Hangai 1:12 - Livulu lya Shukulu Kalunga

¹² Asinoni Zelumbambele na Yoshwa, na vanu voshe vaje velukile kutunda ku vunzinda ku Mbambilone, vononokele majwi a Shukulu Kalunga Njambi yavo. Vakele na lyova, co vononokele Hangai muka-kwimanena, muluwa wa Shukulu Kalunga.

Hangai 1:12 Iomraidhean Croise

Kushangumuka 22:12

Co kangelo ka Shukulu Kalunga wendekele ngwendi, “Kesi uvulumune mwanike nameme kulinga cuma cimo kuli ikeye. Ololo njinazivuka ngeci yove ulinakukomoka Njambi, omwo yove unatavele kunjana munove umolika.”

Ezela 10:18

Ou ukewo mukana wa mazina a vaje vanalume vambatele vanakazi kesi vaYunda. Mukana wa vikota vya vaka-kukombelela. Ku cikota ca Yoshwa na vandolome vendi, vana va Yehozandake vapwile, Maseya, Elyazale, Njalive, na Ngendaliya.

Ezela 5:2

Omo Zelumbambele muna Sheyaletiyele, na Yoshwa muna Yehozandake vazivile majwi avo, co vashangumukile kutungulula Njuvo ya Shukulu Kalunga mu Yelusalema, co vaje vaka-kwimanena vavali vavakwasele.

Myaso 112:1

Shangazaleni Shukulu Kalunga! Navezika munu uje akomoka Shukulu Kalunga, munu uje avwaelela nakwononoka mashiko endi.

Visimo 1:7

Kukomoka Shukulu Kalunga, kukekwo vushangumukilo vwa mana. Oloni vilema vakevo vayeluwisa mana nakuyeluwisa lalo vilongesa.

Muka-kwambulula 12:13

A vyoshe evi kuli cuma cimolika cakwendeka, cikeco eci, singimika Njambi, co ononoka mashiko endi, omwo evi vyoshe vikevyo vivatangelele munu.

Isaya 1:19

Nga mukanjononoka, co mukalya vyuma vyavivwa vije vikamena mu lifuti.

Isaya 50:10

Yeni voshe vaje musingimika Shukulu Kalunga, nakwononoka majwi a ngamba yendi, ngila mulinakwenda yasa kupwa ya lisusulungu, oloni kulaeleni nakujendamena, ali Shukulu Kalunga Njambi yeni.

Hangai 1:1

Mu mwaka wamucivali omo Ndalyuse wapwile mwene wa Pelesha, a litangwa lyakulivanga ku ngonde yamucitanu na imo, Shukulu Kalunga walekele Hangai muka-kwimanena ngeci endeke majwi awa kuli Zelumbambele nguvulu wa mu Yunda, muna Sheyaletiyele, na kuli Yoshwa Muka-kukombelela Wakama, muna Yehozandake.

Hangai 1:14

Shukulu Kalunga watakamesele munu na munu kupanga vipangi vya ku Njuvo ya Shukulu Kalunga, Zelumbambele, nguvulu wa mu Yunda, na Yoshwa, Muka-kukombelela Wakama, na vanu voshe vaje vatundile ku vunzinda. Vashangumukile kupanga ku Njuvo ya Shukulu Kalunga Muka-nzili yoshe, Njambi yavo.

Hangai 2:2

Shukulu Kalunga walekele Hangai kwendeka kuli Zelumbambele, nguvulu wa mu Yunda, na kuli Yoshwa Muka-kukombelela Wakama, na kuli vanu, ngwendi,

Vilinga vya Miluwa 9:31

Ngecivene, vikungulukilo vyoshe mu Yundeya na mu Ngalileya na mu Samaliya vakele na simbu ya kwoloka. Akukwasa kwa Munzinzime Wakujela vikungulukilo vyakolele nakuliwezelela, ngwe akuyoya kwavo mukukomoka Mwene.

Kwituluka mu Mashiko 31:12

Kungulula vanu voshe, vanalume, na vanakazi, na vanike, amo na vaka-kwija vaje vakala mu vinganda vyeni, ngeci vatolilile nakulilongesa kusingimika Shukulu Kalunga Njambi yeni nakwononoka mwamuvwa vilongesa vyendi.

Kwituluka mu Mashiko 31:13

Mu ngila eyi vatekulwila veni vaje kanda vazive Mashiko a Shukulu Kalunga Njambi yeni ngeci vakawazive. Co vakalilongesa nakwononoka Shukulu Kalunga Njambi yeni, myaka yeni yoshe ije mukakala mu lifuti lije limukashwana lili musambwa ya Ndonga ya Yondau.”

Kolose 1:6

Muzimbu ulinakutwalao kunena vivezikiso, co ulinakushandokela mu kaye koshe, ngwe lalo muwalingile akati keni tunde a litangwa lije omo akulivanga mwazivile a kutetela kwa Njambi, co mwauzivukile ngwe muunapu vene.

VaHevelu 12:28

Ngecivene, tukandeleleni omwo tukatambula vumwene vuje kuvwesi kujaja. Tukandeleleni nakulemesa Njambi na ngila ije yasa kumuvwaelelesa na kalemeso na lyova,