Filipu 4:6 - Livulu lya Shukulu Kalunga

⁶ Kesi mushote mbunge a cuma cimo, oloni mu malombelo eni oshe lombeni a Njambi a vije munajeneka, simbu yoshe mulombeni na mbunge yakukandelela.

Filipu 4:6 Iomraidhean Croise

1 Vimyene 8:28

Ngecivene, Shukulu Kalunga Njambi yange, yange nji ngamba yove tolilila lilombelo lyange, co tava evi vinjilomba kuli yove ku litangwa lya lelo.

2 Mizimbu 32:20

Asinoni Mwene Hezekiya na Isaya muka-kwimanena muna Amoze valombelele kuli Njambi nakutambeka manene ngeci avakwase.

Myaso 51:15

Njikwase kwendeka yove Shukulu Kalunga, co njikakushangazala.

Myaso 55:17

Kulinyenga kwange nakukemanga kwange, vilinakweta kuli ikeye mutondo, na mutanya, na vutsiki, co ikeye aziva lijwi lyange.

Myaso 55:22

Kundika tuyando twove kuli Shukulu Kalunga, co ikeye akakukwasa, ikeye kakatava muka-vushunga ngeci vamufungulule embwe.

Myaso 62:8

Eni vasamba vange kulaeleni kuli Njambi simbu yoshe! Mulekeni vukalu vweni vwoshe, omwo ikeye muka-kutunyunga.

Visimo 15:8

Shukulu Kalunga akazivi vunyengwe na vin̄ombelo vya vaka-vuvi, oloni avwaelela na malombelo a vaka-vushunga.

Visimo 16:3

Kundika matumbe ove kuli Shukulu Kalunga, co ukavezika mukuya kulutwe.

Myaso ya Solomoni 2:14

Yove unafu ngwe katela uje wakala mu myanzi ya mamanya. Njimwese cihanga cove cacivwa, co njizive lalo lijwi lyove lyalivwa.

Njelemiya 32:16

Omo njinaana laja cishimbikiya kuli Mbaluke, co njalombelele ngwange,

Njelemiya 33:3

Njihule, co njikakukumbulula, nakukuleka vyuma vyakama vyakukomokesa.

Ndanyele 3:16

Co Shandelaki, na Meshake, na Ambendenengo vakumbulwile mwene ngwavo, “Yove shukulu, yetu kutwapandele kulyamena yetu vavenya embwe.

Ndanyele 6:10

Omo Ndanyele wanangukile ngeci lije lishiko mwene nalitava nendi nasonekako, co waile ku njuvo yendi. Co vinjanena vya ku mulili wendi wa akamwa vyakengesele ku Yelusalema. Co watsikamene ku vinjanena vyakushokolola nakulombela kuli Njambi yendi ngwe mwakele nakulinga-linga matangwa oshe.

Mateo 10:19

Omo vakamitwala mukumisompa, kesi mushote vimbunge vyeni ngweni vikajo tukendeka nambe vatijo tukendeka, omwo a simbu ije vene vakamileka vati munapande kwendeka.

Mateo 13:22

Vimbuto vije vyawililile akati ka mambimbo vinapu ngwe vaje vaziva lijwi, oloni lipakeso lya mwonyo na cizemo ca vufuko vitundisisa lijwi, co kuvemi vushuka.

Mateo 6:34

Ngecivene, kesi mulishoshomwene ku litangwa lya imene, omwo litangwa lya imene likalimwena likelyo vavenya. Kucitava kuwezelelako ku tuyando tuje tulinakwija a litangwa na litangwa.

Mateo 6:8

Kesi mupwe ngwe vakevo, omwo Ishweni nazivuka laja vije vimunajeneka omo kanda mulombe.

Luka 10:41

Mwene wamukumbulwile ngwendi, “Mata, Mata! Ulinakuliyandesa a vipangi vyavingi,

Luka 12:22

Asinoni Yesu wendekele kuli vandongisi vendi ngwendi, “Njimileka ngwange, kesi mulishoshomwene akuyoya kweni, ngweni tukalya vika, nambe vya mivila yeni ngweni, tukazala vika.

