Filipu 4:8 - Livulu lya Shukulu Kalunga

⁸ Mukumanesa, vasamba vange, shuliseni viyongola vyeni na vyuma vije vyavivwa vije vasa kushangala, vyuma vije vinapu vya vushunga na kalemeso na kuvwaa na kujela na vuvwa na kasingimiko.

Filipu 4:8 Iomraidhean Croise

Kushangumuka 18:19

Njamwangwile ngeci ashike vana vendi na vatekulwila vendi mukunjononoka nakulinga evi vyavivwa na vushunga. Nga vakevo vakacilinga, co njikalinga vyuma vyoshe vije njamukulaesele.”

2 Samwele 1:23

“Saulu na Yonatana, vapwile vaka-cizemo cakukomokesa manene, mu mwonyo na mu kutsa kuvalyangunukile, ku lumbisi vahyanene vingonga, co ku nzili vahyanene vindumba.

2 Samwele 23:3

Njambi ya Isalele nendeka, muka-kunyunga Isalele nendeka kuli yange ngwendi, “Mwene muka-kushwana na vushunga, muka-kushwana nakwononoka Njambi,

Myaso 82:2

“Visimbu vingaijo mukasompa civembulu, nakusingimika vaka-vuvi?

Visimo 11:1

Shukulu Kalunga wazinda vanu vaje vapangesa vipeseleso vya makuli, oloni avwaelela na vipeseleso vyavivwa.

Visimo 12:4

Munakazi wamuvwa napu cuma ca seo kuli munalume wendi, oloni munakazi uje azivisa shwamwa munalume wendi, napu ngwe mushongo wa lulanga mu vitsiya vya munalume wendi.

Visimo 16:11

Shukulu Kalunga ashaka kupeselesa nakweseka kupwe kwa vushunga, ndando yoshe lalo inapande kupwa yaivwa.

Visimo 20:7

Munu muka-vushunga akende mu vushunga, vavezika vanike vaje vamutembunwina.

Visimo 31:10

Munakazi wa seo iyajo asa kumuwana? Seo yendi inatuvakana mamanya a lumbi!

Visimo 31:29

nakwendeka ngwendi, “Vanakazi va seo vavangi, oloni yove u wa seo manene kutuvakana voshe.”

Visimo 31:31

Mwaneni cikandelela a vije vyoshe vyakapanga. Vanu voshe vanapande kumusingimika.

Myaso ya Solomoni 5:16

Kwendeka kwendi kwakuvwa manene, co ikeye napu wamuvwa mu vyuma vyoshe. Yeni vanakazi va mu Yelusalema, ou ikeye muka-cizemo cange, ikeye musamba wange.

Isaya 26:7

Shukulu Kalunga, ukavwaesela vaka-vushunga ngila yakushalama ngeci vendelemo.

Mateo 22:16

Co vatumine vandongisi vavo vamo kuli Yesu naveka lalo vaka-munga ya Helonde ngwavo, “Mulongisi, twazivuka ngwetu yove ukendeka vushunga, co ukalongesa vushunga vwa cizango ca Njambi ali munu, kujeneka kulipesa a viyongola vya vanu, omwo kuwesi kukenga ali munu nambe wapwa wa vulemu nambe kesi wa vulemu.

Mako 6:20

Omwo Helonde wakele na lyova ali Yowano omwo ikeye wazivukile ngeci Yowano wapwile muka-vushunga, co wakujela, co wamunyungile mwamuvwa. Helonde wazemene manene kutolilila kuli Yowano, nameme ikeye wakele nakumuzivisa longoto ku mbunge simbu yoshe yamutolililile.

Luka 16:15

Yesu wendekele kuli vakevo ngwendi, “Yeni mukalimwesa kupwa muvaka-vushunga ku mesho a vanu, oloni Njambi azivuka vimbunge vyeni. Omwo vije vayongola vanu ngwavo vinapu vya seo, oloni ku mesho a Njambi vinapu vyangoco.

Luka 2:25

Cooni kwakele munalume umo mu Yelusalema lizina lyendi Simyoni. Wapwile muka-vushunga muka-kukomoka Njambi, wavandamenene kupatuka kwa Isalele. Munzinzime Wakujela wakele ali ikeye,

Luka 23:50

Kwakele munalume umo lizina lyendi Yosefa wa ku nganda ya Alamatiya mu Yunda. Wapwile munalume wamuvwa wa kasingimiko,

Yowano 7:18

Uje endeka na moko yendi vavenya ashaka kuwana kasingimiko kendi ikeye vavenya. Oloni uje ashaka kasingimiko ka uje wamutumine napu munu wa vushunga, co muli ikeye kumwesi makuli.

Vilinga vya Miluwa 10:22

Co vakumbulwile ngwavo, “Ntwama wa mashwalale Konelyase ikeye natutumu kuno. Ikeye munalume wamuvwa muka-kulemesa Njambi, co lalo vaYunda voshe vamusingimika. Kangelo ka Njambi wamulekele kukulanya uye ku njuvo yendi ngeci akazive vije viwukendeka.”

