Filipu 2:29 - Livulu lya Shukulu Kalunga

²⁹ Ngecivene, mutambuleni nakujolela, ngwe muka-kukulaela muli Mwene. Shololeni kalemeso kuli voshe vanu va cifwa cangacije ngwe ikeye,

Filipu 2:29 Iomraidhean Croise

Isaya 52:7

Cinapu cuma cacivwa a minkinda kumona muluwa aija anena vin̄anda vyavivwa, vin̄anda vya kwoloka! Ambulula vyakuhyana nakwendeka kuli Siyone ngwendi, “Njambi yove ololo napu Mwene!”

Luka 9:5

kwoshe kuje vakavyana kumitambula, co tundeni mu nganda ije, co totomoneni likungu ku myanja yeni ngeci cipwe cuma cakuvanangula.”

Yowano 13:20

Mwa vushunga njimileka ngwange, woshe uje atambula uje njinatumu, atambula yange lalo, co woshe uje atambula yange atambula uje wanjitumine.”

Vilinga vya Miluwa 2:46

Co a litangwa na litangwa valikungulwile mu Njuvo ya Shukulu Kalunga, co valile vyakulya amolika mu vinjuvo vyavo, vakele nakulya na vimbunge vyakujolela na kulikeesa,

Vilinga vya Miluwa 28:10

Vatwanene vwana vwavungi, co omo twasunwine vwato, vaakele mu vwato vyoshe vije twashakele a vungenzi vwetu.

Vilinga vya Miluwa 8:8

Ngecivene, mu nganda ya Samaliya mwakele kujolela kwakama.

Loma 10:15

Co vatijo vambulula lijwi nga tunganda kuvavatumine? Ngwe muvyendeka visoneka ngwavyo, “Kunapu kuvwaelela kwakukomokesa omo tunganda vaija nakunena vin̄anda vyavivwa!”

Loma 16:2

ngeci mumutambule mu lizina lya Mwene, ngwe muje muvakalingi vanu va Njambi, co mukwaseni vyoshe vije ashaka kuli yeni, omwo ikeye vavenya wapwa musamba wamuvwa kuli vanu vavangi na kuli yange lalo.

1 Kolinte 16:10

Nga Timateo aija kuli yeni, mwa vushunga vene mutambuleni mwamuvwa akati keni, omwo ikeye alinakupangela Mwene, ngwe munjilinakupanga yange.

1 Kolinte 16:18

co vananjivwaelelesa, ngwe muje vakevo vavwaelelesele yeni lalo. Vanu va cifwa cangacije vanapande kuvasingimika.

2 Kolinte 10:18

Omwo munu vanamwakako omo Mwene namuyongwela vyavivwa ali ikeye, kesi ngwe omwo vavenya naliyongwela ikeye vavenya ngeci napu wamuvwa embwe.

2 Kolinte 7:2

Tushokolweleni vimbunge vyeni. Kutwalingile mwamuvi munu naumo wai wai itunaviisila, nambe kweseka kwambata cuma cimo mu ngila ya makuli.

Filipu 2:28

Njili na cishota-mbunge cakumutuma vwasi kuli yeni, ngeci mwakujolele lalo omo mwakumumona, co vusiwa vwange vukahwa.

Kolose 4:10

Alisitakase, uje njili nendi mu kamenga, natumu viindu kuli yeni, amo na Mako lalo, mwehwa wa Mbanambase. (Yeni mwatambula laja vilongesa kumutambula mwamuvwa nga ikeye aija kuli yeni.)

1 Tesalonika 5:12

Vakwetu, tumilomba ngwetu aneni kasingimiko kakavwa kuli vaje valinakupanga akati keni, vaje vamitwamenena nakuminangula mukuyoya kwa vuka-Yesu.

1 Timateo 5:17

Vakulunu vaje valinakupanga mwamuvwa ngwe vantwama vanapande kuvayongola na kasingimiko kakama, vunene kuli vaje valinakuundangana mukwambulula nakulongesa.

VaHevelu 13:17

Ononokeni vantwama veni nakukava mashiko avo. Vakevo valinakuminyungilako myonyo yeni kujeneka kuhwima, omwo vanapande kulyambulwila vipangi vyavo kuli Njambi. Nga yeni muvononoka, co vakalinga vipangi vyavo nakujolela, nga kesi ngoco, co vakavilinga nakuviilila, co nacimo cai cikamikwasa.

3 Yowano 1:10

Ngecivene, omo njikaija, njakumisholwela vyoshe vyanalingi, vyuma vyakukomokesa vije akendeka ali yetu, na makuli aje akambulula! Oloni vyoshe evi kuvyapwilemo kuli ikeye, kasa kutambula vakwavo vaka-Yesu omo vaija, co avindika lalo nambe vaje vashaka kuvatambula, co avasheka mu cikungulukilo!