Hangai 1:15 - Livulu lya Shukulu Kalunga

¹⁵ Co vipangi vyashangumukile a litangwa lyamumakumi avali na awana ku ngonde yamucitanu na imo ku mwaka wamucivali omo Ndalyuse wapwile mwene.

Hangai 1:15 Iomraidhean Croise

Hangai 1:1

Mu mwaka wamucivali omo Ndalyuse wapwile mwene wa Pelesha, a litangwa lyakulivanga ku ngonde yamucitanu na imo, Shukulu Kalunga walekele Hangai muka-kwimanena ngeci endeke majwi awa kuli Zelumbambele nguvulu wa mu Yunda, muna Sheyaletiyele, na kuli Yoshwa Muka-kukombelela Wakama, muna Yehozandake.

Hangai 1:14

Shukulu Kalunga watakamesele munu na munu kupanga vipangi vya ku Njuvo ya Shukulu Kalunga, Zelumbambele, nguvulu wa mu Yunda, na Yoshwa, Muka-kukombelela Wakama, na vanu voshe vaje vatundile ku vunzinda. Vashangumukile kupanga ku Njuvo ya Shukulu Kalunga Muka-nzili yoshe, Njambi yavo.

Hangai 2:1

A litangwa lyamumakumi avali na limo ku ngonde yamucitanu na vivali mu mwaka uje vene, Shukulu Kalunga wendekele lalo kuli Hangai muka-kwimanena.

Hangai 2:10

A litangwa lyamumakumi avali na awana ku ngonde yamucitanu na viwana mu mwaka wamucivali omo Ndalyuse wapwile mwene, co Shukulu Kalunga wendekele lalo kuli Hangai muka-kwimanena ngwendi,

Hangai 2:20

A litangwa lije vene, litangwa lyamumakumi avali na awana ku ngonde ije vene, Shukulu Kalunga wendekele kuli Hangai simbu yamucivali ngwendi,

Zakaliya 1:1

Ku ngonde yamucitanu na vitatu mu mwaka wamucivali omo Ndalyuse wapwile mwene wa mu Pelesha, Shukulu Kalunga wendekele majwi awa kuli muna Mbelekiya, Zakaliya muka-kwimanena, mutekulu wa Indo.