Vilinga vya Miluwa 22:12

“Mu nganda muje mwakele munalume umo lizina lyendi Ananiyasi, wa kulongwa muka-kwononoka Lishiko lyetu, co vamusingimikile manene kuli vaYunda voshe vaje vakele mu Ndamasiku.

Vilinga vya Miluwa 6:3

Ngecivene, vakwetu, anguleni vanalume vatanu na vavali akati keni vaje vamuzivuka ngeci vanashulu na Munzinzime Wakujela vali na mana, tuvake ngeci vapange cipangi eci.

Loma 13:13

Twendeni mwamuvwa, ngwe vanu vaje valinakuyoya mu ceke ca mutanya, kesi kulinga kalwa ka ku viwano nambe kupenda, nambe kulinga vupangala nambe kukezima, nambe kulinga lwozi nambe lifuwa.

Loma 13:3

Omwo vaka-kulinga mwamuvwa kuvasa kuzivila lyova vaka-kushwana, oloni kuvanga vaje valinga mwamuvi. Yove kuuzivila lyova munu uje alinakushwana ndi? Ngecivene, linga mwamuvwa, co ikeye akakushangazala,

Loma 14:18

Co woshe uje apangela Kilistu mu ngila eyi vene, avwaelelesa Njambi, co na vanu vamutava lalo.

Loma 2:29

Oloni kaYunda wa vushunga ikeye munu uje kaYunda wa mukati, uje mbunge yendi inatuuka, co eci cinapu cipangi ca Munzinzime wa Njambi, kesi ca Lishiko lyakusoneka embwe. Munu wa cifwa cangacije Njambi amushangazala, kesi vanu embwe.

1 Kolinte 4:5

Ngecivene, kesi musompe munu omwo simbu kanda yete. Kusompa kwakumanesela kunavandamena noo Mwene akaija, ikeye akaka a litanya vyuma vyakushweka mu lisusulungu nakusholola vizango vya mu vimbunge vya vanu. Asinoni voshe vakatambula kushangala kuli Njambi kuje kunavapande.

2 Kolinte 13:7

Tulinakulomba kuli Njambi ngeci kesi mukalinge vyuma vyavivi embwe, nambe kumwesa ngeci yetu vaka-kuhyana, oloni ngeci yeni mulinge vya vushunga, nambe tupwa ngwe vaka-kwonwa.

2 Kolinte 6:8

Valinakutusingimika nakutwombwanesa, valinakutushaula nakutushangazala. Valinakutupangesa ngwe tu vaka-makuli, kuma yetu twendeka vushunga,

2 Kolinte 8:18

Tulinakutuma amo nendi ndolome yetu ivanasingimika mu vikungulukilo vyoshe mu vipangi vyendi vyakwambulula lijwi.

2 Kolinte 8:21

Cizango cetu cinapu akulinga vya vushunga, kesi lika ku mesho a Mwene embwe, oloni na ku mesho a vanu lalo.

Ngalatiya 5:22

Oloni vushuka vwa Munzinzime vunapu cizemo, kujolela, kwoloka, lukakateya, ngozi, vuvwa, kulongwa,

Efeso 4:25

Ngecivene, kesi mwendeke makuli lalo! Munu na munu napande kwendeka vushunga kuli mukwavo muka-kukulaela, omwo yetu voshe tunapu vilyo vimolika mu muvila wa Kilistu.

Efeso 5:9

omwo ceke cikeco cikakunena kuteja kwakama manene kwa muyati woshe wa vyuma vyavivwa, vyakushungama na vushunga.

Efeso 6:14

Ngecivene, livwaeseleni cimweja, na vushunga munalizitikavwo ngwe mwiva mu vimbunda vyeni na kulongwa ngwe ntelo a vinulo vyeni,

Kwituluka mu Mashiko 16:20

Simbu yoshe mukapwe vaka-kusompa mwamuvwa, ngeci mukayoye, nakushwana lifuti lije lyakamyana Shukulu Kalunga Njambi yeni.

Filipu 3:1

Mukumanesela, vasamba vange, joleleni mu kulitombola kweni muli Mwene. Kunjesi na shwamwa akwilukilamo vije vinjasonekele laja, co eci cimikwasa nga njilingamo.

Kolose 4:5

Pweni vakunyanyama mu ngila ije mulinakulinga kuli vaje kanda vakulaele, kupangesa simbu yoshe ije mulinavyo.

1 Tesalonika 4:12

Mu ngila eyi vene, mukatambula kasingimiko kuli vaje kesi vaka-kukulaela, co kumukayoyela ali munu umo kuli vije munajeneka.

1 Timateo 2:2

na ali vimyene na ali voshe vaje valinakushika, ngeci tuyoye mwamuvwa mu kwoloka na kasingimiko koshe kuli Njambi amo na vilinga vyavivwa.

1 Timateo 3:11

Vanakazi vavo vanapande kupwa va futisi yaivwa, kesi vaka-lufwe, kesi vapwe vaka-kunwa vyakupendesa, oloni vapwe vaka-vushunga mu vyuma vyoshe.