Luka 12:29

“Ngecivene, kesi mulishoshomwene ngweni, ‘Tukalya vika?’ Nambe ‘Tukanwa vika’?

Luka 18:1

Yesu wavatelelele cisimo eci cakuvalongesa ngeci simbu yoshe vanapande kulombela nakujeneka kuzeya.

Luka 18:7

Kuma Njambi kasa kwakula mu vushunga kuli vanu vendi vaje valinakulilila kuli ikeye vutsiki na mutanya ngeci avakwase? Kuma ngweni akeshwala mukuvakwasa ndi?

1 Kolinte 7:21

Nga omo Njambi wakusanene wapwile u ndungo, co kesi wakeko mbunge, nga ushaka kupwa wakupatuka, lingamo.

1 Kolinte 7:32

Njishaka ngeci kesi mushote vimbunge. Muzike wa munalume ashota mbunge ku vipangi vya Mwene, omwo ashaka kuvwaelelesa Mwene.

2 Kolinte 1:11

ngwe omo mulinakutukwasa a malombelo eni akutulombelela. Co cikalingiwa ngeci Njambi akakumbulula malombelo eni amangi ali yetu, Njambi akatuvezikisa, co vavangi vakatambeka majwi avo nakumukandelela omwo yetu.

Efeso 5:20

Simbu yoshe kandeleleni kuli Njambi Tatetu mu vyuma vyoshe mu lizina lya Mwene yetu Yesu Kilistu.

Efeso 6:18

Lingeni vyoshe evi mukulombela, lombeni Njambi ngeci amikwase. Lombeleni simbu yoshe ngwe omo Munzinzime amitwamenena. Omwo a cuma eci toneni kesi mujuke, lombeleni visimbu vyoshe ali vanu va Njambi.

Kolose 3:15

Kwoloka kwa Kilistu kushwane mu vimbunge vyeni, omwo Njambi wamisanene amolika mu muvila umolika. Co kandeleleniko.

Kolose 3:17

Co vyuma vyoshe mulinga nambe mwendeka, munapande kuvilinga mu lizina lya Mwene Yesu, omo mulinakukandelela Njambi Tate ali ikeye.

Kolose 4:2

Kakateyeni mu malombelo, co pweni vaka-kukengelela omo mulombela, nakukandelela kuli Njambi.

1 Timateo 2:1

Ngecivene, akulivanga, njimisindiya ngwange lambeleleni, lombeleni, kwihula, kulomba na kukandelela vanapande kuvyana kuli Njambi ali vanu voshe,

1 Timateo 5:5

Fwile uje alinakuyoya endi lika, uje kesi na uje mukakumulela, uje naaka cinyangavili cendi muli Njambi na kukakateya mukulombela vutsiki na mutanya ngeci amukwase.

1 Petulu 4:7

Kukotoka kwa vyuma vyoshe kuli muyehi. Munapande kulinyunga nakukengelela, ngeci mwase kulombela.

1 Petulu 5:7

Akeni vukalu vweni vwoshe ali ikeye, omwo ikeye alinakumilela.

1 Samwele 1:15

Oloni Hana wamukumbulwile ngwendi, “Embwe mwane, kunjapendele. Kunjesi kunwa! Njinakala nakulombela, nakwana tuyando twange kuli Shukulu Kalunga.

1 Samwele 30:6

Co Ndaviti wakele mu vukalu vwakama manene, omwo vanu vendi voshe vazivile ku vimbunge kuvavala manene a vana vavo va vanalume na ava va vanakazi, co vashungwiiye kumwasha mamanya, oloni Ndaviti walitakamesele muli Shukulu Kalunga Njambi yendi.

1 Samwele 7:12

Asinoni Samwele wanonele limanya, walitumbikile mukati ka Mizipa na Shene, co wendekele ngwendi, “Shukulu Kalunga natukwasa yetu voshe mu ngila yetu.” Co walukile lije limanya ngwendi, “Limanya Lyakukwasa.”