Hambakuke 1:9 - Livulu lya Shukulu Kalunga

⁹ “Omo mbunga ya mashwalale va vaMbambilone vaya kulutwe mukulwa, co vapangesa nzili na muuka mukufungulula munu woshe. Omo vashwenya kuyehi, munu woshe-iwoshe alijajela na lyova. Co vambata vinzinda vavangi manene vaje naumo wai asa kuvalava.

Hambakuke 1:9 Iomraidhean Croise

Kushangumuka 41:49

Kwakele tiliku yaingi manene ije Yosefa kasele kuyeseka, yapwile ngwe lishen̄avu lya ku mema a kalunga.

2 Vimyene 12:17

A simbu ije Mwene Hazayele wa ku Silya walwisile nganda ya Ngate nakuyifungulula, asinoni wayongwele kukalwisa Yelusalema.

Yombi 29:18

“Asinoni njayongwele ngwange njikatsila mu njuvo yange, co njikatumisa matangwa ange ngwe lishen̄avu.

Myaso 139:18

Nga njivilava vinapu vyavingi kutuvakana lishen̄avu. Omo njiinduka, anga njili amo nove.

Isaya 27:8

Shukulu Kalunga wahisile vanu vendi akuvatuma ku vunzinda. Wavashekele na lihunzi lyakushaluka lya mu ngangela.

Njelemiya 15:8

Vifwile mu Yunda vakapwa vavangi manene kutuvakana lishen̄avu lya ku mema a kalunga. Vakanyonga a simbu ya mutanya, co visemi va vanakazi vakalilila vana vavo, vwasi-vwasi tuyando na lyova vikaija ali vakevo.

Njelemiya 25:9

‘Njikanena miyati ya vanu voshe vakutunda ku kunto na ngamba yange, Mwene Nevukaneza wa Mbambilone. Njikavanena ngeci vakulwise Yunda na vanu vamwo, nakulwisa miyati ya vaje muvanalyatela. Njikanyongesa muyati ou na vandambo vavo, co kukakala vingundu lika, cikapwa cimweso cakukomokesa nakulisimoka. Yange Kalunga, njinendekamo.

Njelemiya 34:22

Njikavana mashiko, co vakeluka ku nganda ino. Vakailwisa nakuyifungulula, co vakayenyeka njwa. Njikapwisa vinganda vya mu Yunda vingundu. Yange Kalunga, njinendekamo.”

Njelemiya 4:11

Simbu ilinakwija omo vanu va mu Yelusalema vakavaleka ngwavo lihunzi lya ntwima lyakutunda mu mambo lilinakuhuwila nakushungama ali vanu vange. Kulikapu lihunzi lyakuhuwa mwamuvwa lyakupekumuna vishwashwa lika embwe,

Njelemiya 4:7

Ngwe ndumba atunda ku mwela wanavutama, muka-kunyongesa miyati ya vanu nakatuka laja. Alinakwija mukunyongesa Yunda. Vinganda vya Yunda vikasala vyamupulungwa, co naumo wai akakalamo.

Ezekiyele 17:10

Eyo, vaukunine, oloni ukayoya nakukola ndi? Kuma kuukajujwama omo lihunzi lya mu ngangela likahuwila kuukewo ndi? Kuma kuukajujwama kuje kuulinakukulila ndi?’ ”

Ezekiyele 19:12

Oloni vautukwile na matoto amo na mizi yawo nakuumbila asi. Co lihunzi lya mu ngangela lyomisile vushuka vwawo. Co minango yawo yapokozokele, yomininine, co vayenyekele.

Ndanyele 11:17

“Mwene wa Silya akayongola kwija na mashwalale vendi voshe. Co mukuyongola kunyongesa vumwene vwa citozi cendi, akalikwata nendi vusamba, nakumwana munendi ngeci amwambate, oloni viyongola vyendi kuvikahyana embwe.

Hoziya 1:10

Vanu va mu Isalele vakapwa ngwe lishen̄avu lya ku mema a kalunga, lije kuvasa kulilava nambe kuseteka. Ngecivene, ololo Njambi alinakwendeka kuli vakevo ngwendi, “Yeni kesi mu vanu vange,” oloni litangwa lilinakwija omo akendeka kuli vakevo ngwendi, “Yeni munapu vana va Njambi wakuyoya!”

Hoziya 13:15

Nameme Isalele alinakukula mwamuvwa ngwe shaku, njikatuma lihunzi lya ntwima lyakutunda mu mambo mu ngangela, co likomisa masima avo cau na tuvwelu-vwelu twavo. Likapekumuna vyuma vyoshe vya seo.

Hambakuke 1:17

Kuma anga vakapangesa mikwale yavo ku myaka yoshe, nakunyongesa miyati ya vanu kwonwa kuvazivilako mema ku mbunge ndi?

Hambakuke 1:6

Njikalingisa vaMbambilone kupwa muyati wa vanu va nzili, na muuka, kulisingimika. Mashwalale vavo valinakuya kwoshe-ikwoshe mu lifuti mwoshe nakufungulula mafuti a vakwavo.

Loma 9:27

Co Isaya atambeka ali vaIsalele ngwendi, “Nameme vanu va Isalele vanatumu ngwe lishen̄avu lya ku kenge ya mema a kalunga, oloni vavandondo lika vakovoka,

Maako 7:12

Co vaMindyani, na vaAmaleke, na vanalume va miyati ya vanu va mu mambo valishandwelele mu cana ngwe vimbimba mikumbi, co vakevo vakele na tumelo vavangi ngwe lishen̄avu lya ku ngenge ya mema a kalunga.