Filipu 4:15 - Livulu lya Shukulu Kalunga

¹⁵ Co neni lalo vaka-Filipu mwazivuka mwamuvwa ngweni omo njatundile ku Masendoniya mu matangwa akulivanga akwambulula Vin̄anda Vyavivwa, kuvanga vaka-cikungulukilo ceni lika mwanjikwasele, kuvanga yeni lika vamo mwalipangelele nganyo yange nakujeneka kwange.

Filipu 4:15 Iomraidhean Croise

2 Vimyene 5:16

Oloni Elisha wamukumbulwile ngwendi, “Njilisinga ali Shukulu Kalunga wakuyoya uje injapangela ngwange, kunjasa kutambula vwana embwe.” Co Namane wamusindiiye ngeci atambule vuje vwana, oloni wavyanene.

2 Vimyene 5:20

co Ngehazi ngamba ya Elisha walyendekesele mu mbunge yendi ngwendi, “Shukulu yange necelela Namane kuya ngoco kujeneka kufweta cuma cimo! Napandele kutambula vije vyanamwanene uje kaSilya. Ali Shukulu Kalunga wakuyoya, yange njimukava kangongo-nima ngeci njikatambule cuma cimo kuli ikeye!”

Vilinga vya Miluwa 16:40

Ngecivene, Paulu na Silasi vatundile mu kamenga vaile ku njuvo ya Lindiya. Kuje vakaliwanene na vaka-kukulaela, co vendekele kuli vakevo majwi kuvatakamesa, co vaile.

Loma 15:26

Omwo vikungulukilo mu Masendoniya na mu Akaya vanayongola kujeneka kuvaleka kwana mulambu mukukwasa tuutu akati ka vanu va Njambi vali mu Yelusalema.

Filipu 1:12

Njishaka muzivuke, vakwetu, ngwange vyuma evi vinalingiwa kuli yange vinakwasa kutwala muzimbu wauvwa kulutwe.

Filipu 1:16

Ava vamucivali vacilinga omwo cizemo, omwo vanazivuka ngwavo Njambi nanjana vipangi vyakwamena muzimbu wauvwa.

Filipu 1:5

omwo a ngila ije munanjikwasa mu vipangi vya muzimbu wauvwa, tunde a litangwa lyakulivanga nakweta ku lelo.

Filipu 1:7

Simbu yoshe yeni kumwatundile mu mbunge yange! Ngecivene, cinapu cacivwa kuli yange kukala na mbunge yangacije ali yeni voshe. Omwo yeni voshe mu vaka-kupanga amo nange mu vipangi vyananjana Njambi, nambe ololo omo njili mu kamenga nambe lalo omo njapwile wakupatuka mukwamena muzimbu wauvwa nakuukolesa mbe.

Filipu 2:12

Ngecivene, vasamba vange, ngwe simbu yoshe mwanjononokele omo njakele neni amo, mukemwo vene cuma cakama munapande kunjononoka nambe yange njiwaiko. Kakateyeni mu vipangi na lyova nakujaja ngeci mumanese kwovoka kweni,