Hambakuke 3:6 - Livulu lya Shukulu Kalunga

⁶ Omo alikela, co kaye kajaja, omo akenga, co vanu voshe a kaye valijajela. Alingisa minkinda yalaja ngeci isanyozoke sanyu-sanyu, na malundu kumbwitama kwisi, malundu aje ikeye wendeleo ku san̄ulu.

Hambakuke 3:6 Iomraidhean Croise

Kushangumuka 49:26

Vivezikiso vya vimbuto na vishani, vivezikiso vya minkinda yalaja vyuma vyakuvwaelelesa, vyakutunda ku malundu a ku myaka yoshe. Ngeci vivezikiso evi vikale ali Yosefa, uje waangukile kuli vandolome vendi.

Yombi 21:18

Nakuvapekumwina kulyala ngwe mwila upekumuka na kankumba, nambe ngwe likungu lipekumuka na lihunzi?

Yombi 9:5

Ikeye atundisa minkinda kwa kuyanukisa, co mu vukalu vwendi ayinyongesa.

Myaso 103:17

Oloni cizemo ca Shukulu Kalunga kucesi kutenguluka kuli vaje vamukomoka, cikakalako myaka yoshe, na vuvwa vwendi lalo vukakala ku cisemwa coshe,

Myaso 104:32

Ikeye akenga asi, co asi ajaja, ikeye akwata a minkinda, co ikakumuka vwisi.

Myaso 35:5

Vapwe ngwe lijungu lyakupekumuka na lihunzi, omo kangelo ka Shukulu Kalunga avasheka!

Myaso 68:16

Omwo vikajo munkinda wa Mbashane, ulingacije ngwe munu ali na cipululu ku munkinda uje wanalyangwila Njambi? Ukapwa limbo lya Shukulu Kalunga ku myaka yoshe!

Myaso 90:2

Simbu kanda utange malundu, simbu kanda utange kaye, yove wapwa u Njambi ku myaka yoshe.

Myaso 97:5

Malundu asosonyoka ngwe sela ku mesho a Shukulu Kalunga wa kaye koshe.

Kutuuka 15:14

Miyati ya vanu vaje vazivileko vajajele omwo lyova, vaFilisitiya vavupukile na lyova lyakukomokesa.

Kutuuka 15:15

Vantwama va ku Endome valikomokelele, vanalume va nzili va ku Mowavi valijajelele, vanu va mu Kanana vezokele vimbunge.

Kutuuka 15:17

Ukavanena nakuvatungisa a munkinda wove, mwela uje waangwile kupwa vukalo vwove, yove Shukulu Kalunga, mwela uje wakujela uunatungu na mavoko ove vavenya.

Kutuuka 19:18

Co vwisi vwafwikile Munkinda woshe wa Sinai, omwo Shukulu Kalunga washulukilileo mu tuhya. Co vwisi vwatundileo vwafwile ngwe vwisi vwa mu lutengo lwakama, vanu voshe valijajelele manene.

Kutuuka 21:31

Nga uje ngombe wa nkomba atsiya mukwenje nambe mumbanda, co anga lishiko limo vanapande kulikava.

Isaya 51:6

Kengeni kwilu, co kengeni lalo asi, lilu likahwa vwasi ngwe vwisi, na lifuti likasanyozoka ngwe vuzalo vwalaja, co vanu vamwo voshe vakatsa ngwe vinzinzi. Oloni kwamena kwange kukapwa kwa myaka yoshe, kuhyana kwange kukapwa kwa myaka yoshe.

Isaya 51:8

vakahwa njwa ngwe vuzalo vwakuliwa ku tunembulu! Oloni kwamena kwange kukapwa kwa myaka yoshe, kuhyana kwange kukakala visimbu vyoshe.”

Mika 5:8

Co vaje vasaleleo vakapwa akati ka miyati ya vanu ngwe ndumba ashakezeka tusitu mu shwata nambe ngwe ndumba ali akati ka vimanga, avakwata, co avasanyozola vimbazuvwila-vimbazuvwila, co kukwesi umo akavamena.

Nahumi 1:5

Minkinda ininganga ku mesho a Shukulu Kalunga, malundu asangunuka kulutwe lwendi. Asi aninganga omo Shukulu Kalunga asholoka, Kaye na vanu vamwo voshe valijajela.

Hambakuke 1:12

Shukulu Kalunga, kutunda kukushangumuka yove wapwa u Njambi vene. Yove wapwa u Njambi yange wakujela, co wakala myaka yoshe. Shukulu Kalunga, Njambi yange muka-kunjinyunga, yove unaangula vaMbambilone, co unavana nzili ngeci vatuhise.

Hambakuke 3:10

Omo minkinda yakumwene, co yaningangele, mema etikile kutunda mu mashelwa. Mema a mwisi ya asi akumine, co mankimba awo akatukile kuya kwilu manene.

Mateo 24:35

Lilu na asi vikaita, oloni majwi ange kuwakaiti embwe.

Luka 1:50

ikeye akamwesa mema ku mbunge kuli voshe vamusingimika, kutunda ku cisemwa cimo kutwala ku cisemwa cikwavo.

Vilinga vya Miluwa 17:26

Co watangele miyati yoshe kutunda kuli munalume umo ngeci vakale asi oshe. Ikeye vavenya wavwaeselele cimweja visimbu na vinginga vya mitambela kuje vayoyela.

Kwituluka mu Mashiko 32:8

Omo Njambi wa Akamwa ya Vyoshe waanene miyati mafuti avo, waangunwine vanu, watavwilile vanu vinginga, ngwe ku vungi vwa vanu va Isalele.

Kwituluka mu Mashiko 33:15

Minkinda yavo ya ku san̄ulu ikapwe yakuvezika, na malundu avo a ku myaka yoshe akaime vushuka vwavuvwa vwakuwafwika.

VaHevelu 13:8

Yesu Kilistu ikeye umolika na izau na lelo na ku myaka yoshe.

Yoshwa 10:42

Yoshwa wafungulwile vimyene voshe ava na mitambela yavo mu simbu imolika omwo Shukulu Kalunga Njambi ya Isalele, waamenene vaIsalele nakuvalwilako.

Maako 5:5

Minkinda yajajele ku mesho a Shukulu Kalunga wa Sinai, ku mesho a Shukulu Kalunga Njambi ya Isalele.