Hambakuke 1:4 - Livulu lya Shukulu Kalunga

⁴ Mashiko anapu akuzeya, co maako kuvesi kwakula vin̄anda mu ngila ya vushunga. Vaka-vuvi vanahyana vaka-vushunga mu vimbanja, co vushunga kuvwesi nakulingiwa.

Hambakuke 1:4 Iomraidhean Croise

1 Vimyene 21:13

Co vaje vipapoki vavali vamukutiiye ku mesho a vanu ngwavo natuku Njambi na mwene, ngecivene, vamutwalele anja ya nganda vamwashele mamanya nakumutsiya.

Yombi 21:7

“Omwo vikajo Njambi natava vaka-vuvi ngeci vayoye, nakuvatavesa ngeci vakuluvale nakukala na lutsimo?

Myaso 11:3

Nga kukwesi mashiko, co kukwesi cuma cimo muka-vushunga alinga, omo vyuma vyoshe vishandoka.”

Myaso 119:126

Simbu yove yakupanga inete Shukulu Kalunga, omwo vanu kuvesi nakwononoka mashiko ove.

Myaso 22:12

Vitozi vavangi vananjizengeleka ngwe vingombe va nkomba, voshe vananjaka mukati, ngwe vingombe va nkomba va vukalu va ku lifuti lya Mbashane.

Myaso 22:16

Mbunga ya vaka-vuvi vananjizengeleka, vashwenya kuli yange ngwe tutali va vukalu, vakevo vanasanyozola mavoko na mendi ange.

Myaso 59:2

Njamene ku vanu vaka-vuvi, njamene kuli vaje vashaka kunjitsiya!

Myaso 59:4

Yove Shukulu Kalunga, kukwesi mulonga unjinavavulumuna, vananjivandela nakunjivandamena ngeci vanjitsiye.

Myaso 94:3

Vaka-vuvi vakavwaelela visimbu vingaijo yove Shukulu Kalunga?

Kutuuka 23:2

Kesi mulizivasane na vanu vavangi omo vakevo valinga mwamuvi nambe omo vendeka vukaleo vwakutengulula vushunga.

Kutuuka 23:6

“Kesi muvyanene vushunga munu muka-kuutwa omo asholoka mu mbanja.

Isaya 5:20

Ngongo yeni! Yeni mutumbula vyavivi ngweni vyavivwa, co mutumbula vyavivwa ngweni vyavivi. Mutengulula lisusulungu kulipwisa mutanya, nakutengulula mutanya kuupwisa lisusulungu. Mutumbula vyakulula ngweni vipwelelela, co mutumbula vyakupwelelela ngweni vyakulula.

Isaya 59:12

“Shukulu Kalunga, milonga yetu ku mesho ove yaingi manene. Vuvi vwetu vulinakutuhisa. Twavuzivuka.

Njelemiya 12:1

Yove Shukulu Kalunga, simbu yoshe wapwa u muka-vushunga, omo njinena n̄anda yange ku mesho ove. Nameme ngoco njinapande kukwihula a vushunga vwove. Omwo vikajo vaka-vuvi valinakuyoya mwamuvwa? Omwo vikajo vaka-vungungu vavezika?

Njelemiya 12:6

Nameme naanga yove vanakutengulukila, vanalipandakana na vaje vaka-kukulwisa. Kesi uvakulaele embwe, nameme vendeka majwi akuseveleka.”

Njelemiya 26:8

co omo njamanesele kwendeka vyoshe vije vyanjishikile Shukulu Kalunga, vaka-kukombelela, na vaka-kwimanena, na vanu voshe vanjikokangeyeye nakutambeka ngwavo, “Vanapande kukutsiya a evi unendeka.

Njelemiya 8:7

Nameme tunyange-nyange, na mamenekela, na tutela, na tumbimbi-ndonga, na tumbovo vazivuka simbu yakujaluka. Oloni vanu vange kumuzivuka mashiko anjilinakumishika.

Ezekiyele 9:9

Njambi wakumbulwile ngwendi, “Vanu va mu Isalele na vanu va mu Yunda vali na mulonga wa vuvi vwakukomokesa. Vali na mulonga wakutsiya mu lifuti mwoshe, co mu Yelusalema munashulu na mulonga wakutsiya. Valinakwendeka ngwavo yange Kalunga, njinaseze lifuti lyavo, co kunjesi nakuvamona.

Hoziya 10:4

Vendeka majwi angoco nakulikumiiya vikumiiyo vya makuli nakulinga vusamba vwa makuli. Co vushunga vunemuka vuvi, vulinakukula ngwe shaku ya vushungu mu lihya livanalimi.

Amose 5:12

Njazivuka kutuma kwa milonga yeni na vuvi vweni vuje munalingi. Yeni mulinakupesa vanu va kulongwa, nakutambula lizika-kanwa, co muvindika tuutu ngeci kesi vawane vushunga mu vimbanja.

Amose 5:7

Munanyongo, yeni vaka-kutengulula vushunga nakuvupwisa makuli, co mulyatangela vushunga!

Mako 7:9

Co Yesu wendekele lalo ngwendi, “Yeni munaleulula mashiko a Njambi ngeci mukave vilongesa vyeni.

Vilinga vya Miluwa 7:52

Muka-kwimanena mukajo ivajenekele kuyandesa vakukulwila veni? Vakukulwila veni vatsiile miluwa va Njambi vaje ku san̄ulu vambulwile kwija kwa Ngamba yendi wa vushunga. Co ololo yeni munamwende vungungu nakumutsiya.

Vilinga vya Miluwa 7:59

Co vakele nakwasha mamanya Setefano omo wakele nakulombela ngwendi, “Mwene Yesu tambula munzinzime wange!”

Loma 3:31

Kuma eci cinalumbunuka ngeci akukulaela tunavyana Lishiko ndi? Embwe, kesi ngoco, oloni tulinakukolesa Lishiko.

Kwituluka mu Mashiko 16:19

Vakevo vanapande kusompa mu vushunga, kesi vamwese kahangu mukusompa kwavo. Co kuvapandele kutambula lizika-kanwa, omwo lizika-kanwa lizivalesa mesho a vaka-mana nakwingika majwi a vaka-vushunga.