Filipu 2:15 - Livulu lya Shukulu Kalunga

¹⁵ ngeci mupwe vaka-kujeneka mulonga na vaka-kujeneka kapayo ngwe muvanapande kupwa vana va Njambi, vaje valinakuyoya mu kaye ka kupenga-penga na akati ka vanu vaka-vuvi. Yeni munapande kutwa ceke akati kavo ngwe vingongonosi vitwa ceke mwilu,

Filipu 2:15 Iomraidhean Croise

Myaso 122:5

Kuje kukekwo kwakala matanda akusompesela, matanda a ku njuvo ya Ndaviti.

Kutuuka 34:35

co vamwene cihanga cendi cakele nakuvyazima. Asinoni Mosesa walifwikile lalo lilesu ku cihanga cendi noo a simbu ikwavo wakovelele mu Mbalaka nakwendeka na Shukulu Kalunga.

Visimo 4:18

Ngila ivakende vaka-vushunga inapu ngwe kutuuka kwa litangwa lije litwa ceke noo lyalondo njamba.

Visimo 8:8

Vyuma vyoshe vinjendeka vinapu vya vushunga, kunjekwendeka cuma ca makuli nambe kwendeka cuma cakumitanukisa embwe.

Isaya 60:1

Induka, Yelusalema, vyazima ngwe litangwa, omwo ceke cove cinaija, na vumpau vwa Shukulu Kalunga vulinakuvyazima ali yove!

Ndanyele 6:4

Co vakwavo vaka-kutwamenena na vanguvulu vesekele kuwana cuma cimo cacivi mu ngila ije Ndanyele watwamenenene nayo vipangi mu vumwene, oloni kuvaciwanene, omwo Ndanyele wapwile munu wa kulongwa, co kalingile cuma cimo cacivi.

Mateo 10:16

“Kengeni, njilinakumituma ngwe vimanga akati ka tungunga. Ngecivene, nyanyameni ngwe manyoka, co likongomekeni ngwe mayembe.

Mateo 17:17

Co Yesu wakumbulwile ngwendi, “Yeni vaka-kujeneka kukulaela, vanu vaka-vuvi! Visimbu vingaijo njikakala neni? Visimbu vingaijo njinapande kuyanda omwo yeni? Muneneni kuno kuli yange!”

Mateo 5:45

ngeci mupwe vana va Ishweni ali mwilu. Omwo ikeye akatuwisila litangwa lyendi a vanu vavavi na ali vanu vavavwa, co akanyokesa nyonzi ali vaka-vushunga na ali vaka-vuvi.

Mateo 5:48

Ngecivene, munapande kupwa vakujela ngwe Ishweni ali mwilu wapwa wakujela.

Luka 1:6

Voshe vapwile vaka-vushunga ku mesho a Njambi, vendele mwamuvwa nakwononoka mashiko oshe a Shukulu Kalunga.

Luka 6:35

Embwe! Zemeni vitozi veni, co lingeni mwamuvwa kuli vakevo, vakumwiseni oloni kesi mukulaele ngweni mukavitambula lalo. Co cikandelela ceni cikapwa cakama, mukapwa vana va Njambi wa Akamwa ya Akamwa. Omwo ikeye akatetela vaje kuvesi kumukandelela na vaje vaka-vuvi.

Yowano 5:35

Yowano wapwile ngwe ndeya, washukumine nakutwa ceke, co mwavwaelelele kasimbu lika mu ceke cendi.

Vilinga vya Miluwa 2:40

Petulu wendekele kuli vakevo na majwi amangi eka nakuvalambelela ngwendi, “Lyameneni yeni vavenya ku kunyanyamesa kulinakwija ali vanu ava va vilinga vya kupenga-penga!”

Vilinga vya Miluwa 20:30

Co simbu ikaija omo vamo vanalume va mu mbunga yeni vakendeka makuli mukuungumuna vaka-kukulaela ngeci vavakave.

Loma 16:19

Omwo vanu voshe vanazivi kulongwa kweni ku muzimbu wauvwa, co a cuma eci njilinakuvwaelela ali yeni. Njishaka mupwe vaka-mana ku vyuma vyavivwa, oloni pweni mu vangoco ku vyuma vyavivi.

1 Kolinte 1:8

Ikeye lalo akamikolesa mbe na ku shongo, ngeci kesi vakamiwane na mulonga a Litangwa lya Mwene yetu Yesu Kilistu.

2 Kolinte 6:17

Ngecivene, Shukulu Kalunga alinakwendeka ngwendi, “Munapande kuvaseza, co tundeni kuli vakevo. Kesi mulinge cuma cimo a vyuma vyakujwala, co njikamitambula.

Efeso 5:27

ngeci akemike cikungulukilo ku mesho endi mu vuvwa vwaco vwoshe, cakujela nakujeneka mulonga, nambe kapenga kamo, nambe ka mucinya nambe ka cuma keka kakucijwalesa.

