Hambakuke 3:16 - Livulu lya Shukulu Kalunga

¹⁶ Njazivi vyoshe evi, co njijaja, mbunge yange itumbuka omwo lyova. Muvila wange ushinuka, co mendi ange ajaja mu mavuli. Njikasimpa nakuvandamena simbu ngeci yete, omo Njambi akanyanyamesa vaje vakatulwisa.

Hambakuke 3:16 Iomraidhean Croise

Yombi 30:17

Ku vutsiki vitsiya vyange vyoshe vilinakutenda, co mishisha ilinakungwima simbu yoshe.

Yombi 30:30

Cikonde cange cinemuka cakuzivala, co cilinakujamozoka, co vitsiya vyange vilinakwenya na ntwima.

Myaso 119:120

Njijaja manene omo njikuyongola, njili na lyova lya kusompa kwove.

Myaso 91:15

Omo vatambeka kuli yange, co njivakumbulula omo vali mu tuyando, co njikakala amo navo. Njikavamena nakuvasingimika.

Visimo 12:4

Munakazi wamuvwa napu cuma ca seo kuli munalume wendi, oloni munakazi uje azivisa shwamwa munalume wendi, napu ngwe mushongo wa lulanga mu vitsiya vya munalume wendi.

Visimo 14:30

Mbunge ya kwoloka inena vukangule mu muvila, oloni cipululu capwa ngwe mbandu ya mukongo.

Isaya 21:3

Vije vinjamwene nakuziva mu cimona vyanjizivisile lyova nakuvinja, ngwe munakazi alinakukita.

Njelemiya 23:9

Mbunge yange inazeye, co njilinakujaja. Omwo Shukulu Kalunga, omwo majwi endi akujela Njinafu ngwe munu wakupenda, ngwe munu nanu manene vinyu.

Njelemiya 30:7

Litangwa lyalikalu lilinakwija, kukwesi lalo litangwa lyeka lyakulifwa nalyo, ikapwa simbu yaikalu kuli vanu vange, oloni vakovoka.”

Njelemiya 4:19

Kekange! Kuvavala! Kunjasa kwoloka! Mbunge yange ilinakulwa manene! Omwo njinazivi malupembo na muyoyo wa nzita.

Njelemiya 5:15

Vanu va mu Isalele, Shukulu Kalunga akanena muyati wa kulyala mukumilwisa, muyati wa ku san̄ulu wa nzili, uje ndaka yawo kumuyizivuka.

Mbimbi 1:13

“Watumine tuhya kutunda kwilu, tuhya tuje twenyele mukati kange. Ikeye wanjitelelele mweto, co wanjikokelele asi, wanjisezele njinatsi citunulu, co njonwele nzili litangwa lyoshe.

Mbimbi 1:20

“Shukulu Kalunga, kenga tuyando twange, kenga kukemanga kwa mwonyo wange! Mbunge yange ilinakulwa mu nulo, omwo vusiwa vwa vuvi vwange. Kuli kulitsiya mu vitapalo, nameme mu vinjuvo muli kutsa.

Ezekiyele 3:14

Asinoni Munzinzime wa Shukulu Kalunga wanjijundwile nakunjambata, co njaluvalele nakuviilila.

Ndanyele 10:8

Njasalele kuje ange lika mukumona cimona eci cakukomokesa. Kunjakele na nzili lalo yai, co cihanga cange cemukile mweka ngeci naumo wai wasale kunjizivuka.

Ndanyele 10:9

Omo njazivile lijwi lyendi, co njawililile asi njatsilemo kavela-vela, njavulumanene nakukengesa cihanga cange asi.

Ndanyele 8:27

Co yange Ndanyele, njazeyele manene nakuvinja matangwa amo. Asinoni njendukile, co njapangele vipangi vya mwene vije vyanjikundikile, oloni njalikomokelele a cimona cije kunjasele kucizivisisa.

Hambakuke 3:2

Yove Shukulu Kalunga, njazivi lutsimo lwavije walingile, co njinazivi lyova. Linga lalo vyuma vije vyakama viwalingile. Kala na mema ku mbunge nameme uluvala.

Luka 21:19

Koleseni, co mukaamena myonyo yeni.