Filipu 2:22 - Livulu lya Shukulu Kalunga

²² Oloni yeni vavenya mwazivuka vatijo Timateo nasholola vukaleo vwendi, ikeye napu ngwe mwana alinakupanga amo na ishe a muzimbu wauvwa.

Filipu 2:22 Iomraidhean Croise

Vilinga vya Miluwa 16:2

Vaka-kukulaela voshe va mu Lisitala na mu Ikoniyame vashangazalele manene Timateo.

Loma 5:4

co lukakateya lulingisa ngeci Njambi atutambule, co eci kutambula ca Njambi cinena cinyangavili.

1 Kolinte 16:10

Nga Timateo aija kuli yeni, mwa vushunga vene mutambuleni mwamuvwa akati keni, omwo ikeye alinakupangela Mwene, ngwe munjilinakupanga yange.

1 Kolinte 4:17

Omwo a cuma eci njilinakutuma Timateo kuli yeni, uje napu munange wa kulongwa injazema muli mwene. Ikeye akumyanukisa vilongesa vije njilinakukava mu mwonyo wauha muli Kilistu Yesu, vije vinjikalongesa mu vikungulukilo mwoshe kwoshe-ikwoshe.

2 Kolinte 2:9

Njamisonekelele uje mukanda, omwo njashakele kumyeseka ngeci njizivuke vati nga mulinakwononoka ku lijwi lyange.

2 Kolinte 8:22

Ngecivene, tulinakutuma ndolome yetu amo navo, omwo tunamweseka visimbu vyavingi, co tunawana ngeci wapwa muka-lukakateya mukukwasa. Co omwo namikulaela, ali na lukakateya manene lwakumikwasa.

2 Kolinte 8:24

Mweseni cizemo ceni kuli vakevo, ngeci vikungulukilo vyoshe vikazivuke ngeci tulinakulinga vushunga akulyalesela ali yeni.

2 Kolinte 8:8

Kesi ngwe njilinakwaka mashiko embwe. Oloni mukumimwesa vati veka vanakwasa, njilinakweseka kuwana mucinafu cizemo ceni.

Filipu 1:12

Njishaka muzivuke, vakwetu, ngwange vyuma evi vinalingiwa kuli yange vinakwasa kutwala muzimbu wauvwa kulutwe.

Filipu 1:16

Ava vamucivali vacilinga omwo cizemo, omwo vanazivuka ngwavo Njambi nanjana vipangi vyakwamena muzimbu wauvwa.

Filipu 1:5

omwo a ngila ije munanjikwasa mu vipangi vya muzimbu wauvwa, tunde a litangwa lyakulivanga nakweta ku lelo.

Filipu 1:7

Simbu yoshe yeni kumwatundile mu mbunge yange! Ngecivene, cinapu cacivwa kuli yange kukala na mbunge yangacije ali yeni voshe. Omwo yeni voshe mu vaka-kupanga amo nange mu vipangi vyananjana Njambi, nambe ololo omo njili mu kamenga nambe lalo omo njapwile wakupatuka mukwamena muzimbu wauvwa nakuukolesa mbe.

Filipu 2:20

Kunjesi na munu wakulifwa nendi, uje ali na cizango ngwe cange, co uje ali na cishota-mbunge ali yeni.

1 Timateo 1:18

Timateo munange, njikukundika ku lishiko eli, likelyo linapu ngwe majwi a vuka-kwimanena vendekele laja ali yove. Pangesa majwi awa ngwe vitwa vya nzita ngeci ulwe mwamuvwa,

1 Timateo 1:2

Kuli Timateo, munange wa vushunga mukukulaela. Njambi Tate na Kilistu Yesu Mwene yetu vakwane kutetela na mema ku mbunge na kwoloka.

1 Timateo 4:6

Nga ulongesa vakweni vyuma evi, ukapwa ngamba wamuvwa wa Kilistu Yesu, ulinakulilisa yove vavenya vyuma vya munzinzime a lijwi lyakukulaela nakulongesa kwa vushunga kuje ulinakukavangeya.

2 Timateo 1:2

Kuli Timateo, munange injazema. Njambi Tate na Kilistu Yesu Mwene yetu vakwane kutetele na mema ku mbunge na kwoloka.

2 Timateo 3:10

Oloni yove unakavangeya kulongesa kwange na futisi yange na vutumbe vwakuyoya kwange, unanongonona kukulaela kwange na kusimpa kwange na lukakateya lwange,

Tito 1:4

Njilinakusonekela kuli Tito, munange wa vushunga mukukulaela kuje tulinakwo yetu voshe. Njambi Tatetu na Kilistu Yesu Muyoyesi wetu vakwane kutetela na kwoloka.