Hangai 1:1 - Livulu lya Shukulu Kalunga

¹ Mu mwaka wamucivali omo Ndalyuse wapwile mwene wa Pelesha, a litangwa lyakulivanga ku ngonde yamucitanu na imo, Shukulu Kalunga walekele Hangai muka-kwimanena ngeci endeke majwi awa kuli Zelumbambele nguvulu wa mu Yunda, muna Sheyaletiyele, na kuli Yoshwa Muka-kukombelela Wakama, muna Yehozandake.

Hangai 1:1 Iomraidhean Croise

1 Vimyene 10:15

kuwezelelako ku lisimu vakele nakufweta vaka-kulandulula, na kakondweso kakutunda ku vaka-mavenda, na mulambu vakele nakunena vimyene va Alambiya na vanguvulu va mu mitambela ya Isalele.

1 Vimyene 14:18

Vanu va Isalele vamulilile nakumutsinda, ngwe mwendekele Shukulu Kalunga ali ngamba yendi, Ahiya muka-kwimanena.

2 Vimyene 14:25

Ikeye welwisile mitambela yoshe ije yapwile ya Isalele, kutunda ku Ngila ya Hamate ku kunto kweta na ku Lishali lya Mema a kutsa ku mbwela. Evi vikevyo vyakulaesele Shukulu Kalunga, Njambi ya Isalele, ali ngamba yendi Yona muka-kwimanena muna Amitai wa ku Ngate Hefele.

1 Mizimbu 3:17

Ava vakevo vatekulwila va Mwene Yehoyakine, uje vatwalele ku vunzinda ku vaMbambilone. Yehoyakine wakele na vana vatanu na vavali mazina avo, Sheyaletiyele,

1 Mizimbu 3:19

Pendaya wakele na vana vavali mazina avo, Zelumbambele, na Shimei. Zelumbambele wakele na vana va vanalume vavali mazina avo, Meshulame, na Hananiya, na umo wa munakazi lizina lyendi, Shelomiti.

Ezela 1:8

Co wavyanene kuli Mitelendate, mukulunu wakunyunga vufuko vwa vumwene, uje wavilavelele kuli Sheshevazale, nguvulu wa mu Yunda.

Ezela 10:18

Ou ukewo mukana wa mazina a vaje vanalume vambatele vanakazi kesi vaYunda. Mukana wa vikota vya vaka-kukombelela. Ku cikota ca Yoshwa na vandolome vendi, vana va Yehozandake vapwile, Maseya, Elyazale, Njalive, na Ngendaliya.

Ezela 2:2

Vantwama vavo vapwile, Zelumbambele, na Yoshwa, na Nehemiya, na Selaya, na Lelaya, na Molendekai, na Mbileshane, na Misepale, na Mbingevai, na Lehume, na Mbana. Ou ukewo mukana wa vikota vya Isalele, na vungi vwa vaje vatundile ku cikota na cikota ca vanu vaje velukile kutunda ku vunzinda.

Ezela 2:63

Co nguvulu wa vaYunda wavalekele ngeci kuvasa kulya vyakulya vije vivanakombelela kuli Njambi, kuvanga kupwe muka-kukombelela uje asa kupangesa Ulime na Tumime.

Ezela 3:2

co Yoshwa muna Yehozandake, na nakwavo vaka-kukombelela, na Zelumbambele muna Sheyaletiyele, amo na vavushoko vwendi, vatungulwile mutula wa Njambi ya Isalele, ngeci venyekeleo vin̄ombelo ngwe ku vilongesa vije vivasoneka mu Lishiko lya Mosesa, munu wa Njambi.

Ezela 3:8

Ngecivene, ku ngonde yamucivali ya mwaka uje vene omo vaneluka ku mutambela wa Njuvo ya Shukulu Kalunga mu Yelusalema, vashangumukile vipangi. Zelumbambele, na Yoshwa, na vavushoko vwavo voshe, na vaka-kukombelela, na vaLevi, na vinzinda voshe vaje velukile ku Yelusalema, valikumbasanene kupanga vipangi. VaLevi voshe vaje vakele na myaka makumi avali nambe kutuvakana vavapwisile vantwama ku vipangi vyakutungulula Njuvo ya Shukulu Kalunga.

Ezela 4:2

ngecivene, vaile kuli Zelumbambele na kuli vakulunu va vikota vendekele ngwavo, “Tutaveni tulipandakane neni kutunga Njuvo ya Shukulu Kalunga. Yetu tukalemesa Njambi wa cifwa cimo ngwe ou imukalemesa yeni, twakele nakukombelela vin̄ombelo kuli ikeye tunde aje Mwene Esalehandone wa Asilya watunenele kuno.”

Ezela 4:24

Co vipangi vya Njuvo ya Shukulu Kalunga vyemanene noo mu mwaka wamucivali wakushwana kwa Ndalyuse mwene wa Pelesha.

Ezela 5:1

A simbu ije Hangai na Zekaliya muna Indo vaka-kwimanena vavali, vambulwile vuka-kwimanena mu lizina lya Njambi ya Isalele kuli vaYunda vaje vakele mu Yunda na mu Yelusalema.

Ezela 5:3

A simbu ije vene Nguvulu Tatenai wa mu Kangombe ka Yambi ka Yufuleti, na Shetale Mbozenai, na vamyata vakwavo vezile ku Yelusalema, vehwile ngwavo, “Iyajo namitavesa kutungulula Njuvo ya Shukulu Kalunga nakumanesa civumbe?”

