Hambakuke 2:20 - Livulu lya Shukulu Kalunga

²⁰ Shukulu Kalunga ali mu Njuvo yendi yakujela, ngecivene, munu woshe ali ano asi oloke kuluu ku mesho endi.

Hambakuke 2:20 Iomraidhean Croise

Yombi 37:20

Kunjasa kulomba kwendeka na Njambi, omwo vikajo njimwanena vukovelelo vwakunjinyongesa?

Myaso 11:4

Shukulu Kalunga ali mu Njuvo yendi yakujela, ikeye ali a litanda lyendi mwilu. Mesho endi alinakukenga a vanu voshe, azivuka vije valinakulinga.

Myaso 115:3

Njambi yetu ali mwilu, akalingi vyoshe vije ashaka.

Myaso 46:10

Njambi nendeka ngwendi, “Olokeni kuluu, zivukeni ngeci yange nji Njambi, nji wakama akati ka miyati yoshe, co nji wakama lalo ano asi oshe!”

Isaya 41:1

Njambi alinakwendeka ngwendi, “Olokeni kuluu nakutolilila kuli yange, yeni muli mu mafuti a kulyala! Pweni vanu vakusimpa, shwenyeni kuno ngeci mwakwendeke. Ijeni tulikungulwile amo nakuyongola iya nashungamesa.

Isaya 6:1

Mu mwaka uje watsile Mwene Uziya, njamwene Shukulu Kalunga natumbama a litanda lyendi lyalilaja, lya akamwa, co cikoveyo cendi cacilaja cashulisile Njuvo ya Shukulu Kalunga.

Isaya 66:1

Shukulu Kalunga alinakwendeka ngwendi, “Lilu lyapwa litanda lyange, co ano asi apwa vulyatelo vwange. Njuvo ya cifwa mukajo mwasa kunjitungila? Mutambela wa cifwa mukajo munjikala yange?

Isaya 66:6

Tolilileni muyoyo wakama uje uli mu nganda, na cililimo cije cili mu Njuvo ya Shukulu Kalunga, cinapu cililimo ca Shukulu Kalunga ahisa vitozi vendi!

Yona 2:4

Njayongwele ngwange unanjumbila kuti, kutunda kuli yove, co kunjikamono lalo Njuvo yove yakujela.

Yona 2:7

Omo njalezumukile, asinoni njalombelele kuli yove Shukulu Kalunga, na lilombelo lyange lyetele kuli yove, co mu Njuvo yove yakujela wanjizivile.

Mika 1:2

Tolilileni yeni miyati yoshe ya vanu, zivisiseni yeni voshe mwakala ano asi! Shukulu Kalunga wa Akamwa ya Vyoshe akambulula vukaleo ali yeni. Tolilileni! Alinakwendeka kutundilila mu Njuvo yendi ya mwilu.

Hambakuke 3:1

Eli likelyo lilombelo lya Hambakuke muka-kwimanena.

Zefaniya 1:7

Litangwa lili muyehi omo Shukulu Kalunga akatumbama nakusompa vanu ngecivene, olokeni kuluu ku mesho endi. Shukulu Kalunga nalivwaesela cimweja kukombelela vanu vendi, nalanya vitozi mukupukula Yunda.

Zakaliya 2:13

Munu na munu oloke kuluu ku mesho a Shukulu Kalunga, omwo ikeye alinakwija kutunda ku mutambela wendi wakujela kuje kwakala.