Hangai 1:11 - Livulu lya Shukulu Kalunga

¹¹ Njinanene lilanga mu lifuti na a malundu, na mu mahya a vimbuto, na mu vitungu vya mikolovozi ya vushuka vwa vinyu, na mu mahya a miti ya olive, na a vimbuto vyoshe vije vikamene asi, na a vanu na a tusitu, na a vyuma vyoshe vimukuna.”

Hangai 1:11 Iomraidhean Croise

1 Vimyene 17:1

Muka-kwimanena umo lizina lyendi Elinja, wa ku Tisheve mu Ngilyande, wendekele kuli Mwene Ahave ngwendi, “Mu lizina lya Shukulu Kalunga, Njambi wakuyoya wa Isalele, ou injipangela, njikuleka ngwange kukukakala lime nambe nyonzi mu myaka ivali nambe itatu kuvanga noo yange njinendekamo.”

2 Vimyene 8:1

Elisha walekele munakazi wa mu Shuneme, uje wakele na mwana yendwile ku vatsi ngwendi, “Katuka uye na naanga yove kwoshe kuje mukalishukila, omwo Shukulu Kalunga akatuma njala ya lyangengela mu lifuti, ikakalako myaka itanu na ivali.”

Yombi 34:29

“Nga Njambi ayongola kulinga cuma, co naumo wai asa kumupopolola. Nga ashweka cihanga cendi, co vanu vapwa vangoco.

Njelemiya 14:2

“Yunda alinakulila omwo vikolo vyamwo vinazeye, vanu vamwo vanatumbama asi valinakulila, co Yelusalema ilinakulila manene.

Mbimbi 1:21

“Vanu vazivile kukemanga kwange, oloni naumo wai wanjizembelekele. Vitozi vange voshe vanavwaelela omo yove unanena tuyando ali yange. Nena vwasi litangwa lije liwakulaesele, yandesa vitozi vange ngwe munjilinakuyanda yange.

Amose 5:8

Shukulu Kalunga ikeye watangele vingongonosi, Lishano Mutumbu na Muta-mbambi. Ikeye akatengulula vutsiki kuvupwisa mutanya, co mutanya aupwisa vutsiki. Ikeye akasana mena mu mema a kalunga nakuwanyokesela ano asi. Lizina lyendi ikeye Shukulu Kalunga.

Amose 7:4

Njamwene cimona cikwavo lalo cakutunda kuli Shukulu Kalunga wa Akamwa ya Vyoshe. Mu cimona cije njamumwene alivwaesela kunyanyamesa vanu vendi na cihiso ca tuhya. Co tuhya twenyekele nzinga yakama ya mema a kalunga, co twashangumukile kwenyeka lifuti.

Amose 9:6

Shukulu Kalunga natungu limbo lyendi mwilu ya melu, co najala luvula lwendi ano asi. Ikeye akasana mema a kalunga nakuwetila ano asi. Lizina lyendi ikeye Shukulu Kalunga!

Hangai 2:17

Njatumine litanya na nyonzi ya mamanya mukuviisa vyuma vyoshe vije mwakunine, oloni nameme ngoco kumwatengulukile.

Hangai 2:19

Nameme kukwesi vimbuto vyasalao, na mikolovozi ya vushuka vwa vinyu, na miti ya mikuyu, na mapomingilanete, na miti ya olive kanda iciime, oloni kutunda ku lelo na kulutwe njikamivezikisa.”

Malakiya 3:11

Njikavindika vimbimba kulya vimbuto vyeni, co mikolovozi yeni ya vushuka vwa vinyu ikaima vushuka vwavungi.

Malakiya 3:9

Muyati weni woshe unasingiwa omwo mulinakunjivila.

Kwituluka mu Mashiko 28:22

Shukulu Kalunga akaminyanyamesa na mishongo ya lulanga, na mishongo ya lisika-sika na mazimbo, nakwenya kwa ngungu, na malanga na lihunzi, na mbundu-mbundu mukunyongesa vimbuto vyeni. Co vyuma evi vikatwalao noo munanyongo.