Filipu 2:21 - Livulu lya Shukulu Kalunga

²¹ Munu na munu alinakulimwena vyendi vavenya, kesi a vin̄anda vya Yesu Kilistu.

Filipu 2:21 Iomraidhean Croise

2 Vimyene 12:6

Oloni mu mwaka wamumakumi avali na itatu wakushwana kwa Yowashe, vaje vaka-kukombelela kuvavwaesele Njuvo ya Shukulu Kalunga embwe.

Isaya 56:11

Vantwama vaje kuvesi kuzivisisa vanapu ngwe tutali vamutupu vaje kuvesi kukuta. Vantwama ava kuvesi kuzivisisa. Ntwama na ntwama ashaka kulinga vije vimuvwaelelesa.

Malakiya 1:10

Shukulu Kalunga Muka-nzili yoshe nendeka ngwendi, “Nga umo weni ashoke mapito a ku Njuvo yange ngeci kesi mushwameke tuhya twakujeneka seo a mutula wange. Kunjavwaelelele neni, co kunjikatambula milambu ije imunena kuli yange.

Mateo 16:24

Asinoni Yesu wendekele kuli vandongisi vendi ngwendi, “Nga munu ashaka kunjikava, napande kulivyana ikeye vavenya, ambate cilindakano cendi, co anjikavangeye.

Luka 14:26

“Woshe uje aija kuli yange kasa kupwa ndongisi yange kuvanga anjizeme yange kutuvakana mwazema ishe na vaina, munakazi wendi na vana vendi, vandolome vendi na vandokazi vendi, nakuzema yange kutuvakana mwalizema ikeye vavenya lalo.

Vilinga vya Miluwa 13:13

Paulu na vakwavo vajavukile kutunda ku Pafose, co vezile ku Pelenga nganda ya mu Pamefiliya, co Yowano Mako wavasezele welukile ku Yelusalema.

Vilinga vya Miluwa 15:38

oloni Paulu wayongwele ngeci kuvapandele kuya amo nendi omwo Yowano Mako kakele amo navo na ku shongo ya vungenzi vwavo oloni welukile wavasezele mu Pamefiliya.

1 Kolinte 10:24

Naumo wai napande kulishakezekela vuvwa vwendi ikeye vavenya, oloni napande kuyongola vuvwa vwa vakwavo.

1 Kolinte 10:33

Pangeni ngwe muje munjikapanga, njikeseka kuvwaelelesa voshe mu vyoshe vije njikalingi, kunjesi kuyongola vuvwa vwange vavenya, oloni vuvwa vwa voshe, ngeci vakovoke.

1 Kolinte 13:5

cizemo kucesi kulilwisa, cizemo kucesi kulitondela vyaco cikeco vavenya, nambe kucesi kuluvala, cizemo kucesi kukala na likiti-kiti a vyuma vyavivi,

2 Kolinte 1:5

Ngwe omwo tuyando twa muli Kilistu tunatumu ali yetu, mukemwo lalo kuzembeleka kwetu kunatumu ali yetu.

Filipu 2:4

Simbu yoshe shakezekeni vije vyasa kuvwaelelesa vakweni veka lalo, kesi mulivwaelelese yeni vavenya.

2 Timateo 1:15

Unazivuka ngwove vanu voshe mu lifuti lya Asiya vananjikengesa nima, Fingelyase na Helemengenese navo lalo vananjiseza.

2 Timateo 3:2

Omwo vanu vakapwa vaka-kulizema vakevo vavenya, vaka-kuzema vimbongo, vaka-kulishasha, vaka-kulijundula vakevo vavenya, vakapwa vaka-kushaula, vaka-kujeneka kwononoka kuli visemi vyavo, vaka-kujeneka kukandelela, vaka-kujeneka kukulaela,

2 Timateo 4:10

Omwo Ndemase nawila mu cizemo ca vyuma vya ano a kaye, co nanjiseza nai ku Tesalonika. Na Kelesenese nai ku Ngalatiya, na Tito nai ku Ndalematiya.

2 Timateo 4:16

Akulivanga naumo wai wanjikundamene akulyamena kwange, voshe vanjitewele. Oloni Njambi kesi avalaveleco ngwe vuvi embwe!