Hambakuke 1:16 - Livulu lya Shukulu Kalunga

¹⁶ Vakalemesa manimbwa avo nakuwakombelela vin̄ombelo ngwe vinjambi, omwo manimbwa avo akavapangela cipangi cacivwa.

Hambakuke 1:16 Iomraidhean Croise

Myaso 22:29

Vaka-kulyalesa voshe vakalya nakumulemesa, na voshe vaje vashelumukila mu vukalo vwa vatsi vakamulemesa, co na woshe uje kasa kwamena mwonyo wendi ku kutsa akamulemesa.

Isaya 37:24

Yove watumine miluwa vove nakulishasha kuli yange ngwove na matemba ove oshe, wafungulwile minkinda yailaja ya Lembanone. Walishashele ngeci yove washinjile miti yailaja ya kendale, na miti yaivwa ya sipelese, co ngwove waketele ku vishwata vyakuzika manene.

Njelemiya 44:17

Tukalinga vyuma vyoshe vije twakulaesele ngwetu tukavilinga. Tukakombelela vin̄ombelo kuli njambi yetu wa munakazi, Lishano lya Mwilu, co tuketila vin̄ombelo vya vinyu kuli ikeye, ngwe yetu na vakukulwila vetu, na vimyene vetu, na vantwama vetu, valingile mu vinganda vya mu Yunda na mu vitapalo vya mu Yelusalema. Twakele na vyakulya vyavingi, co twakele mwamuvwa na vukalu vwai.

Njelemiya 44:8

Omwo vikajo mulinakunjiluvalesa akulemesa tumponya, na a kukombelela ku vinjambi va mu Ingito muje mumunaija nakukala? Kuma mulinakulinga evi ngeci mulinyongese yeni vavenya, ngeci miyati ya vanu voshe va ano asi vamishendumune, co lizina lyeni lipwe cisingo ndi?

Ezekiyele 28:3

Yove unayongola ngwove unapu u muka-mana kutuvakana Ndanele, nacimo cai cakushweka casa kukuvandela.

Ezekiyele 29:3

Leka mwene wa Ingito ngwove evi vikevyo vyalinakwendeka Shukulu Kalunga wa Akamwa ya Vyoshe ngwendi, ‘Yange nji citozi cove, yove cikashama ngandu, walala mu ndonga. Wendeka ngwove Nailo yapwa yove, co waipangele.

Ndanyele 4:30

co wendekele ngwendi, “Kengeni vukama vwa Mbambilone! Njaitungile kupwa nganda yange yakama mukumwesa vukama vwange na nzili yange na vumpau vwange na kasingimiko kange.”

Ndanyele 5:23

Walingile mwamuvi ku mesho a Shukulu Kalunga wa mwilu akunena vinganja na malonga vya mu Njuvo ya Shukulu Kalunga. Yove, na vanu vove va vulemu, na mashano vove, na mashano vove va mbanja mwanwilililemo vinyu nakushangazala tumponya vakupanga na ngolinde, na siliva, na vunengu, na vutale, na viti, na mamanya, na tumponya vaje kuvesi kumona nambe kuziva, nambe kuzivuka cuma cimo. Oloni kuwasingimikile Njambi uje wanyunga mwonyo wove na vyuma vyoshe vije viwukalingi.

Hambakuke 1:11

Asinoni vaita ngwe lihunzi, co vanai, vanu ava vakalemesa nzili yavo kuyipwisa ngwe njambi yavo.”

Kwituluka mu Mashiko 8:17

Ngecivene, nyanyameni kutewa mukendeka mu vimbunge vyeni ngweni, ‘Yetu vavenya twalifukisa na nzili yetu na vukama vwetu.’