Hambakuke 2:19 - Livulu lya Shukulu Kalunga

¹⁹ Munavindama! Yeni mukendeka ku citi nambe ku limanya ngweni, “Induka!” Kuma kamponya kasa kumisholwela cuma cimo ndi? Nameme vanu vanakafwiki siliva na ngolinde, oloni kukesi na mwonyo.

Hambakuke 2:19 Iomraidhean Croise

Myaso 135:15

Tumponya va miyati yeka vanapu vakupanga na siliva na ngolinde, vanapu vakumunga na mavoko a vanu.

Myaso 135:17

Vali na matwi, oloni kuvasa kuziva, kuvasa nameme kuhwima.

Myaso 97:7

Voshe vaje valemesa tumponya, shwamwa ikavakola, vinjambi voshe va makuli vakatsikama kuli Shukulu Kalunga.

Isaya 26:14

Vaje vitozi vanatsi voshe, vanatsi kuvakasanguka lalo, unavahisa, co vananyongo, naumo wai lalo akavanuka.

Isaya 40:19

Ikeye kafwile ngwe kamponya kakushonga kuli vanu, kaje kavanafwiki na ngolinde vaka-kushonga, nakukatumbika a citumbikilo ca siliva.

Isaya 41:26

Iyajo wa ali yeni uje watulekele vin̄anda te kanda vicilingiwe, ngeci tuvizivuke? Naumo wai weni wendekele lijwi, naumo wai wamizivile mwendeka cuma!

Isaya 44:17

Viti vyoshe vije vinasalao lalo avipanga kamponya, co akakulamena nakukalemesa. Akalombelela nakwendeka ngwendi, “Njamene njambi yange!”

Isaya 46:6

Vanu vafukula mu vingonga vyavo, nakwitila kuti ngolinde, vapeselesa siliva a vipeseleso. Vakumuna muka-kufula ngolinde ngeci alinge kamponya, asinoni vamukulamena nakumulemesa.

Isaya 57:6

Mulinakwambatako mamanya akuseneta, co mulinakuwalemesa ngwe vinjambi. Muketilako vinyu kupwa vin̄ombelo nakuvatwalela n̄ombelo ya vimbuto vya vinona. Kuma munayongola ngweni njasa kuvwaelela nevi vyoshe ndi?

Njelemiya 10:14

Vanu voshe vaje vaka-kufula tumponya twa ngolinde vanapu vilema, voshe vakaziva shwamwa, omwo tumponya tuje tuvakafulu tunapu twa makuli, co kuvesi na mwonyo.

Njelemiya 10:3

Omwo vilika vya vanu ava vinapu vyangoco, omwo munu ashinja muti mu shwata, aushonga kamponya,

Njelemiya 10:4

co akacakeya siliva na ngolinde. Nakukapameya na vimbambo ngeci kesi kenjengeye.

Njelemiya 10:9

Tumponya twavo twakucakeya siliva ya ku Sipeini na ngolinde ya ku Ufaze, nakutuzika vinanga vyakuzivuluka nevi vya linyu vyakuvenguluka, vyakushela kuli vatongwe, twapwa vipangi vya vaka-kushonga.

Njelemiya 2:27

voshe vaje vendeka ngwavo muti wapwa ishweni, co limanya lyapwa vanyoko. Eci cikalingiwa omwo munatundu kuli yange, kumwelukile kuli yange embwe. Oloni omo muli mu tuyando, co munjilomba ngeci njimikwase.

Njelemiya 2:28

“Vali kulijo vinjambi vaje mwalishongelele? Vanapande kumyamena, omo muli mu tuyando! Yunda, yove uli na vinjambi vavangi ngwe muuli na vinganda vyavingi.

Njelemiya 51:17

Munu woshe wapwa cilema nakujeneka mana omo amona vyuma evi, vaje vakalingi tumponya vaziva shwamwa omwo tumponya twavo twapwa twa makuli, co kutwesi na mwonyo.

Njelemiya 51:47

Ngecivene, simbu ilinakwija omo njikanyanyamesa tumponya twa Mbambilone. Co lifuti lyoshe vakaziva shwamwa, na vanu vamwo voshe vakavatsiya.

Ndanyele 3:1

Mwene Nevukaneza wapangele kamponya ka ngolinde, mu vulaja kapwile mamita makumi avali na atanu na avali, mu vwihi kapwile mamita atanu, co wakaakele mu cana ca Ndula, mu lifuti lya Mbambilone.

Ndanyele 3:18

Oloni nga ikeye kasa, co yove shukulu zivuka ngwove mwa vushunga yetu kutwasa kulemesa njambi yove, co lalo kutwasa kukulama nakulemesa kamponya ka ngolinde kaje kaunemika.”

Ndanyele 3:29

“Ngecivene, njishika lishiko ngwange, munu woshe wa ku lifuti lika, nambe muyati uka, nambe endeka ndaka yeka vaje vakashaula Njambi ya Shandelaki, na Meshake, na Ambendenengo, vakamutetange vipuka-vipuka, co njuvo yendi vakayinyongese. Omwo kukwesi lalo njambi weka asa kwamena ngacije.”

Ndanyele 3:7

Ngecivene, a simbu ije vene omo vazivile vyakwimbisa viimba, co vanu va mu mafuti oshe na miyati yoshe ya vanu na vanu vaka-kwendeka mu vindaka vyoshe vakulamene nakulemesa kamponya ka ngolinde kaje kemikile Mwene Nevukaneza.

Ndanyele 5:23

Walingile mwamuvi ku mesho a Shukulu Kalunga wa mwilu akunena vinganja na malonga vya mu Njuvo ya Shukulu Kalunga. Yove, na vanu vove va vulemu, na mashano vove, na mashano vove va mbanja mwanwilililemo vinyu nakushangazala tumponya vakupanga na ngolinde, na siliva, na vunengu, na vutale, na viti, na mamanya, na tumponya vaje kuvesi kumona nambe kuziva, nambe kuzivuka cuma cimo. Oloni kuwasingimikile Njambi uje wanyunga mwonyo wove na vyuma vyoshe vije viwukalingi.

Ndanyele 5:4

Vashangazalele tumponya twavo tuje tuvapangele na ngolinde na siliva na vunengu na vutale na viti na mamanya.

Yona 1:5

Co vaka-kujavula voshe vazivile lyova manene, ngeci munu na munu watambekele kuli njambi yendi. Co vombangelele vivala mu ndonga ngeci vwato vwehuke. Oloni a simbu ije, Yona nakovela laja mukati-kati ka vwato nalala mbolila.

Vilinga vya Miluwa 17:29

“Ngecivene, omo tunapu tu vana vendi, kutwapandele kuyongola ngwetu cifwa cendi ca vuNjambi cinapu ngwe cifwa ca ngolinde nambe siliva nambe limanya lyakushonga na vutongwe na mana a munu.

Kujombolola 17:4

Uje munakazi wazalele nanga yakuvenguluka neyi yakuvenga, co vaicakeyeye na ngolinde na mamanya a seo na makwalale. Wakwatele nganja ya ngolinde mu livoko lyendi yakushula na vunyengwe na vyuma vya mazilo, vikevyo vyakutunda ku vupangala vwendi.