Hambakuke 2:8 - Livulu lya Shukulu Kalunga

⁸ Yeni mwapukwile vanu va miyati yaingi, oloni ololo vaje vasaleleo vakevo vakamipukula. Eci cikalingiwa omwo mwatsiile vanu vavangi, co lalo mwalingile muuka ku vanu va lifuti na vinganda vyalyo.

Hambakuke 2:8 Iomraidhean Croise

Myaso 137:8

Mbambilone vakakunyongesa! Navezika munu uje akakwilwisila vije viwalingile kuli yetu,

Visimo 22:23

Omwo Shukulu Kalunga ikeye muka-kuvalwila, co vyoshe vije ulinga kuli vakevo, Shukulu Kalunga akavilinga lalo kuli yove.

Isaya 33:1

Vitozi vetu vanavindama! Vanevi nakwenda vungungu, nameme kukwesi umo navevila nambe kuvenda vungungu. Oloni simbu yavo yakwiva nakwenda vungungu ikahwa, co navo lao vakavevila nakuvenda vungungu.

Isaya 33:4

Vufuko vwavo vakavupukula vwasi-vwasi nakuvwambata.

Isaya 47:6

Njaluvalele na vanu vange, njavapangesele ngwe kesi vanu vange. Njavaakele mu mavoko ove, oloni yove kuwavamwesele mema ku mbunge, nameme tukulukazi vene wavapangesele na muuka.

Njelemiya 27:7

Miyati ya vanu voshe vakamupangela, co vakapangela lalo munendi wa munalume na mutekulyendi wa munalume, noo simbu ikaija omo muyati wa vanu vendi ukawa. Asinoni muyati wa vanu vendi vakapangela miyati ya vanu va nzili na vimyene vakama.

Njelemiya 30:16

Voshe vaje vaminyongesa na vakevo vakavanyongesa, co vitozi veni voshe vakavatwala ku vunzinda. Voshe vaje vamiyandesa, na vakevo vakavayandesa, voshe vaje vapukula vyeni, na vakevo vakavapukula vyavo.

Njelemiya 50:14

“Yeni voshe vanalume vaka-kwasha mata a lusipa, likwalalekeni mu mundando muzengeleke Mbambilone nakuyilwisa. Asheni mikili yeni a Mbambilone omwo vanu vamwo vanavulumuna ku mesho ange yange Kalunga.

Njelemiya 50:28

(Vaka-kwija vanatewe ku Mbambilone vanaija ku Yelusalema, co vanambulula omo Shukulu Kalunga Njambi yetu walingile shambandinga a vije vaMbambilone valingile ku Njuvo yendi.)

Njelemiya 50:37

Nyongeseni tuvalu twendi na matemba endi! Mashwalale vendi vakukumuna vakatsa, vakevo vapwa vakuzeya! Vufuko vwavo vakavupukula.

Njelemiya 51:13

Mbambilone lifuti lije lyakala manene na vindonga na vufuko vwavungi, oloni simbu ya lifuti eli yakuyoya ineti.

Njelemiya 51:24

Shukulu Kalunga alinakwendeka ngwendi, “Mukanjimona omo njikalinga shambandinga Mbambilone na vanu vamwo, omwo a vuvi vwoshe vuvalingile kuli vaka-Yelusalema.

Njelemiya 51:44

Njikanyanyamesa Mbele, njambi wa Mbambilone, nakumulingisa ngeci ecele vufuko vuje wevile, co miyati ya vanu nalumo lwai lalo vakamulemesa. “Vivumbe vya Mbambilone vinau.

Njelemiya 51:48

Asinoni lilu na asi na vyoshe vilimo vikatambeka nakujolela ngwe vanu, omo vanu vakatunda ku kunto vakawisa nakunyongesa Mbambilone.

Njelemiya 51:8

Vwasi-vwasi Mbambilone inau nakuyinyongesa! Yeni vaka-kwija lileni Mbambilone! Ishakezekeleni vumbanda vwa vimbandu vyayo amo yasa kukanguka.

Ezekiyele 28:16

Yove wakele nakuundangana mukulanda nakulandulula, co eci cakutwamenenene mukulinga muuka namukulinga vuvi. Ngecivene, njakutundisile ku munkinda wange wakujela. Co kelumbi uje wakunyungile wakushekele utunde ku mamanya a seo akuvyazima.

Ezekiyele 39:10

Kuvakacava lalo vitale mu mahya, nambe kushinja miti mu shwata, omwo vakevo vakakala na vitwa vyakuseza mwangoco vyavingi vyakwota. Co vakapukula nakwivila vaje vavapukwilile nakuvevila. Munjinendeka yange Kalunga wa Akamwa ya Vyoshe.”

Amose 3:10

Shukulu Kalunga alinakwendeka ngwendi, “Vanu ava vanashulisa vinjuvo vyavo na vyuma vanawana mu vingila vya muuka na vwizi. Vakevo kuvazivuka kulinga vushunga.

Ovandiya 1:15

“Litangwa lili muyehi omo yange Kalunga, njikasompa miyati yoshe. Muje muunalingi yove Endome, mukemwo lalo muvakakulinga nove. Vilinga vyove vikakwilukila yove vavenya.

Hambakuke 2:10

Oloni matumbe eni ananena shwamwa a naanga yeni, mwalikokela n̄ole yeni vavenya akunyongesa miyati ya vanu vavangi.

Hambakuke 2:17

Munashinji vishwata vya Lembanone, co neni lalo vakamishinja. Mwatsiile tusitu vamwo, co ololo tusitu vamwo vakamitewesa. Eci cikalingiwa omwo mwatsiile vanu vavangi, co lalo mwalingile muuka ku vanu va lifuti na vinganda vyalyo.

Zakaliya 1:15

co njinaluvala manene na miyati ya vanu vaje valinakuyoya mu kwoloka. Kamandondo lika njaluvalele na vanu vange, oloni miyati ya vanu vaje vayandesele manene vanu vange.

Zakaliya 14:12

Shukulu Kalunga akanena mushongo wakukomokesa a miyati ya vanu voshe vaje valwisa Yelusalema. Situ yavo ikavola oku vakevo vacili nakuyoya, mesho avo na vindaka vyavo vikavola.

Kujombolola 6:10

Co vatambekele na lijwi lyakama ngwavo, “Shukulu Kalunga Muka-nzili yoshe, wakujela na vushunga! Simbu mukajo ukakala ngeci ukasompe vanu va asi nakuvanyanyamesa omwo vatutsiile?”