Filipu 2:7 - Livulu lya Shukulu Kalunga

⁷ Oloni, a cizango cendi vavenya wecelele vyoshe wakele navyo, co watambwile cifwa ca ngamba vene. Wasemukile vene ngwe mwakasemuka munu woshe, washolokele mu cifwa ca vunu.

Filipu 2:7 Iomraidhean Croise

Myaso 22:6

Oloni yange kunjapwile lalo nji munu, njinapu lika nji musonginyi, njinapu nji munu wakushauka, munu uje ivakayeluwisa vanu voshe!

Isaya 42:1

Shukulu Kalunga alinakwendeka ngwendi, “Kengeni ngamba yange uje injinatakamesa, uje injinaangula, muli ikeye njinavwaelela. Njikaka munzinzime wange ali ikeye, co akanena vushunga ku mafuti oshe.

Isaya 49:3

Wendekele kuli yange ngwendi, “Isalele yove unapu ngamba yange, omwo ali yove, vanu vakanjishangazala.”

Isaya 53:11

Omo nayoyo mu tuyando, co akajolela lalo, ikeye akazivuka ngeci kayandele ngoco embwe. Ngamba yange wa kulongwa, muli ikeye njilinakuvwaelela, ikeye akambata cihiso ca vanu vavangi, omwo njikavasambesela ali ikeye.

Ndanyele 9:26

Co akukotoka ntwama uje yaangwile Njambi vakamutsiya kwakujeneka mulonga. Nganda na Njuvo ya Shukulu Kalunga vakayinyongesa kuli muka-kushwana uje akakalako. Kukotoka kukaija ngwe livazi, kunena nzita nakunyongesa vije vyanavwaesa Njambi.

Zakaliya 3:8

Tolilila, Yoshwa akupwa yove Muka-kukombelela Wakama, cooni tolilileni, yeni vakwavo vaka-kukombelela, yeni munapu cimweso cacivwa ca kulutwe. Njikasholola ngamba yange, uje ivatumbula ngwavo Munango!

Zakaliya 9:9

Joleleni, joleleni, yeni vanu va mu Siyone! Tambekeni nakujolela, yeni vanu va mu Yelusalema! Kengeni, mwene yeni alinakwija kuli yeni! Aija mu vumpau nakuhyana, oloni wa kulikeesa nalondo a cimulu, a muna cimulu, wamundondo.

Mateo 12:18

“Kengeni, ngamba yange injinaangula ou ikeye injazema, ikeye muka-kunjivwaelelesa. Njikaka Munzinzime wange ali ikeye, co akambulula vushunga ku vaje kesi vaYunda.

Mateo 20:28

nameme Muna Munu kezile ngeci vanu vamupangele embwe, oloni wezile mukupanga, nakwana mwonyo wendi ngeci apatule vanu vavangi.”

Mako 9:12

Co Yesu wavakumbulwile ngwendi, “Elinja napande kwija akulivanga mukuvwaesela cimweja vyuma vyoshe. Oloni omwo vikajo visoneka vyendeka ngwavyo Muna Munu akayanda manene, co vakamuvyana?

Luka 22:27

Iya wakama? Uje natumbama kukulya indi uje amwana vyakulya? Ngwetu uje natumbama kukulya ikeye wakama ndi? Oloni yange njili akati keni ngwe muka-kumipangela.

Yowano 1:14

Co Lijwi lyemukile munu, lyashulile na kutetela navushunga, co lyakele akati ketu. Twamwene vumpau vwendi, vumpau vuje vwaatambwile akupwa mwana umolika wa Ishe.

Loma 1:3

Vinapu vya Munendi, Mwene yetu Yesu Kilistu, ngwe ku cisemwa cendi ca vunu, wasemukile ku naanga ya Ndaviti,

Loma 15:3

Omwo Kilistu kalivwaelelesele ikeye vavenya embwe. Oloni ngwe muvyendeka visoneka ngwavyo “Kushaula kuje kuvamishawile kunaija ali yange.”

Loma 15:8

Omwo njimileka ngwange Kilistu vamupwisile muka-kupangela vaYunda, mukusholola ngeci Njambi wapwa muka-vushunga, mukulingisa vikulaeso vyendi kuli vakukulwila vavo ngeci vipwe vya vushunga,

Loma 8:3

Omwo cije Lishiko kucasele kulinga, omwo vusitu vwapwile vwakuzeya, Njambi wacilingile. Wahisile vuvi mu vusitu akutuma Munendi, uje wezile mu cifwa ngwe cifwa cetu ca vusitu, mukutundisa vuvi.

2 Kolinte 13:4

Nameme vamushukikile a cilindakano omwo kuzeya, oloni anga alinakuyoya omwo nzili ya Njambi. Omwo yetu lalo tunazeye muli ikeye, oloni tukayoya amo nendi omwo nzili ya Njambi kuli yeni.

2 Kolinte 8:9

Omwo mwazivuka mema ku mbunge a Mwene yetu Yesu Kilistu, nambe wapwile muka-kufuka, oloni walilingisile kupwa muka-kuutwa vavenya omwo yeni, ngeci amipwise vaka-kufuka a vuutu vwendi.

Ngalatiya 4:4

Oloni omo simbu yaivwa yetele, Njambi watumine Munendi, wakusemuka ku munakazi, wakusemuka ku majwi a Lishiko,

Filipu 2:6

Ikeye simbu yoshe wakele na cifwa ca Njambi, oloni kayongwele kupwa amo na Njambi, cuma cakukakateya.

VaHevelu 12:2

Co tukengeni mesho etu ntoma ali Yesu, ali uje kukulaela kwetu cinemana kutunda kukushangumuka kwetu na ku shongo. Kajukile omwo cilindakano! Omwo kujolela cije camuvandamenene, kazivile shwamwa omwo kutsa a cilindakano, co ololo natumbama ku livoko lya cilyo lya litanda lya Njambi.

VaHevelu 13:3

Anukeni vaje vali mu kamenga, ngwe neni lalo muli mu kamenga amo navo. Anukeni vaje valinakuyanda, ngwe neni lalo mulinakuyanda amo navo.

VaHevelu 4:15

Omwo kutwesi na Muka-kukombelela Wakama uje kasa kututetela kukuzeya kwetu, oloni a cuma eci vene, tuli na Muka-kukombelela Wakama uje ivesekele mu vingila vyoshe ngwe yetu lalo, oloni kalingile vuvi.