Hambakuke 3:2 - Livulu lya Shukulu Kalunga

² Yove Shukulu Kalunga, njazivi lutsimo lwavije walingile, co njinazivi lyova. Linga lalo vyuma vije vyakama viwalingile. Kala na mema ku mbunge nameme uluvala.

Hambakuke 3:2 Iomraidhean Croise

Ezela 9:8

Co ololo mu kasimbu lika, yove Shukulu Kalunga Njambi yetu, unatuzivila mema ku mbunge, watavele vamo vetu kuputumuka ku vunzinda, nakuyoya mwamuvwa mu mwela ou wakujela. Unatupatula ku vunzinda nakutwana mwonyo wauha.

Yombi 42:5

A simbu ya kunima, njazivukile lika vyuma vije vivanjilekele vakwetu, oloni ololo njinakumono na mesho ange.

Myaso 119:120

Njijaja manene omo njikuyongola, njili na lyova lya kusompa kwove.

Myaso 25:6

Anuka kutetela kwove yove Shukulu Kalunga, na cizemo cove cije kucesi kutenguluka, vije viwasholwele tunde ku san̄ulu.

Myaso 38:1

Nambe unaluvala yove Shukulu Kalunga, oloni kesi unjinyanyamese!

Myaso 44:1

Yove Njambi, tunazivi laja na matwi etu, vakukulwila vetu vatulekele laja, vyuma vyakama vije viwalingile a simbu yavo, ku matangwa a ku san̄ulu.

Myaso 71:20

Yove unanjimwesa tuyando twakama twakukaluwa, oloni ukanjiyoyesa lalo, ukanjitundisa lalo mu mbumbo.

Myaso 78:38

Oloni Njambi wapwile muka-mema ku mbunge ku vanu vendi, wavasambesele kukuvulumuna kwavo, co kavanyongesele embwe. Visimbu vyoshe watutumwisile ku vukalu vwendi, co kavumwesele embwe.

Myaso 85:6

Tupwise vaka-nzili lalo ngeci yetu vanu vove tujolele muli yove.

Isaya 53:1

Vanu vakumbulula ngwavo, “Iyajo asa kukulaela muzimbu wetu? Iyajo namono nzili ya Shukulu Kalunga mu vyuma evi?

Isaya 54:8

Omwo njaluvalele njakusezele kasimbu kakandondo lika, oloni njikakumwesa cizemo cange ku myaka yoshe. Ngwendi Shukulu Kalunga uje muka-kukwamena.

Isaya 63:15

Shukulu Kalunga, kenga ali yetu oku uli mwilu, mwimbo lyove lya vumpau. Kuma lajoko unatwivala ndi? Nzili yove ilikulijo? Cizemo cove nakutetela vilikulijo? Kesi utuyengule.

Isaya 66:2

Yange vene njatangele vyuma vyoshe! Njivwaelela na vaje valilumbilisa nakutengulukila kuli yange, vaje vanjikomoka nakunjononoka.

Njelemiya 10:24

Njilongese yove Shukulu Kalunga oloni kesi na vukalu vwove embwe, kutewa njikanyonga.

Njelemiya 10:7

Iyajo kasa kukusingimika, yove mwene wa miyati yoshe? Yove wafwila kasingimiko. Kukwesi weka wakulifwa nove akati ka miyati yoshe ya vaka-mana, nambe akati ka vimyene vavo.

Njelemiya 29:10

“Shukulu Kalunga alinakwendeka ngwendi, ‘Omo myaka yakukala mu Mbambilone makumi atanu na avali inahu, co njikakala na ngozi neni nakunyunga cikulaeso cange cakumiilwisila lalo kwimbo.

Njelemiya 46:28

Njikaija kuli yeni nakumyamena, njikanyongesa miyati yoshe ya vanu kuje kunjamishandwelele, oloni yeni kunjikaminyongesa embwe. Njikamyecela ngoco kuminyanyamesa, oloni omo njiminyanyamesa, co njikamizivila mema ku mbunge. Yange Kalunga, njinendekamo.”

Mbimbi 3:32

Nameme atunenela vusiwa, oloni cizemo cendi ali yetu mwa vushunga anga cili na nzili.

Ndanyele 8:17

Co Ngambiliyele wezile nakwimana kuyehi nange, co njazivile manene lyova ngeci njawililile asi. Co ikeye wendekele kuli yange ngwendi, “Muna munu, zivisisa mwamuvwa mucalumbunukila cimona. Cimona eci cimwesa simbu omo kaye kakahwa.”

Ndanyele 9:2

Mu mwaka wakulivanga omo wapwile mwene, yange Ndanyele njakele nakulilongesa mavulu akujela nakuyongola a myaka makumi atanu na avali ije Yelusalema ikapwa ngundu, ngwe lijwi lya Shukulu Kalunga lyalekele Njelemiya muka-kwimanena.

Hambakuke 3:1

Eli likelyo lilombelo lya Hambakuke muka-kwimanena.

Hambakuke 3:16

Njazivi vyoshe evi, co njijaja, mbunge yange itumbuka omwo lyova. Muvila wange ushinuka, co mendi ange ajaja mu mavuli. Njikasimpa nakuvandamena simbu ngeci yete, omo Njambi akanyanyamesa vaje vakatulwisa.

Zakaliya 1:12

Asinoni uje kangelo wendekele ngwendi, “Shukulu Kalunga Muka-nzili yoshe, yove unaluvala na Yelusalema na vinganda vya Yunda a myaka makumi atanu na avali. Simbu ikoni ukavazivila mema ku mbunge?”

Yowano 10:10

Mwizi akaija nakwiva lika nakutsiya nakunyongesa. Njinaija ngeci mukale na mwonyo, mwonyo waungi.

Loma 10:16

Oloni kesi voshe vanatambula Vin̄anda Vyavivwa embwe. Isaya vavenya alinakwendeka ngwendi, “Shukulu Kalunga, iyajo wakulaelele muzimbu wetu?”

Filipu 1:6

Ngecivene, njazivuka ngwange Njambi, uje washangumukile cipangi eci cacivwa muli yeni, akatwalao noo nacimanesa a Litangwa lya Yesu Kilistu.

VaHevelu 11:7

Akukulaela, Nowa wazivile kunangula kwa Njambi a vyuma vya kulutwe vije kasele kumona. Wononokele, ngeci washongele vwato muje ikeye na vana vendi vovokelele. Mu ngila ije, vahisile kaye koshe, co Nowa watambwile kuli Njambi vushunga vuje vwatundile akukulaela.

VaHevelu 12:21

Vije vamwene vyavazivisile lyova lyakukomokesa manene ngeci Mosesa wendekele ngwendi, “Yange njilinakujaja na lyova!”

Kujombolola 15:4

Iyajo kasa kukukomoka yove Shukulu Kalunga? Iyajo avyana kushangazala vukama vwove? Yove lika wapwa wakujela! Miyati yoshe ya vanu vakaija nakukulemesa, omwo vilinga vyove vya vushunga vinasholoka kuli vanu voshe.”