Filipu 2:10 - Livulu lya Shukulu Kalunga

¹⁰ Ngecivene, vyuma vyoshe vili mwilu, nevi vili ano asi, nevi vili mwisi ya kaye, vikatsikama a mavuli, mukwana kalemeso lizina lya Yesu,

Filipu 2:10 Iomraidhean Croise

Kushangumuka 41:43

Wamwanene likalu lyamucivali lya vumwene ngeci endelemo, na vaka-kumunyunga va kasingimiko vaile kulutwe nakuleka vanu ngwavo, “Mutsikameneni! Mutsikameneni!” Co Yosefa wapwile mwata wakama mu lifuti lyoshe lya Ingito.

Myaso 95:6

Ijeni tutsikame nakumulemesa, tutsikameni ku mesho a Shukulu Kalunga uje watutangele!

Mateo 12:40

Omwo ngwe Yona wakele matangwa atatu mutanya na vutsiki mwimo lya liisi lyakama, ngecivene, na Muna Munu lalo akakala matangwa atatu mutanya na vutsiki mwisi ya livu.

Mateo 27:29

Co vavindile cilongo ca minango ya mambimbo vacakele ku mutwe wendi, co vamwakele citi mu livoko lyendi lya cilyo, vatsikamene a mavuli ku mesho endi vamushendumwine ngwavo, “A vulye Mwene wa vaYunda!”

Mateo 28:18

Co Yesu washwenyele kuyehi navo wendekele navo ngwendi, “Moko yoshe ya mwilu neyi ya ano asi vananjanayo.

Loma 11:4

Njambi wamukumbulwile vatijo? Wamukumbulwile ngwendi, “Njinatulika vanalume vakupwa 7,000 vaje kanda valemese kamponya Mbale.”

Efeso 1:10

Vutumbe ovu, vuje Njambi akavumanesa omo simbu inapumo, vukakungulwila vyakutanga vyoshe amolika, vyuma vyoshe vya mwilu nevi vya asi, Kilistu akapwa mutwe wavyo.

Efeso 3:14

Omwo a cuma eci, njilinakutsikama a mavuli ange ku mesho a Tate,

Efeso 4:9

Co ololo “ikeye waile mwilu” cinalumbunuka vikajo? Cinalumbunuka ngeci akulivanga washelumukile mwisi ya asi mwa kulova manene.

VaHevelu 1:6

Oloni omo Njambi wakele kuyehi nakutuma Munendi wa ntwatwa mu kaye, co wendekele ngwendi, “Tungelo voshe va Njambi vanapande kumulemesa.”

Kujombolola 20:13

Co mema a kalunga atuwisile vatsi vaje vakelemo. Kutsa na lifuti lya vatsi lalo vecelele vatsi vaje vakelemo. Co voshe vavasompele ngwe ku vilinga vyavo vije vivalingile.

Kujombolola 4:10

co vaje vakulunu makumi avali na vawana vakulama kulutwe lwa uje natumbama a litanda nakulemesa uje wayoya ku myaka yoshe. Co vombila vilongo vyavo asi kulutwe lwa litanda nakwendeka ngwavo,

Kujombolola 5:3

Oloni naumo wai ivawanene mwilu, nameme ano asi, nameme mwisi lya kaye, uje asa kufukula lije livulu nakukenga vili mukati kalyo.