Kwituluka mu Mashiko 32:5

Oloni yeni mwalingile mwamuvi kuli ikeye, co kumwapandele kupwa mu vanu vendi embwe, muyati wauvi wa makuli.

Filipu 1:10

ngeci mwase kwangula vyavivwa. Asinoni mukapwe vaka-kupatuka ku mazilo oshe nakujeneka mulonga Litangwa lya Kilistu.

Filipu 3:6

co njakele na ntwima yakama mukupakesa cikungulukilo. Ngwe munu asa kupwa muka-vushunga akwononoka Lishiko, yange kunjakele na mulonga.

1 Tesalonika 5:23

Njambi uje muka-kutwana kwoloka amipwise vaka-kujela mu vyoshe, co anyunge vunu vweni vwoshe, munzinzime, na mwonyo na muvila, kujeneka milonga yoshe akwija kwa Mwene yetu Yesu Kilistu.

1 Timateo 3:10

Vanapande kuvelula akulivanga, asinoni, nga vakevo vakumbulula mwamuvwa, co vanapande kupanga.

1 Timateo 3:2

Ntwama wa cikungulukilo napande kupwa munu wakujeneka mulonga, napande kupwa munalume wa munakazi umolika, kesi muka-kunwa vyakupendesa, muka-kulinyunga, muka-kulongwa, napande kujumbula vangenzi ku njuvo yendi, uje asa kulongesa vakwavo,

1 Timateo 5:14

Ngecivene, njishaka ava vifwile vacili vambanda vashomboke, ngeci vakele na vana, nakunyunga vinjuvo vyavo, ngeci kesi twane mwela kuli vitozi vetu a kwendeka vyuma vyavivi ali yetu.

1 Timateo 5:20

Voshe vaje valinakulinga vuvi vavendekele ku mesho a vanu mutanya mwelu, ngeci vaje vanasalao vazive lyova.

1 Timateo 5:7

Valeke mashiko awa, ngeci kesi kukakale umo avane mulonga.

Tito 1:6

mukulunu wa cikungulukilo napande kupwa wakujeneka mulonga, napande kupwa munalume wa munakazi umolika, co vana vendi vanapande kupwa vaka-kukulaela, kesi vipapoki nambe vaka-kujeneka kwononoka embwe.

Tito 2:10

nambe kuvevila embwe. Oloni vanapande kumwesa ngeci simbu yoshe vakevo vapwa vavavwa va kulongwa, ngeci vamwese vuvwa vwa vilongesa vya Njambi Muyoyesi wetu mu vyuma vyoshe vije valinakulinga.

Tito 2:15

Longesa vyuma evi, co pangesa moko yove omo utakamesa nakuvindika vaje vakakukutolilila. Kesi utave umo wavo akuyelwise.

VaHevelu 7:26

Ngecivene, Yesu wapwa Muka-kukombelela wakama uje amona ngwe kujeneka kwetu. Wapwa wakujela, muli ikeye kumwesi mulonga nambe vuvi, vanamutundisa mukati ka vanu vaka vuvi, co vamusangwile nakumutwala mwilu.

1 Petulu 2:12

Futisi yeni akati ka vaka-kujeneka kukulaela inapande kupwa yaivwa ngeci omo vamyana mulonga wakupanga vuvi, vakevo vakamona vilinga vyeni vyavivwa, co vakashangazala Njambi a Litangwa lyendi lyakwija.

1 Petulu 2:9

Oloni yeni munapu muyati wakwangula, vaka-kukombelela va Mwene, muyati wakujela, vanu va Njambi vavenya, vanamyangula mukwambulula vikomokeso vya vilinga vya Njambi, uje wamisanene kumitundisa mu lisusulungu kuminena ku ceke cendi cakukomokesa.

2 Petulu 3:14

Ngecivene, vasamba vange, omo mulinakuvandamena Litangwa lije, esekeni na nzili yeni yoshe kupwa vakakujela na vaka-kujeneka mulonga ku mesho a Njambi nakukala mu kwoloka amo nendi.

Kujombolola 2:5

Anuka kuje kuunawila! Tenguluka ku vivi vyove nakulinga vije viwalingile akulivanga. Nga shove kutenguluka ku vivi vyove, co yange njikaija kuli yove nakutundisa citumbikilo ca ndeya yove mu mwela waco.

Kujombolola 3:9

Tolilila! Ngwe ku munga ije yakundama kuli Satana, vaka-makuli vaje valitumbula vakevo vavenya ngwavo vanapu vaYunda oloni kesi vakevo embwe, njikavalingisa ngeci vakaije kuli yove nakukulama ku myanja yove. Voshe vakazivuka ngeci kuma njakuzema.