Filipu 3:2 - Livulu lya Shukulu Kalunga

² Nyanyameni kuli vaje valinakulinga vyuma vyavivi, vaje tutali, vanu vaje vakala na futisi yakulilengozola a mivila yavo.

Filipu 3:2 Iomraidhean Croise

Myaso 119:115

Tundeni kuli yange yeni vaka-kulinga vuvi, ngeci njinyunge mashiko a Njambi yange.

Myaso 22:16

Mbunga ya vaka-vuvi vananjizengeleka, vashwenya kuli yange ngwe tutali va vukalu, vakevo vanasanyozola mavoko na mendi ange.

Myaso 22:20

Njamene ku moko ya mukwale, amena mwonyo wange ku vitozi.

Visimo 26:11

Cilema uje alinga lalo vya vulema vwendi, napu ngwe katali uje elukila lalo vije vyanashanjele.

Mateo 24:10

Co vavangi kuvakanjikulaela a simbu ije, co vakalyenda vungungu umo na mukwavo.

Mateo 7:15

“Nyanyameni na vaka-kwimanena va makuli, vaje vaija kuli yeni vanalikongomeka ngwe vimanga, oloni mu vimbunge vyavo vanapu ngwe tungunga vavukalu.

Mateo 7:6

“Kesi mwane tutali vije vyakujela, co vakamitengulukila nakumilwisa, kesi mumbile makwalale ku vingulu, co vakaalyatangela na vimbemba vyavo.

Loma 2:28

A vyoshe evi, iya kaYunda wa vushunga, wakutuuka mwa vushunga? Kesi munu uje ikeye kaYunda anja lika embwe, uje kutuuka kwendi kunapu kwa muvila lika.

2 Kolinte 11:13

Vanu ava kuvapwile miluwa va vushunga embwe, vendeka makuli a vipangi vyavo, co vemuka mweka ngeci vasholoke ngwe miluwa va Kilistu vavavwa.

Ngalatiya 5:13

Ngwe ali yeni, vakwetu, vamisanene mukupatuka. Oloni kesi mutave kupatuka oku kupwe lisesa lyakumyecelela ngeci mashungu eni a vunu amipangese. Oloni taveni cizemo cimipwisa vangamba va umo na mukwavo.

Ngalatiya 5:15

Oloni nga mulinga ngwe tusitu, kulitwa vimbandu nakulivulumuna umo na mukwavo, co nyanyameni, kutewa mukalinyongesa umo na mukwavo.

Ngalatiya 5:6

Omwo tuli amo muli Kilistu Yesu, nambe kutuuka nambe kujeneka kutuuka kuvyasa kulinga cuma cimo, cuma cakama lika kukulaela cije cilinakupanga mu cizemo.

Filipu 3:19

Vakevo valinakuya ku mbulu ya tuhya, omwo njambi yavo napu mashungu a mivila yavo. Vakevo valyalesa na vyuma vije vyapandele kuvazivisa shwamwa, co valinakuyongola lika vyuma vyakundama ku vije vili ano asi.

Filipu 3:3

Omwo yetu, kesi ngwe vakevo embwe, twatambula kutuuka kwa vushunga, omwo yetu tukalemesa Njambi a Munzinzime wendi, co tunavwaelela a mwonyo wetu ou muli Kilistu Yesu. Kutwasa kukulaela cisemwa ca vunu.

1 Timateo 1:19

co nyunga kukulaela kwove nakutungukwa kwa citakutaku cove. Vanu vamo kuvesi nakutolilila ku vitaku-taku vyavo, co vananyongesa laja kukulaela kwavo.

Tito 1:16

Vendeka ngwavo vazivuka Njambi, oloni ku vipangi vyavo vanamuvyana. Vakevo vanapu vaka-kumuzinda na vaka-kujeneka kumwononoka, co kuvapandelemo mukulinga vyuma vyavivwa.

2 Petulu 2:22

Vije vyalingiwile kuli vakevo visholola ngeci kuma visimo vinapu vya vushunga ngwavo, “Katali elukila vije vyanashanja,” co “Ngulu uje ivanajwelesa aya nakulilomba mu mandova.”

Yunda 1:4

Omwo vanu vamo vaka-kujeneka kukulaela vanakovela mu vushweke akati ketu, vanu vaje vaka-kutengulula lijwi a kutetela kwa Njambi ngeci valisambese vakevo vavenya mu mashungu avo amavi, co vanavyana Yesu Kilistu, Shukulu yetu na Mwene yetu. Ku san̄ulu Visoneka vyambulwile cihiso cije civanatambula.

Kujombolola 2:9

Njinazivuka tuyando twove, njinazivuka ngeci yove unapu kautu, oloni mwa vushunga unapu muka-kufuka! Njinazivuka kushaula kuje valinakukushaula vaje valitumbula ngwavo vanapu vaYunda oloni kesi vakevo embwe, vakevo vapwa vaka-munga yakundama kuli Satana!

Kujombolola 21:8

Oloni vaka-lyova na vaka-kujeneka kukulaela na vaka-kulinga vya vunyengwe na vaka-kutsiya na vaka-vupangala na valozi na vaka-kulemesa tumponya na vaka-makuli mwela wavo ukapwa mu lishali lyakwenya na tuhya na sulufa, kukekwo kutsa kwamucivali.”

Kujombolola 22:15

Oloni anja ya nganda ali tutali na valozi na vaka-vupangala na vaka-kutsiya na vaka-kulemesa tumponya na vaka-makuli mu majwi na mu vilinga.

Kujombolola 3:9

Tolilila! Ngwe ku munga ije yakundama kuli Satana, vaka-makuli vaje valitumbula vakevo vavenya ngwavo vanapu vaYunda oloni kesi vakevo embwe, njikavalingisa ngeci vakaije kuli yove nakukulama ku myanja yove. Voshe vakazivuka ngeci kuma njakuzema.