1 Timateo 3:4

ikeye napande kupwa muka-kunyunga naanga yendi mwamuvwa na vana vendi vapwe vaka-kumwononoka na kasingimiko koshe.

1 Timateo 4:12

Kesi utave munu umo ashaule vukwenje vwove, oloni unapande kupwa cimweso kuli vaka-kukulaela mu endekesi yove, mu futisi yove, mu cizemo cove, mukukulaela kwove na mukujela kwove.

1 Timateo 5:10

co ali na lutsimo lwa vilinga vyavivwa, munakazi uje nalele vana vendi mwamuvwa, muka-kutambula vangenzi ku njuvo yendi, muka-kulinga vilinga vya kulikeesa kuli vakwavo vaka-Yesu, nakukwasa vaje vali mu tuyando nakulikundika ku vipangi vyavivwa.

1 Timateo 5:2

na vakulunu va vanakazi ngwe vanyoko, na vambanda ngwe vandokazi vove, mukujela mwoshe.

Tito 1:8

oloni apwe muka-kujumbula vangenzi na muka-kuzema vyavivwa. Napande kupwa muka-kulinyunga, muka-kushungama, muka-kujela na muka-kwononoka.

Tito 2:14

Walyecelele ikeye vavenya ali yetu, mukututundisa ku vivi vyoshe nakutupwisa vanu vakujela vakukundama kuli ikeye lika vaje vali na cizango cakulinga vyavivwa.

Tito 2:2

Longesa vakulunu ngeci vapwe vaka-kulikongomeka, vaka-mana, vaka-kulinyunga vakevo vavenya, vaka-kushungama mukukulaela kwavo, mu cizemo, na mu lukakateya.

Tito 2:7

Mu vyuma vyoshe yove vavenya unapande kupwa cimweso mu vipangi vyavivwa. Mu kulongesa kwove mwesa kulikongomeka nakuyongola mwamuvwa.

Tito 3:14

Vanu vetu vanapande kulilongesa kukala na simbu yakulinga vipangi vyavivwa, ngeci kesi vajeneke cuma cimo, co kuvapandele kuyoya mu vyuma vyangoco-ngoco.

VaHevelu 11:2

Akukulaela kwavo vanu va ku san̄ulu vatambwile vukaleo vwavuvwa kuli Njambi.

VaHevelu 13:18

Kakateyeni nakutulombelela lalo. Mwa vushunga vene tuli na citaku-taku cacivwa, omwo tushaka kulinga cuma ca vushunga simbu yoshe.

Yakomba 1:27

Kulemesa kwakuvwa kuje kwanayongola Njambi Tate kukekwo oku, kulela visiwa na vifwile mu tuyando twavo nakulinyunga ikeye vavenya kutunda ku vyuma vya mazilo vya mu kaye.

Yakomba 3:17

Oloni mana akutunda mwilu akulivanga apwa akujela, co apwa a kwoloka na vuvwa na vusamba, ashula na mema ku mbunge, co akasholola kuteja kwakuvwa kwa vilinga vyavivwa, co kuwakele na cizindo nameme na civembulu.

1 Petulu 1:22

Ololo munalijelesa akwononoka ku vushunga, co muli na cizemo cacivwa kuli vasamba veni vaka-kukulaela, lizemeni umo na mukwavo na vimbunge vyeni vyoshe.

1 Petulu 2:12

Futisi yeni akati ka vaka-kujeneka kukulaela inapande kupwa yaivwa ngeci omo vamyana mulonga wakupanga vuvi, vakevo vakamona vilinga vyeni vyavivwa, co vakashangazala Njambi a Litangwa lyendi lyakwija.

1 Petulu 4:8

Akamwa ya vyoshe evi, lizemeni umo na mukwavo na nzili, omwo cizemo cikafwiki vivi vyavingi.

2 Petulu 3:1

Vasamba vange, ou ololo unapu mukanda wamucivali njinamisonekela. Mu mikanda yoshe ivali njineseka kwindula viyongola vyakujela mu mana eni akumyanukisa vyuma evi.

1 Yowano 3:18

Vana vange vavandondo, cizemo cetu kucapandele kupwa ca majwi nakwendeka lika embwe, oloni cinapande kupwa ca vushunga, cije cilisholola cikeco vavenya mu vilinga.

1 Yowano 3:3

Co woshe uje ali na cinyangavili eci muli Kilistu alijelese, ngwe Kilistu wapwa wakujela.

1 Yowano 4:1

Vasamba vange vanjazema, kesi mukulaele kuli voshe vaje vendeka ngwavo vali na Munzinzime, oloni veluleni muwane ngeci nga munzinzime uje uvalinawo unatundu kuli Njambi. Omwo vaka-kwimanena vavangi va makuli vanashandokela kwoshe-ikwoshe.

Lute 3:11

Co ololo, kesi ulinyenge embwe, njikakulingila vyuma vyoshe viwunalombo. Vanu voshe va muno mu nganda vazivuka ngeci yove wapwa u munakazi wamuvwa wa kulongwa.