vyoshe vije mwakunine, oloni nameme ngoco kumwatengulukile.

Zakaliya 5:4

Shukulu Kalunga Muka-nzili yoshe alinakwendeka ngwendi akasholola cisingo eci, co cikakovela mu njuvo ya mwizi woshe na mu njuvo ya munu woshe uje endeka makuli nakulisinga. Cisingo eci cikakala mu vinjuvo vyavo nakuvinyongesa vyoshe njwa.”

Zakaliya 8:10

Te simbu ije kanda icete, naumo wai wakumwine vanu nambe tusitu, co naumo wai wakele mu kwoloka ku vitozi vendi. Cooni njatavele munu woshe kulilwisa umo na mukwavo.

Malakiya 2:2

Munapande kunjisingimika a vije mulinga. Nga kumutolilila ku vije vinjendeka, co njikamisinga. Co njikasinga vyuma vije vyakumikwasa vivakamyana. Mwa vushunga njinavisingi laja, omwo kumwesi kumbako mbunge ku mashiko ange.

Kwituluka mu Mashiko 28:17

“Shukulu Kalunga akasinga vimbuto vyeni na vyakulya vikatunda ku vimbuto vyeni.