Ezela 6:14

Co vantwama va vaYunda valingile mwamuvwa akutunga Njuvo ya Shukulu Kalunga, co Hangai na Zekaliya vaka-kwimanena vavatakamesele. Co vamanesele Njuvo ya Shukulu Kalunga ngwe mwavashikile Njambi ya Isalele, na Siluse, na Ndalyuse, na Aletasheleshe, vimyene va Pelesha.

Nehemiya 12:1

Ou ukewo mukana wa mazina a vaka-kukombelela na vaLevi vaje velukile kutunda ku vunzinda na Zelumbambele muna Sheyaletiyele amo na Yoshwa Muka-kukombelela Wakama. Vaka-kukombelela vapwile, Selaya, na Njelemiya, na Ezela,

Nehemiya 12:10

Yoshwa wapwile ishe ya Njoyakime, Njoyakime wapwile ishe ya Elyashimbe, Elyashimbe wapwile ishe ya Njoyanda,

Nehemiya 5:14

A myaka yoshe likumi na ivali ije njapwile nguvulu mu lifuti lya Yunda, kutunda ku mwaka wamumakumi avali uje Aletasheleshe wapwile mwene noo mwaka wendi wamumakumi atatu na ivali, nambe vavushoko vwange nambe yange, kutwalile vyakulya vije vanjimikilile vya vunguvulu.

Nehemiya 7:7

Vantwama vavo vapwile Zelumbambele, na Yoshwa, na Nehemiya, na Azaliya, na Lamiya, na Nahamani, na Molendekai, na Mbileshane, na Misepale, na Mbingevai, na Nehume, na Mbana.

Nehemiya 8:9

Omo vanu vazivile vije vyakele mu Mashiko, vimbunge vyavo vyavetwele, co vashangumukile kulila. Ngecivene, Nehemiya, uje wapwile nguvulu, na Ezela muka-kukombelela na muka-kulilongesa Mashiko, na vaLevi vaje vanungulwile Mashiko valekele vanu voshe ngwavo, “Litangwa lino linapu lyakujela kuli Shukulu Kalunga Njambi yeni, ngecivene, kumwapandele kukala na vusiwa nambe kulila.

Kutuuka 4:13

Oloni Mosesa wakumbulwile ngwendi, “Embwe Shukulu Kalunga, njalombo mutumeko weka.”

Hangai 1:12

Asinoni Zelumbambele na Yoshwa, na vanu voshe vaje velukile kutunda ku vunzinda ku Mbambilone, vononokele majwi a Shukulu Kalunga Njambi yavo. Vakele na lyova, co vononokele Hangai muka-kwimanena, muluwa wa Shukulu Kalunga.

Hangai 1:14

Shukulu Kalunga watakamesele munu na munu kupanga vipangi vya ku Njuvo ya Shukulu Kalunga, Zelumbambele, nguvulu wa mu Yunda, na Yoshwa, Muka-kukombelela Wakama, na vanu voshe vaje vatundile ku vunzinda. Vashangumukile kupanga ku Njuvo ya Shukulu Kalunga Muka-nzili yoshe, Njambi yavo.

Hangai 1:15

Co vipangi vyashangumukile a litangwa lyamumakumi avali na awana ku ngonde yamucitanu na imo ku mwaka wamucivali omo Ndalyuse wapwile mwene.

Hangai 1:2

Shukulu Kalunga Muka-nzili yoshe wendekele kuli Hangai ngwendi, “Vanu ava vendeka ngwavo eyi kesi ikeyo simbu yaivwa yakutungulula Njuvo ya Shukulu Kalunga.”

Hangai 1:3

Shukulu Kalunga waanene majwi awa kuli Hangai muka-kwimanena ngeci aleke vanu ngwendi,

Hangai 2:10

A litangwa lyamumakumi avali na awana ku ngonde yamucitanu na viwana mu mwaka wamucivali omo Ndalyuse wapwile mwene, co Shukulu Kalunga wendekele lalo kuli Hangai muka-kwimanena ngwendi,

Hangai 2:20

A litangwa lije vene, litangwa lyamumakumi avali na awana ku ngonde ije vene, Shukulu Kalunga wendekele kuli Hangai simbu yamucivali ngwendi,

Hangai 2:21

“Leka Zelumbambele, nguvulu wa mu Yunda ngwove, njikajajesa lilu na asi,

Hangai 2:4

Oloni ololo kesi muzeye yeni voshe, pangeni vipangi, yange njili amo neni.

Zakaliya 1:1

Ku ngonde yamucitanu na vitatu mu mwaka wamucivali omo Ndalyuse wapwile mwene wa mu Pelesha, Shukulu Kalunga wendekele majwi awa kuli muna Mbelekiya, Zakaliya muka-kwimanena, mutekulu wa Indo.

Zakaliya 3:1

Mu cimona cikwavo Shukulu Kalunga wanjimwesele Yoshwa Muka-kukombelela Wakama nemana ku mesho a kangelo ka Shukulu Kalunga. Co kumukulo wa Yoshwa kwemanene lalo Satana, ngeci amuvangeye.

Malakiya 1:8

Omo munena cimuna wa kutsa mesho, nambe wakuvinja, nambe cilema, mukukombelela kuli yange, kuma muyongola ngeci munalingi mwamuvwa ndi? Nga ngoco acesekeni kwana cimuna wa cifwa cangacije kuli nguvulu! Kuma akavwaelela neni nambe kumishangazala ndi?”

Luka 3:27

Yonda wapwile muna Yowanane, Yowanane wapwile muna Lehesa, Lehesa wapwile muna Zelumbambele, Zelumbambele wapwile muna Sheyaletiyele, Sheyaletiyele wapwile muna Neli,