Filipu 3:8 - Livulu lya Shukulu Kalunga

⁸ Kesi lika a vyuma vije embwe, njilinakulava vyuma vyoshe ngwe vinapu vyangoco omwo seo yakama, yakuzivuka Kilistu Yesu Mwene yange. Omwo ali ikeye njinombila vyuma vyoshe, kuli yange njilinakuviyongola ngwe vinapu mazilo, ngeci njinganyale Kilistu,

Filipu 3:8 Iomraidhean Croise

1 Vimyene 14:10

Omwo a eci njikanena tuyando a vumwene vwove nakutsiya vatekulwila vove voshe va vanalume, mu cifwa cimo ku vanike na vakulunu. Yange njikatundisa naanga yove, co vakavakomba ngwe munu akomba tuzi.

2 Vimyene 9:37

Vilyo vyendi vije vikasalao vakavikuva mu lihya ngwe vwilo, co naumo wai akazivuka ngeci vinapu vya Njezevele.’ ”

Yombi 20:7

oloni ikeye vakamupekumwina kulyala ngwe liputa. Vaje vamuzivukile vakalikomokela nakutonda kuje kwanai.

Myaso 126:6

Vanu vaje valilile omo vaile nakukuna vimbuto vyavo, vakeluka oku vaimba myaso yakuvwaelela, akunena vimbuto vivanateje!

Myaso 73:25

Iyajo lalo injilinendi mwilu kutuvakana yove? Kukwesi weka injishaka ano asi kuvanga yove lika.

Isaya 53:11

Omo nayoyo mu tuyando, co akajolela lalo, ikeye akazivuka ngeci kayandele ngoco embwe. Ngamba yange wa kulongwa, muli ikeye njilinakuvwaelela, ikeye akambata cihiso ca vanu vavangi, omwo njikavasambesela ali ikeye.

Malakiya 2:3

Njikahisa vatekulwila veni nakukwita a vihanga vyeni vufwati vwa vimuna vaje mukakombelela ku viwano vyeni, co mukanyonga navwo.

Kulava 14:30

Naumo wai akovela mu lifuti lije njamikulaesele kumyanalyo, kuvanga lika Kalembi muna Njefune, na Yoshwa muna Nune.

Luka 1:43

Omwo vikajo cuma cakama eci cilingiwa kuli yange, ngeci vaina ya Mwene yange vaije kuli yange?

Luka 11:20

Embwe, eyi inapu nzili ya Njambi injikatundisa nayo minzinzime yakujwala, muzivuke ngeci Vumwene vwa Njambi vunete kuli yeni vene.

Yowano 14:20

Omo litangwa lije likaija, mukazivuka ngeci yange njili muli Tate neni muli yange, ngwe omo yange njili muli yeni.

Yowano 14:7

Nga munanjizivuka, nga munazivuka na Tate lalo, co kushangumuka ololo kutwala kulutwe, munamuzivuka, co munamumono.”

Yowano 16:3

Co vanu vakalinga vyuma evi kuli yeni omwo kuvazivukile Tate nambe yange.

Yowano 17:3

Co mwonyo wa myaka yoshe ukewo ou, ngeci vakuzivuke yove Njambi umolika wa vushunga, co nakuzivuka Yesu Kilistu, uje iwatumine.

Yowano 17:8

Omwo njavanene muzimbu uje uwanjanene, co vanautambula, co vanazivuka ngeci mwa vushunga yange njatundile kuli yove, co vanakulaela ngeci yove wanjitumine.

Yowano 20:13

Vamwihwile ngwavo, “Munakazi, vika ulinakulilila?” Wavakumbulwile ngwendi, “Vanambata Mwene yange, co kunjizivuka oku vanamwaka!”

Yowano 20:28

Tomasi wamukumbulwile ngwendi, “Mwene yange na Njambi yange!”

Vilinga vya Miluwa 20:24

Oloni njinayongola ngwange mwonyo wange kuwesi na seo kuli yange, njishaka lika kumanesa vipangi vyange nakumanesa vipangi vije vyanjanene Mwene Yesu ngeci njivilinge, vikevyo kwambulula Vin̄anda Vyavivwa vya kutetela kwa Njambi.

Loma 8:18

Yange njinayongola ngwange tuyando otu tulinakuyanda simbu ino kutwasa kutuseteka na vumpau vuje vukasholoka kuli yetu.

Loma 8:39

nambe cuma cili mwilu, nambe cuma cili mwisi, nacimo cai cakutanga casa kututundisa ku cizemo ca Njambi cije cinapu cetu muli Kilistu Yesu Mwene yetu.

1 Kolinte 2:2

Omwo simbu njakele neni, njevalele vyuma vyoshe kuvanga Yesu Kilistu, co manene kutsa kwendi a cilindakano.

