Hambakuke 2:3 - Livulu lya Shukulu Kalunga

³ Cisoneke, omwo simbu kanda yete ngeci vyuma evi vikalingiwe. Oloni simbu ilinakwija vwasi omo vyuma evi njilinakukumwesa vikalingiwa. Nameme vene vikevyo vinambata simbu ngeci vilingiwe, vandamena lika, vikevyo vikalingiwa a simbu injemika, kuvikeshwala embwe.

Hambakuke 2:3 Iomraidhean Croise

2 Vimyene 6:33

Omo kanda acimanese kwendeka evi, co katumwa ka mwene wetele, wendekele ngwendi, “Shukulu Kalunga ikeye nanene vukalu vwoshe ovu ali yetu! Vikajo njimuvandamena ngeci atukwase?”

Myaso 102:13

Kala na mema ku mbunge na Siyone, omwo simbu inete yakumutetela, ino ikeyo vene simbu yaivwa!

Myaso 27:14

Kulaela kuli Shukulu Kalunga, kulaela, kesi uzeye. Kulaela kuli Shukulu Kalunga.

Kutuuka 12:41

Co a litangwa lije vene vamanesele myaka 430, miyati yoshe ya vanu va Shukulu Kalunga vatundile mu Ingito.

Isaya 30:18

Ngecivene, Shukulu Kalunga namivandamena ngeci amizivileko mema ku mbunge. Ikeye alinakumizivila ngozi omwo simbu yoshe akalingi vya vushunga. Vanavezika vaje vakulaela muli Shukulu Kalunga.”

Isaya 7:4

Mulekeni ananguke, ngeci akale mu kwoloka, co kesi azive lyova nambe kujujuka a vukalu vwakama vwa Mwene Lezine wa ku Silya, na vukalu vwa Mwene Peka vuje vunapu ngwe vimbundi vivali vya tuhya vilinakukakama vwisi.

Isaya 8:17

Shukulu Kalunga nalishweke ikeye vavenya kuli vanu vendi, oloni yange njinamukulaela, co njinaka cinyangavili cange muli ikeye.

Njelemiya 27:7

Miyati ya vanu voshe vakamupangela, co vakapangela lalo munendi wa munalume na mutekulyendi wa munalume, noo simbu ikaija omo muyati wa vanu vendi ukawa. Asinoni muyati wa vanu vendi vakapangela miyati ya vanu va nzili na vimyene vakama.

Ezekiyele 12:25

Yange Kalunga, njikendeka kuli vakevo, co vije vinjikendeka vikalingiwa. Kwishwala kucikakalako lalo embwe. Mu simbu yakuyoya kweni kwoshe, yeni vaka-kutengulukila, njikalinga vije vinjaminangwile ngeci njikavilinga. Yange njinendekamo,” mwalinakwendeka Shukulu Kalunga wa Akamwa ya Vyoshe.

Ezekiyele 30:9

“Omo litangwa lije lyeta, co Ingito ikanyonga, njikatuma miluwa mu mato akama mukunyangumuna vanu va ku Sundane, co vakavazivisa lyova manene. Litangwa lije lilinakwija!”

Ndanyele 10:14

Yange njinaija ngeci uzivisise vije vikalingiwa kuli vanu vove kulutwe. Eci cikeco cimona ca vyuma vya kulutwe.”

Ndanyele 11:27

Asinoni vimyene vaje vavali vakatumbama amolika nakulya ku mesa imo, oloni viyongola vyavo vikapwa vyavivi, co vakendeka makuli kuli umo na mukwavo. Vyoshe vivakayongola kuvikavakwasa embwe, omwo Njambi ikeye naaka simbu yakuvanyongesa.

Ndanyele 11:35

Vantwama vamo va mana vakavatsiya, oloni vutumbe ovu vunapu vwakujelesa vanu. Eci cikalingiwa noo akukotoka, simbu ije yanemika Njambi.

Ndanyele 8:17

Co Ngambiliyele wezile nakwimana kuyehi nange, co njazivile manene lyova ngeci njawililile asi. Co ikeye wendekele kuli yange ngwendi, “Muna munu, zivisisa mwamuvwa mucalumbunukila cimona. Cimona eci cimwesa simbu omo kaye kakahwa.”

Ndanyele 8:19

wendekele ngwendi, “Njikumwesa muvukafwa vukalu vwa Njambi. Cimona eci cimwesa simbu yakukotoka.

Ndanyele 9:24

“Visimbu vitanu na vivali vya myaka makumi atanu na avali inapu simbu yanemika Njambi yakupatula vanu vove na nganda yove yakujela ku vuvi na ku kupenga-penga. Ngecivene, vuvi vakavusambesa, co vushunga vukakala ku myaka yoshe, co cimona na vuka-kwimanena vikapwa vya vushunga, na Njuvo ya Shukulu Kalunga yakujela vakayikundika lalo.

Mika 7:7

Oloni yange njikakengelela kuli Shukulu Kalunga, njikavandamena nakukulaela kuli Njambi uje akanjamena. Njambi yange akanjiziva.

Zefaniya 3:8

Shukulu Kalunga alinakwendeka ngwendi, “Vandameneni litangwa lije omo njikakatuka mukusompa miyati ya vanu. Njinayongola kukungulula miyati ya vanu na vumwene amolika ngeci vamone nzili ya vukalu vwange. Co ano asi oshe akanyonga na tuhya twa vukalu vwange vwakama-kama.

Kulava 23:19

Njambi kapwile munu ngeci ikeye akwise embwe, nambe kapwile muna munu ngeci atengulule viyongola vyendi embwe. Coshe canakulaesa kuvanga acilinge, coshe endeka kuvanga cilingiwe.

Luka 2:25

Cooni kwakele munalume umo mu Yelusalema lizina lyendi Simyoni. Wapwile muka-vushunga muka-kukomoka Njambi, wavandamenene kupatuka kwa Isalele. Munzinzime Wakujela wakele ali ikeye,

Vilinga vya Miluwa 1:7

Yesu wendekele kuli vakevo ngwendi, “Kesi kuli yeni kuzivuka visimbu na myaka vije vyanavwaesa ku moko ya Tate vavenya.

Vilinga vya Miluwa 17:26

Co watangele miyati yoshe kutunda kuli munalume umo ngeci vakale asi oshe. Ikeye vavenya wavwaeselele cimweja visimbu na vinginga vya mitambela kuje vayoyela.

Ngalatiya 4:2

Omo acili mukwenje, kuvali vanu vaka-kumulela nakumukengelako vyendi noo simbu ije yemika ishe.

2 Petulu 2:3

Co mu cipululu cavo, ava valongisi va makuli vakawana nganyo akumileka tusimilili. Omwo a simbu yakama ololo Lyaako wavo nalivwaesela cimweja, co Muka-kunyongesa wavo ali laja mu mesho!

2 Petulu 3:9

Mwene kesi kwishwala akulinga cije canakulaesa, ngwe muvakayongola vamo. Oloni muka-lukakateya ali yeni, omwo kashaka umo akanyonge, oloni ashaka ngeci voshe vatenguluke kutunda ku vivi vyavo.