Hambakuke 1:8 - Livulu lya Shukulu Kalunga

⁸ “Tuvalu twavo valinalumbisi kutuvakana shonge, co vakevo vatewesa manene na vukalu kutuvakana tungunga. Vaka-kulonda a tuvalu vakatundu ku mafuti a kulyala, co tuvalu twavo vakalingi musindo asi na vimbemba vyavo. Vaka-kulonda a tuvalu twavo vakalu nzita vwasi-vwasi nakucuncumukila a vitozi vavo ngwe vingonga.

Hambakuke 1:8 Iomraidhean Croise

Yombi 9:26

Mwonyo wange ulinakwita vwasi ngwe vwato vwita, vwita vwasi ngwe kambembe akwavula muna kasumbi.

Isaya 11:14

Co voshe amo vakalwisa vaFilisitiya vaje vakala ku mutambela wa mu kangombe ka yambi, co vakapukula vufuko vwa vanu vaje vakala mu ngangela. Vakafungulula vanu va ku Endome, na Mowavi, co vaAmoni vakavononoka.

Njelemiya 4:13

Kengeni, citozi alinakwija ngwe mashelwa. Matemba endi a nzita anapu ngwe kankumba, co tuvalu twendi vashatuka manene kutuvakana vingonga. Ngongo yetu! Tunanyongo!

Njelemiya 48:40

Shukulu Kalunga nendeka ngwendi citozi akashelumukila a Mowavi ngwe ngonga ajangumuna mambava endi,

Njelemiya 5:6

Vanu vanatengulukila Njambi visimbu vyavingi, omwo vuvi vwavo vwavungi manene. Ngecivene, vitozi vakavalwisa ngwe vindumba nambe ngwe tungunga va mu mambo, vaje vitozi vakavandamena mu vinganda vya Yunda ngwe viingwe nakusanyozola sanyu-sanyu munu woshe akatuuka anja.

Njelemiya 50:42

Vanambata mata avo a lusipa na mikwale yavo, vanu vakukaluka mema ku mbunge. Omo valonda a tuvalu twavo, co vimbemba vya tuvalu twavo vicuma ngwe mema a kalunga. Valivwaesela cimweja kulwa nzita, kulwisa yeni vanu va Mbambilone.

Mbimbi 4:19

Vaka-kutukava vatushekele vwasi kutuvakana vingonga vakupulula. Vatukavele mu malundu, nakutukwatela mu mambo cishitumukila.

Ezekiyele 17:12

“Ihula ava vaka-kutengulukila nga vazivuka muje mucinalumbunukila eci cisimo. Valeke ngwove mwene wa Mbambilone wezile ku Yelusalema nakukwata mwene na vamyata vendi nakuvatwala ku Mbambilone.

Ezekiyele 17:3

vazivuke vije vinjilinakwendeka yange Kalunga wa Akamwa ya vyoshe. Kwakele ngonga wakama wa maunga amavwa na mambava akama akujanjavala. Ngonga ou wapulwile ku Minkinda ya Lembanone, nakupokola shongo-shongo ya munango wa muti wa Kendale,

Ezekiyele 26:11

Vaka-kulonda tuvalu twavo vaketa mu vitapalo vyove, nakutsiya vanu vove na mikwale yavo. Vimanda vyove vyakukola vakaviwisila asi.

Hoziya 8:1

Shukulu Kalunga alinakwendeka ngwendi, “Imbeni mwondo wa nzita! Vitozi valinakucuncumukila mu lifuti lyange ngwe vingonga! Vanu vange vanapokola cikumiiyo cije njalikumiiye navo, co vanatengulukila vilongesa vyange nakuvilwisa.

Nahumi 2:5

Vamyata valinakuvasana, valinakutanozoka omo vashwenya kulutwe. Vaka-kulwisa vazambwila vwasi ku civumbe nakwaka vintelo vya vyuma vimo vyakulikwasesa kuwisa civumbe.

Zefaniya 3:3

Vamyata vayo valinakwaana ngwe vindumba, co maako vayo vanapu ngwe tungunga va njala na mutupu, vaje valya citsiya palanga noo ku mutondo.

Mateo 24:28

“Kwoshe kuje kuli civimbi kukekwo kukalingulwila makuvi.

Luka 17:37

Co vandongisi vamwihwile ngwavo, “Kulijo Mwene?” Yesu wavakumbulwile ngwendi, “Kwoshe kuje kuli civimbi kukekwo kukalikungulwila makuvi.”

Kwituluka mu Mashiko 28:49

Shukulu Kalunga akamitumina muyati wakutunda kulyala, muyati wa vanu vaje kumuzivuka ndaka yavo. Vakevo vakumicuncumukila ngwe ngonga.