Hambakuke 3:8 - Livulu lya Shukulu Kalunga

⁸ Yove Shukulu Kalunga, kuma vindonga vikevyo vyakuluvalesele ndi? Indi mema a kalunga akewo akuzivisile litoto? Yove wendelele a mashelwa, co linkimba lya lishelwa likelyo lyapwile litemba lyove, omo walingisile vanu vove ngeci vafungulule vitozi vavo.

Hambakuke 3:8 Iomraidhean Croise

Myaso 104:3

co watungila limbo lyove akamwa ya mema. Mashelwa waapwisa matemba ove, ukende a mambava a lihunzi.

Myaso 114:3

Co Njambi walisholwele kuje ku mema a kalunga, co mema a kalunga omine cau, Ndonga ya Yondau yalikelele kwitisa mema.

Myaso 114:5

Yove mema a kalunga, vikajo watewelele? Nove Yondau, vikajo walikelele kwitisa mema?

Myaso 18:10

Ikeye wapulwile vwasi akamwa ya kelumbi, co wendele a mambava a lihunzi.

Myaso 45:4

Mu vukama vwove enda nakuvezika, omwo ya vushunga na kulikeesa na kulongwa! Co livoko lyove lya cilyo likakulongesa vyuma vyakama vyakukomokesa!

Myaso 68:17

Shukulu Kalunga watundile ku Munkinda wa Sinai na matemba endi amangi-mangi a nzili, co wezile ku mutambela wakujela.

Myaso 68:4

Imbeni kuli Njambi, imbeni nakushangazala lizina lyendi, vwaeseni ngila ya uje alinakwita mu mambo. Lizina lyendi ikeye Shukulu Kalunga, vwaeleleni ku mesho endi!

Myaso 77:16

Yove Njambi omo mema a kalunga akumwene, co azivile lyova ngwe vanu, na vinzinga vya mema a kalunga vyajajele ngwe vanu.

Kutuuka 14:16

Jundula mulamu wove, co wolwele akamwa ya mema a kalunga, co mema akalyangunuka, vaIsalele vakasa kwenda a livu lyakuma.

Kutuuka 7:19

Shukulu Kalunga wendekele kuli Mosesa ngwendi, “Leka Alone ambate mulamu wendi awinike a vindonga vyoshe, naa vingunja, naa mashali a mu Ingito. Co mema akemuka maninga, co mu lifuti mwoshe mukakala maninga, na mu vishuwa vyakushonga vya viti na mu vinjava vya mamanya.”

Kutuuka 7:20

Asinoni Mosesa na Alone valingile ngwe muje mwavashikile Shukulu Kalunga ku mesho a mwene na vamyata vendi. Alone wajundwile mulamu wendi nakupupa akamwa ya ndonga, co mema amwo oshe emukile maninga.

Isaya 19:1

Awa akewo majwi aa Ingito. Shukulu Kalunga aija ku Ingito, nalondo a lishelwa aija lumbisi. Vanu vanazeye omwo lyova. Co tumponya twavo vanalijujukila.

Isaya 50:2

“Omwo vikajo vanu vange vonwele kukumbulula omo njaile kuli vakevo ngeci njivamene? Vikajo kuvakumbulwile omo njavasanene? Kuma kunjesi na nzili yakuvamena ndi? Mukuluvala kwange njasa kumisa mema a kalunga, na vindonga kuvitengulula mambo, ngeci visi valimo vatse a mema.

Isaya 66:15

Shukulu Kalunga akaija na tuhya, co matemba endi akapwa ngwe kankumba. Akaluvala manene, akahisa vitozi vendi na tuhya.

Nahumi 1:4

Ashika mema a kalunga, co auma cau! Alingisa vindonga ngeci viwume cau. Na vulilo vwa Mbashane vuuma cau, Munkinda wa Kalemele uvenguluka, na vishani vya Munkinda wa Lembanone vijujwama.

Hambakuke 3:15

Walyatangelele mema a kalunga na tuvalu twove, co mema a kalunga asetele.

Mako 4:39

Co Yesu wemanene washikile lihunzi ngwendi, “Oloka kuluu!” Co lalo washikile mankimba ngwendi, “Kukale kulendama kuluu!” Co lihunzi lyemanene, co kwolokele kuluu.

Kujombolola 16:12

Asinoni kangelo wamucitanu na umo wetilile lilonga lyendi a Ndonga yakama ya Yufuleti. Co ije ndonga yomine cau, mukwana ngila kuli vimyene vaje vatundilila mu ngangela.

Kujombolola 19:11

Asinoni njamwene lilu lyashokolokele, co kwakele kavalu wakutoka. Co uje walondeleo vamutumbwile ngwavo Muka-kulongwa na Vushunga, ikeye akasompo nakulwa vinzita vyendi mu vushunga.

Kujombolola 19:14

Vimbunga vya nzita ya mwilu vyamukavangeyeye, valondele a tuvalu vakutoka, co vazalele vuzalo vwakujela vwakutoka vwa linyu.

Kujombolola 6:2

Njakengele, co kwakele kavalu wakutoka. Uje walondeleo wakwatele vuta vwa lusipa, co vamwanene cilongo. Wakatukile ngwe muka-kuhyana aya mukuhyana.