Hambakuke 2:7 - Livulu lya Shukulu Kalunga

⁷ Oloni simbu kanda mucizivuke cuma eci, yeni mwafungulwile vakweni mukakala na likongo yeni vavenya, co vakamisindiya ngeci mufwete kakondweso. Vitozi vakaija nakumizivisa lyova. Vakamipukula!

Hambakuke 2:7 Iomraidhean Croise

Visimo 29:1

Nga ukaluwisa mbunge yove visimbu vyoshe omo vakunangula, co litangwa limo vakakunyongesa kuukendukamo lalo.

Muka-kwambulula 10:8

Nga winda mbulu, co ukawilamo, nga utuva civumbe, co linyoka akushuma.

Isaya 11:13

Vumwene vwa Isalele kuvukazivila lalo Yunda lifuwa, co Yunda kuyikapu lalo citozi ca Isalele.

Isaya 41:25

“Njinaangula mwene uje ukatunda mu ngangela, njikamunena kuno ngeci akulwile ku kunto. Akalyatangela ali vaka-kushwana ngwe lindova, ngwe muka-kushonga alyatangela a vuma.

Isaya 46:11

Njinasana munu kutunda mu ngangela, akukukwavula ngwe kambembe, co akamanesa vije vinjayongwele. Njinendeka, co vikalingiwa.

Isaya 47:11

Tuyando twakama tukaija ali yove vwasi-vwasi kujeneka yove kuzivuka, co manseno ove oshe kuwakakukwasa.

Njelemiya 51:11

Shukulu Kalunga nashiki vimyene va Mendiya kukalwisa Mbambilone, omwo nayongola kuyinyongesa. Omu mukemwo mwakalinga shambandinga vaMbambilone omwo vasiwile Njuvo ya Shukulu Kalunga. Vamyata va nzita valinakushika ngwavo, “Otoleni mikili yeni! Vwaeseleni cimweja vintelo vyeni!

Njelemiya 51:57

Njikapendesa vaka-kushwana vamwo, na vanalume va mana, na vantwama, na mashwalale. Vakalala, co kuvakenduka lalo. Yange mwene, njinendekamo, yange Kalunga Muka-nzili yoshe.

Njelemiya 8:17

Shukulu Kalunga alinakwendeka ngwendi, “Nyanyameni njikatuma manyoka akati keni, manyoka va vushungu vwavuvi vakamishuma, oloni naumo wai akasa kuvavindika.”

1 Tesalonika 5:3

Omo vanu vendeka ngwavo, “Vyuma vyoshe vili mwamuvwa kunoloka kuluu,” asinoni vwasi-vwasi kunyonga kuvawana! Kukaija vwasi-vwasi ngwe mushongo ali munakazi ashaka kukita, co vanu kuvakasa kuputumuka.