1 Kolinte 9:10

Kuma ikeye katumbwile yetu omo wendekele eci ndi? Mwa vushunga eci vacisonekelele yetu. Omwo uje munu alinakulima na uje alinakuteja vanapande kulinga vipangi vyavo a cinyangavili cakutambula mutambela wa vimbuto vyavo.

2 Kolinte 4:4

Vakevo kuvasa kukulaela omwo njambi uje wa vuvi wa kano kaye nazivalesa mana a vaka-kujeneka kukulaela ngeci kesi vamone mutanya uje wa Vin̄anda Vyavivwa vya vumpau vwa Kilisitu, uje vene wafwa cifwa ca Njambi.

2 Kolinte 4:6

Njambi uje wendekele ngwendi, “Mu lisusulungu mukatwa ceke!” Ikeye Njambi uje vene umolika watwisile ceke mu vimbunge vyetu, mukututwisila ceke ca vumpau vwa Njambi vuje vunatu mu cihanga ca Kilistu.

Ngalatiya 1:16

kusholola Munendi kuli yange, ngeci njambulule Vin̄anda Vyavivwa kuli vaje kesi vaYunda, kunjaile kuli munu umo mukunjinangula embwe,

Efeso 4:13

Ngecivene, yetu voshe tukapwa vamolika mukukulaela kumolika na mukuzivuka kwetu kwa Muna Njambi, tukapwa vanu vakukola nakweta ku seteko ije ya ciseteko cakushula ca Kilistu.

Filipu 1:1

Mukanda wakutunda kuli yange Paulu na Timateo, vangamba va Yesu Kilistu. Kuli voshe vanu va Njambi mu Filipu vaje vali muli Kilistu Yesu, amo na vantwama va cikungulukilo na vakwasi.

Filipu 3:10

Cuma cinjishaka a vyoshe evi cinapu kuzivuka Kilistu nakumona nzili ya cisangukilo cendi, kulipangela tuyando twendi nakupwa ngwe ikeye mu kutsa kwendi,

Filipu 3:12

Kunjendeka ngwange njinahyana laja mu cuma eci embwe, nambe ngwange njajele laja embwe. Oloni njilinakukakateya mukweseka kuwana cikandelela cije Kilistu Yesu nanjitambwilaco laja.

Filipu 3:7

Oloni vyuma vyoshe vije njalavele ngwe vili na nganyo, ololo njilinakuvilava kupwa vyangoco, omwo a lizina lya Kilistu.

2 Timateo 4:6

Oloni ngeci mwange, simbu inete yakunjikombelela, simbu inete kuli yange yakuseza mwonyo ou njilinawo.

VaHevelu 3:14

Omwo tunatambula kuli Kilistu nga tukakateya na ku shongo kusimpa kuje twakele nakwo akulivanga.

1 Petulu 2:7

Eli linapu limanya lya seo yakama manene kuli yeni vaje vanakulaela, oloni kuli vaje kuvakulaelele, “Limanya lije vavyanene vaka-kutunga likelyo ololo linapu lya seo kuli voshe.”

2 Petulu 1:2

Kutetela na kwoloka vikale amo neni akuzivuka Njambi na Yesu Mwene yetu.

2 Petulu 1:3

Nzili ya vuNjambi vwendi inatwana vyuma vyoshe vije tunajeneka mukuyoya kwakuvwa kwa vuNjambi akutuzivuka kuli uje natusana ngeci tulipangele vumpau na vuvwa vwendi.

2 Petulu 1:8

Evi vikevyo vyuma munapande kukala navyo, co nga mulinavyo mu vungi, vikevyo vikamilingisa kupwa vaka-kupanga na vaka-kwima vushuka mu mana eni ali Mwene yetu Yesu Kilistu.

2 Petulu 3:18

Oloni kakateyeni nakukola mu kutetela na mu mana vya Mwene yetu na Muyoyesi wetu Yesu Kilistu. Kuli ikeye kukale vumpau, ololo na ku myaka yoshe! Ewa.

1 Yowano 1:3

Vije tunamono nakuziva tulinakumilekavyo lalo, ngeci mulipandakane amo netu mu kulitombola kuje tulinakwo na Tate na Munendi Yesu Kilistu.

1 Yowano 2:19

Mwa vushunga vene, vanu ava kuvakundamene ku mbunga yetu, omu mukemwo muvatundilile kuli yetu, nga vakevo vakundamene ku mbunga yetu, nga vali netu amo. Oloni vatusezele ngeci cipwe cakutungukwa ngeci naumo wai wavo wakundamene ku mbunga yetu.

1 Yowano 5:20

Twazivuka ngwetu Muna Njambi naija, co natwana kuzivisisa ngeci tuzivuke Njambi wa vushunga. Tulinakuyoyela muli Njambi wa vushunga, muli Munendi Yesu Kilistu. Ou ikeye Njambi wa vushunga, co ou ukewo mwonyo wa myaka yoshe.