Hambakuke 2:5 - Livulu lya Shukulu Kalunga

⁵ Vufuko vukakwisa. Vanu vaka-linyanyamena vapwa vaka-kulyalesa, co kuvesi kujuka, ngwe kutsa nakwo kukwesi kujuka. Omu mukemwo vakafungulula muyati na muyati wa vanu.

Hambakuke 2:5 Iomraidhean Croise

2 Vimyene 14:10

Ololo yove Amaziya, unafungulula vaEndome, co uli na kulyalesa. Wapwisamo lutsimo lwove, co tumbama kwimbo lyove. Omwo vikajo ulishakela n̄ole ije ikanena tuyando kuli yove na kuli vanu vove?”

Myaso 138:6

Nameme yove Shukulu Kalunga, wakala akamwa yetu, oloni ulinakulela vaka-kulikeesa, co vaka-kulyalesa kuvasa kuvanda ku mesho ove.

Visimo 20:1

Cinapu cuma ca vulema kunwa vinyu, nakupenda kunena kalwa, vaka-kupenda vinyu kuvesi na mana.

Visimo 21:24

Munu wa kulyalesa nakulyaka ku vukama ikeye muka-kushendumuna, alinga mukulyaka ku vukama na kulyalesa.

Visimo 27:20

Lishungu lya vanu lyafwa ngwe vukalo vwa vatsi, simbu yoshe viyongola vyeka kuvili.

Muka-kwambulula 5:10

Uje woshe azema manene vimbongo, kasa kuviwana, uje woshe azema manene vufuko, kasa kuvuwana. Vinapu vyangoco.

Isaya 14:6

vaje vayandesele mwamuvi vanu, co kuvalikelele kupakesa vanu va miyati yeka.

Isaya 16:6

Vanu va Yunda vendeka ngwavo, “Tunazivi kulyalesa kwa vanu va Mowavi. Tunazivuka ngeci vakevo vaka-kulishasha, oloni kulishasha kwavo kunapu kwangoco.”

Isaya 2:17

Kulyaka ku vukama na kulyalesa kwa vanu kukahwa,

Isaya 21:5

Mu cimona, njamwene ciwano cakuvwaesela cimweja, vanajala tumbilititi ngeci vangenzi vatumbameo. Co vakele nakulya nakunwa. Vwasi-vwasi kwezile lishiko ngwavo, “Vamyata ambateni vintelo vyeni vwasi!”

Isaya 5:14

Vukalo vwa vatsi vulinakuvashungwiya, vuneshama kanwa kavwo, ngeci kaleule vaka-kufuka va mu Yelusalema amo na mbunga ya muyoyo wa vanu vangoco.

Isaya 5:8

Ngongo yeni! Mulinakulanda vinjuvo vyavingi na mahya ngeci muwezelele ku vije mulinavyo laja. Co kukukakala lalo mutambela wakutungila vanu, co mukakala mu lifuti eni lika.

Njelemiya 25:9

‘Njikanena miyati ya vanu voshe vakutunda ku kunto na ngamba yange, Mwene Nevukaneza wa Mbambilone. Njikavanena ngeci vakulwise Yunda na vanu vamwo, nakulwisa miyati ya vaje muvanalyatela. Njikanyongesa muyati ou na vandambo vavo, co kukakala vingundu lika, cikapwa cimweso cakukomokesa nakulisimoka. Yange Kalunga, njinendekamo.

Njelemiya 50:29

Saneni vaka-mata a lusipa valwise Mbambilone. Voshe vaje vazivuka kupangesa vuta vwa lusipa na mukili. Zengelekeni nganda, kesi mutave umo aputumukemo, ilingeni mwamuvi ku vije vyoshe vyalingile, co ipangeseni ngwe muyapangesele vakwavo, omwo yalingile na kulyalesa ku mesho ange, muka-kujela wa Isalele.

Njelemiya 51:39

Vali na nuna ndi? Njikavavwaesela ciwano nakuvapendesa nakuvavwaelelesa. Vakalala, co kuvakenduka lalo.

Hambakuke 1:15

VaMbambilone vakakwata vanu na tulovo ngwe vakwata visi. Vavakokangeya ngwe visi vali mu manimbwa, co valisamba a vije vanakwata!

Hambakuke 1:17

Kuma anga vakapangesa mikwale yavo ku myaka yoshe, nakunyongesa miyati ya vanu kwonwa kuvazivilako mema ku mbunge ndi?

Hambakuke 2:4

Co awa akewo majwi, ‘Vaka-vuvi vakatsa, oloni vaka-vushunga vakayoya omwo vakonononoka kuli Njambi!’ ”

1 Tesalonika 4:11

Pweni vaka-kuyoya mu kwoloka, akeni mana eni ku vyuma vyeni, nakupanga vyakulikwasa navyo yeni vavenya, ngwe muje twamilekeke laja.

Yakomba 4:6

Oloni kutetela kwa Njambi kwanatwana kwapwa kwa nzili manene. Ngwe muvyendeka visoneka ngwavyo, “Njambi avyana vaka-kulyalesa, oloni atetela vaka-kulikeesa.”