Filipu 4:18 - Livulu lya Shukulu Kalunga

¹⁸ Ngecivene, njilinakutuma vukaleo vwa vyuma vyoshe vije mwatumine kuli yange, vikevyo vyajawisa kujeneka kwange kwoshe! Ololo njili nevi vyoshe njishaka omwo Epafolonditu nanjinenela vwana vweni vwoshe. Vukevwo vunapu ngwe mulambu wakunika lwengo lwaluvwa kuli Njambi, n̄ombelo ije yatambula nakumuvwaelelesa ikeye.

Filipu 4:18 Iomraidhean Croise

Kutuuka 29:18

Co enyekela lijamba woshe a mutula kupwa mulambu wa kwenyeka kuli yange Kalunga. Vweko vwavuvwa vwa mulambu ou wa vyakulya vukanjivwaelelesa.

Kulava 15:3

Mukalambula milambu ya kwenyeka nambe kukombelela kuli Shukulu Kalunga, ngombe wa nkomba, nambe lijamba lya manga. Nambe manga, nambe membe, mukushulisa milambu ya cisingo, nambe milambu ya cizango, nambe ya viwano vije vemika, co vweko vwavuvwa vwa milambu eyi ya vyakulya vukavwaelelesa Shukulu Kalunga.

Kulava 7:62

Walambwile lalo mbashiya imo ya ngolinde vulemu vwayo vwapwile mangilamu 110, yakushula na insense.

Vilinga vya Miluwa 10:4

Co ikeye wakengele kuli uje kangelo shwii na lyova wendekele kuli ikeye ngwendi, “Vika, Mwene?” Co kangelo wendekele ngwendi, “Malombelo ove na vwana vwove vinete kuli Njambi, vinapu vyakukwanukilao.

Loma 12:1

Ngecivene, vakwetu, omwo mema ku mbunge a Njambi akama manene kuli yetu, njimilambelela ngwange, lilambuleni yeni vavenya kuli Njambi ngwe n̄ombelo yakuyoya, likundikeni ku vipangi vyendi nakumuvwaelelesa. Oku kukekwo kulemesa kwa vushunga kuje munapande kulinga.

2 Kolinte 11:8

Simbu ije omo njakele nakupanga akati keni, vikungulukilo vyeka vyakele nakunjifweta. Co njevile kuli vakevo, ngeci njimipangele.

2 Kolinte 9:12

Omwo vipangi vije mulinakupana kesi ngwe vikwasa lika vanu va Njambi, oloni cinasholola lalo kushemutuka kwa kukandelela kwakama kuli Njambi.

Efeso 5:2

Endeni mu cizemo ngwe Kilistu mwatuzemene, co wanene mwonyo wendi kuli yetu ngwe mulambu wa lwengo lwaluvwa na n̄ombelo ije ivwaelelesa Njambi.

Filipu 4:12

Njazivuka kukala mukujeneka, co njazivuka kukala nevi vyavingi vyakuhyana vije vyanjipande. Njalilongesa cisin̄iko eci, mu vyoshe na kwoshe njikajolela nambe njinakuta nambe njili na njala, nambe njili na vyavingi nambe vyavindondo manene.

2 Tesalonika 1:3

Vakwetu, tunapande kukandelela kuli Njambi simbu yoshe omwo yeni. Eci cinapu cacivwa kuli yetu kulinga ngacije, omwo kukulaela kweni kulinakukola manene na cizemo cije mulinaco kuli umo na mukwavo cilinakwama manene.

VaHevelu 13:16

Kesi mwivale kulinga mwamuvwa nakulikwasa umo na mukwavo, omwo evi vikevyo n̄ombelo vivwaelelesa Njambi.

1 Petulu 2:5

Co akupwa ngwe mamanya akuyoya, vamitunge mupwe njuvo ya munzinzime, kuje mukapange ngwe vaka-kukombelela vakujela mukukombelela vin̄ombelo vya munzinzime vije vyatambula Njambi ali Yesu Kilistu.