Hambakuke 2:2 - Livulu lya Shukulu Kalunga

² Co Shukulu Kalunga wanjikumbulwile ngwendi, “Soneka mwamuvwa cimona eci a vitale vya vuma, ngecivene, cikapwe cacasi kuli uje acilava.

Hambakuke 2:2 Iomraidhean Croise

Isaya 30:8

Njambi wanjilekele kusoneka mu livulu majwi endi kuli vanu, ngeci kukakale visoneka vya ku myaka yoshe vya a vuvi vwavo.

Isaya 8:1

Shukulu Kalunga wendekele kuli yange ngwendi, “Nona citale cakama usonekeo malaka akama ngwove, ‘Mahele Shalale Hashe Mbaze.’

Njelemiya 30:2

wendekele kuli yange ngwendi, “Soneka mu livulu vyuma vyoshe vije vinjakuleke,

Ndanyele 12:4

Co wendekele kuli yange ngwendi, “Ololo, Ndanyele zenga lipapelo nakwakao cisateso noo simbu ya kaye ikahwa. A simbu ije, vanu vavangi vakaya noku-noku mukweseka kuzivisisa vije vilinakulingiwa.”

Ndanyele 7:1

Mu mwaka wakulivanga omo Mbeleshazale wapwile mwene wa Mbambilone, njalotele njozi, co njamwene cimona ku vutsiki vuje. Njasonekele ije njozi, co ovu vukevwo vukaleo

Loma 15:4

Vyuma vyoshe vije vivasonekele mu Visoneka vavisonekele mukutulongesa, ngeci tukale na cinyangavili cakutunda ku lukakateya nakukutakamesa kuje kutunda ku Visoneka.

1 Kolinte 14:19

Oloni mu cikungulukilo akulemesa, cili kulutwe kwendeka majwi atanu aje vasa kuziva, mukulongesa veka, kutuvakana kwendeka majwi akupwa 1,000 mu vindaka vyeka.

2 Kolinte 3:12

Omo tuli na cinyangavili eci, co tunasimpi manene vene.

Kwituluka mu Mashiko 27:8

Co aje a mamanya akusalimba mukasonekao mwamuvwa majwi oshe a mashiko a Njambi.”

Kwituluka mu Mashiko 31:19

“Ngecivene, soneka ou mwaso. Ulongese vanu va Isalele, ngeci ukale mu vimbunge vyavo, upwe vukaleo vwange kuli vakevo.

Kwituluka mu Mashiko 31:22

A litangwa lije vene Mosesa wasonekele uje mwaso, co waulongesele kuli vanu va Isalele.

Kujombolola 14:13

Asinoni njazivile lijwi lyatundile mwilu lyendekele ngwalyo, “Soneka ngwove, vanavezika vatsi vaje vatsila muli Mwene kutunda ku lelo!” Munzinzime Wakujela wakumbulwile ngwendi, “Mwa vushunga vanavezika! Vakevo vakahwima ku vipangi vyavo vije vaundanganene, omwo fweto ya vipangi vyavo ikavakava.”

Kujombolola 19:9

Co kangelo wendekele kuli yange ngwendi, “Soneka ngwove, vanavezika vaje vavanalanya ku ciwano ca vulo vwa Muna Manga.” Co kangelo wendekele lalo ngwendi, “Awa akewo majwi a vushunga a Njambi.”