Hambakuke 2:6 - Livulu lya Shukulu Kalunga

⁶ Vanu vaje lifuti lyavo vaMbambilone vanalitambula na nzili vakayeluwisa nakushendumuna vaMbambilone ngwavo, “Yeni mukambata vije kuvyapwile vyeni, oloni Njambi akaminyanyamesa! Mukafuka visimbu vingaijo akusindiya vanu vaje mwakumwisile vimbongo ngeci vamifwete?”

Hambakuke 2:6 Iomraidhean Croise

Myaso 94:3

Vaka-vuvi vakavwaelela visimbu vingaijo yove Shukulu Kalunga?

Visimo 22:16

Nga wana vwana kuli vaka-kufuka, nambe kuyandesa tuutu ngeci ufuke, ukapwa lika u kautu yove vavenya.

Isaya 10:13

Mwene wa Asilya alinakulishasha ngwendi, “Vyoshe evi njavilingi ange lika. Njili na nzili na mana nakunyanyama. Njinazimangana vinginga akati ka miyati, co njinambata vufuko vuje vatulikile. Ngwe ngombe wa nkomba, njalyatangela vanu vaje vakele muje.

Isaya 44:20

Mana angacije vunene anapu ngwe kulya manungu. Viyongola vya munu ou vinapu vya vulema, vinamusevwisa, ngeci kukwesi seo lalo yai. Kanangukile ngeci ngwendi aka kamponya kanakwata mu livoko lyendi kukapwile njambi embwe.

Isaya 5:8

Ngongo yeni! Mulinakulanda vinjuvo vyavingi na mahya ngeci muwezelele ku vije mulinavyo laja. Co kukukakala lalo mutambela wakutungila vanu, co mukakala mu lifuti eni lika.

Isaya 55:2

Omwo vikajo muviisila vimbongo a vyuma vije kuvyapwile vyakulya? Omwo vikajo muundanganena cuma cije kucasa kumikutisa? Tolilileni kuli yange nakulinga vije njendeka, co mukavwaelela na vyakulya vyavivwa manene.

Njelemiya 17:11

Uje awana vufuko mu ngila yaivi, nalifu ngwe kazila atetula mavunda kesi endi. A simbu ya mutanya ya matangwa akuyoya kwendi akavuzimbalesa, co ku mamaneselelo akapwa cilema.

Njelemiya 29:22

Omo vanu vaje vavatwalele mu vunzinda kutunda ku Yelusalema nakuya ku Mbambilone nga vashaka kusinga munu, co vakendeka ngwavo, ‘Shukulu Kalunga amilinge ngwe mwalingile kuli Zendekiya na Ahave, vaje mwene wa Mbambilone wavenyekele oku vayoya!’

Njelemiya 50:13

Omwo a vukalu vwange, naumo wai akakala mu Mbambilone, oloni ikapwa ngundu yangoco, co voshe vaketilako vakalisimoka nakulikomokela.

Ezekiyele 32:21

Vingenyenye vakama, na vaje valwile ku mutambela wa vaka-Ingito, vakatambula vaka-Ingito ku lifuti lya vatsi. Vakatambeka ngwavo, ‘Vaka-kujeneka kukulaela vaje vavatsiilile mu nzita vanaija kuno, co vanalala kuno!’

Mika 2:4

Omo ije simbu iketa, vanu vakendeka majwi amavi ali yeni kupwa cimweso ca tuyando twakama, co vakaimba mwaso uje wa vusiwa ali yeni ngwavo, ‘Tunanyongo njwa! Shukulu Kalunga natutambula lifuti lyetu nakulyana kuli vaje vatukwatele vunzinda.’ ”

Hambakuke 1:15

VaMbambilone vakakwata vanu na tulovo ngwe vakwata visi. Vavakokangeya ngwe visi vali mu manimbwa, co valisamba a vije vanakwata!

Hambakuke 2:12

Munavindama! Yeni mwajalele luvula lwa nganda na vilinga vya muuka, nakuyitunga na vilinga vyakutsiya vanu.

Hambakuke 2:13

Miyati ya vanu vaje mwafungulwile valipakesele ngoco vipangi vyakujeneka seo, co vyoshe vije vivatungile vinenye na tuhya. Shukulu Kalunga Muka-nzili yoshe ikeye walingile vyuma evi.

Kulava 23:18

Asinoni Mbalame washangumukile kwendeka vuka-kwimanena vwendi ngwendi, “Katuka Mbalake, uzivilile evi njendeka, tolilila majwi ange, ove muna Zipole.

Kulava 23:7

Co Mbalame wendekele vuka-kwimanena vwendi ngwendi, Mbalake mwene wa vaMowavi ikeye nanjinena kuno, kutunda ku Silya, ku minkinda ya mu ngangela, ikeye wendekele ngwendi, “Ija wakunjisingileko Yakomba, nakunjikun̄wilako vanu va Isalele.

Luka 12:20

Oloni Njambi wendekele kuli ikeye ngwendi, ‘Ove cilema! Vutsiki vuno vene vakatambula mwonyo wove, co vyoshe evi unalitulikila yove vavenya vikapwa vyeya?’ ”

1 Petulu 4:7

Kukotoka kwa vyuma vyoshe kuli muyehi. Munapande kulinyunga nakukengelela, ngeci mwase kulombela.